ଗୁଗଲ୍ ପେରେ ବିଲ୍ ଭରିବା ହେଲା ମହଙ୍ଗା, କାର୍ଡରେ ବିଲ୍ ଦେଉଥିଲେ ଦେବେ ଅଧିକ ଫି'
Key Points
ବ୍ୟାଙ୍କ ଆକାଉଣ୍ଟରୁ ପେମେଣ୍ଟ କଲେ ପ୍ରୋସେସିଂ ଫି ଦେବାକୁ ପଡ଼ିବ ନାହିଁ । କିନ୍ତୁ କୌଣସି ବ୍ୟବହାରକାରୀ କାର୍ଡରୁ ପେମେଣ୍ଟ କଲେ ପ୍ରୋସେସିଂ ଫି ଦେବେ ।
ଦେଶରେ ଅନଲାଇନ୍ କାରବାର ଚାହିଦା ବଢ଼ୁଥିବା ବେଳେ ସ୍ମାର୍ଟଫୋନ୍ ଧରୁଥିବା ପ୍ରତିଟି ଲୋକ ୟୁପିଆଇ କାରବାର ସହ ଅଭ୍ୟସ୍ତ । ସେ ମୋବାଇଲ୍ ରିଚାର୍ଜ ହେଉ କି ବିଦ୍ୟୁତ୍ ବିଲ୍ ପୈଠ । ଏଥିପାଇଁ ଉଣା ଅଧିକେ ପ୍ରାୟ ସମସ୍ତେ ୟୁପିଆଇ ସେବା ଯୋଗାଉଥିବା ଆପ୍ର ବ୍ୟବହାର କରନ୍ତି ।
ଆଉ ଏହି ସେବା ଯୋଗାଇ ଦେଉଥିବା ଆପ୍ ମଧ୍ୟରୁ ଗୁଗଲ୍ ପେ ହେଉଛି ଅନ୍ୟତମ । ଏ ସବୁ ସେବା ପୂର୍ବରୁ ଗୁଗଲ୍ ପେ ମାଗଣାରେ ଦେଉଥିଲା । କିନ୍ତୁ ଏବେ କମ୍ପାନୀ ପ୍ରତିଟି ଦେଣନେଣେରେ ପ୍ରୋସେସିଂ ଫି ନେବା ଆରମ୍ଭ କରିଛି । ଅର୍ଥାତ୍ ଏବେ ଗୁଗଲ୍ ପେରେ ଆପଣ ବିଲ୍ ଭରିବା ବେଳେ ପୋସେସିଂ ଫିକୁ ମିଶାଇଲେ ବିଲ୍ ସହ କିଛି ଅର୍ଥ ଅଧିକ ଦେବାକୁ ପଡ଼ୁଛି ।
📱 Get Argus News App
✨ତେବେ ଗୁଗଲ୍ ପେରେ ଆପଣ ବିଦ୍ୟୁତ୍, ପାଣି ବିଲ୍ କିମ୍ବା ମୋବାଇଲ୍ ରିଚାର୍ଜ ୟୁପିଆଇ ମାଧ୍ୟମରେ ବ୍ୟାଙ୍କ ଆକାଉଣ୍ଟରୁ ପେମେଣ୍ଟ କଲେ ପ୍ରୋସେସିଂ ଫି ଦେବାକୁ ପଡ଼ିବ ନାହିଁ । କିନ୍ତୁ କୌଣସି ବ୍ୟବହାରକାରୀ କାର୍ଡରୁ ପେମେଣ୍ଟ କଲେ ପ୍ରୋସେସିଂ ଫି ଦେବେ । ନୂଆ ବ୍ୟବସ୍ଥାରେ ଦେଣନେଣ ଅର୍ଥର ୦.୫ ପ୍ରତିଶତରୁ ୧ ପ୍ରତିଶତ ପର୍ଯ୍ୟନ୍ତ ଜିଏସଟି ଦେବାକୁ ପଡ଼ିବ ।
ଏହା ପୂର୍ବରୁ ମୋବାଇଲ୍ ରିଚାର୍ଜ କ୍ଷେତ୍ରରେ ଗୁଗଲ୍ ପେ ୩ ଟଙ୍କା କନଭିନିୟସ୍ ଫି ନେବା ଗତବର୍ଷ ଆରମ୍ଭ କରିଥିଲା । ବିଶେଷଜ୍ଞଙ୍କ ଅନୁସାରେ, କନଭିନିୟସ୍ ଫି ବା ପ୍ଲାଟଫର୍ମ ବି ଗୋଟିଏ ସାଧାରଣ କଥା । ଏବେ ଯାଏଁ ଗୁଗଲ୍ ପେ ଏହି ଶୁଳ୍କ ନିଜେ ଦେଉଥିଲା, ଏଣିକି ଗ୍ରାହାକଙ୍କୁ ଏହି ଭାର ବୋହିବାକୁ ପଡ଼ିବ ।
ତଥ୍ୟ ଅନୁସାରେ, ଦେଶରେ ମୋଟ ୟୁପିଆଇ ଦେଣନେଣପ ୩୭ ପ୍ରତିଶତ ଗୁଗଲ୍ ପେ ପ୍ରୋସେସ୍ କରିଥାଏ । ଗୁଗଲ୍ ପେ ପରେ ଏହି କ୍ଷେତ୍ରରେ ଦ୍ଵିତୀୟରେ ରହିଛି ଫୋନ୍ ପେ । ଜାନୁଆରୀ ୨୦୨୫ ପର୍ଯ୍ୟନ୍ତ ଗୁଗଲ୍ ପେ ମାଧ୍ୟମରେ ମୋଟ ୮.୨୬ ଲକ୍ଷ କୋଟିର ୟୁପିଆଇ କାରବାର ହୋଇଛି ।