Investment Tips / ଦିନକୁ ୧୦୦ ଟଙ୍କା ନିବେଶ କରି କେମିତି ହେବେ କୋଟିପତି ? ଜାଣନ୍ତୁ...

ଆପଣ କେବେ ଭାବିଛନ୍ତି କି, ଦିନକୁ ମାତ୍ର ୧୦୦ ଟଙ୍କା ସଞ୍ଚୟ କରି ଭବିଷ୍ୟତରେ କୋଟିପତି ହୋଇପାରିବେ ? ଶୁଣିବାକୁ ଆଶ୍ଚର୍ଯ୍ୟ ଲାଗିଲେ ମଧ୍ୟ ଦୀର୍ଘ ସମୟ ଓ ନିୟମିତ ନିବେଶ ଏହାକୁ ସମ୍ଭବ କରିପାରେ । ଅନେକ ଲୋକ ଭାବନ୍ତି ବଡ଼ ସମ୍ପତ୍ତି ଗଢ଼ିବା ପାଇଁ ଲକ୍ଷ ଲକ୍ଷ ଟଙ୍କା ଦରକାର, କିନ୍ତୁ ପ୍ରକୃତରେ ଛୋଟ ଛୋଟ ନିବେଶ ମଧ୍ୟ ସମୟ ସହିତ ବଡ଼ ପାଣ୍ଠିରେ ପରିଣତ ହୋଇପାରେ । ଆଜି ଆମେ ଆପଣଙ୍କୁ SIP ବା ସିଷ୍ଟେମାଟିକ୍ ଇନଭେଷ୍ଟମେଣ୍ଟ ପ୍ଲାନ୍‌ର ଏମିତି ଏକ ରୋଡମ୍ୟାପ୍ ବିଷୟରେ କହିବୁ, ଯାହା ନିୟମିତତା, ଧୈର୍ଯ୍ୟ ଓ ସଠିକ୍ ନିବେଶ ମାଧ୍ୟମରେ ଆପଣଙ୍କ ଆର୍ଥିକ ସ୍ୱପ୍ନକୁ ସାକାର କରିବାରେ ସହାୟକ ହୋଇପାରେ ।

ଆଜି ଆମେ ଆପଣଙ୍କୁ କହିବାକୁ ଯାଉଛୁ ଟଙ୍କା ନିବେଶର ଏକ ଏଭଳି ଫଣ୍ଡା ଯାହା ଆପଣଙ୍କୁ ମାତ୍ର କିଛି ବର୍ଷରେ ବନାଇପାରେ କୋଟିପତି । ଦୈନିକ ମାତ୍ର ୧୦୦ ଟଙ୍କାର ନିବେଶ କରନ୍ତୁ । ଆଉ କୋଟିପତି ବନିବାରୁ ଆପଣଙ୍କୁ କେହି ଅଟକାଇ ପାରିବେନି । ଆପଣଙ୍କ ମନରେ ପ୍ରଶ୍ନ ଉଠୁଥିବ କେତେ ବର୍ଷ ଲାଗିବ ଏଥିପାଇଁ ? ଆମେ ଆପଣଙ୍କୁ ବତାଇବୁ କୋଟିପତି ବନିବାର ପୂରା ରୋଡ୍ ମ୍ୟାପ୍ । ଏବେ ଆସନ୍ତୁ ଜାଣିବା ପୁରା ପ୍ରକ୍ରିୟା ।

ଆଜିର ସମୟରେ SIP ଏକ ଲୋକପ୍ରିୟ ନିବେଶ ବିକଳ୍ପ ଭାବରେ ଉଭା ହୋଇଛି । ବହୁ ସଂଖ୍ୟାରେ ନିବେଶକ SIP ଜରିଆରେ ମ୍ୟୁଚୁଆଲ୍ ଫଣ୍ଡରେ ନିବେଶ କରୁଛନ୍ତି । ଲଙ୍ଗ୍ ଟର୍ମ (ଦୀର୍ଘ ଅବଧି) ରେ SIP ମାଧ୍ୟମରେ ଏକ ବଡ଼ ପାଣ୍ଠି ବା ଫଣ୍ଡ ଗଠନ କରାଯାଇପାରିବ । ଯଦି ଆପଣ ମଧ୍ୟ ଅବସରକାଳୀନ ଯୋଜନା ବା ରିଟାୟରମେଣ୍ଟ ପ୍ଲାନକୁ ନେଇ ଚିନ୍ତିତ ଅଛନ୍ତି, ତେବେ ବ୍ୟସ୍ତ ହେବାର ଆବଶ୍ୟକତା ନାହିଁ । ଦୈନିକ ୧୦୦ ଟଙ୍କାର SIP କରି ମଧ୍ୟ କୋଟିପତି ହୋଇପାରିବେ ।

ଯଦି କୌଣସି ବ୍ୟକ୍ତି SIP ଜରିଆରେ ମ୍ୟୁଚୁଆଲ୍ ଫଣ୍ଡରେ ଦୈନିକ ୧୦୦ ଟଙ୍କା ନିବେଶ କରନ୍ତି, ତେବେ ସେ ଦୀର୍ଘ ଅବଧିରେ ଭଲ ରିଟର୍ଣ୍ଣ ପାଇପାରିବେ । ଦିନକୁ 100 ହିସାବରେ ପ୍ରତି ମାସରେ ୩୦୦୦ ଟଙ୍କା ନିବେଶ କରିବାକୁ ପଡ଼ିବ । ଏପରି କ୍ରମାଗତ ଭାବେ ୨୫ ବର୍ଷ ପର୍ଯ୍ୟନ୍ତ କଲେ ନିବେଶକମାନଙ୍କୁ ବହୁତ ବଡ଼ ଫାଇଦା ମିଳିପାରେ ।

ମନେକରନ୍ତୁ, ଯେଉଁ ମ୍ୟୁଚୁଆଲ୍ ଫଣ୍ଡରେ ବ୍ୟକ୍ତିଜଣକ ଟଙ୍କା ବିନିଯୋଗ କରିଛନ୍ତି, ତାହା କେବଳ ୧୦ ପ୍ରତିଶତ ରିଟର୍ଣ୍ଣ ଦେଇଛି । ଏଭଳି ପରିସ୍ଥିତିରେ, ୨୫ ବର୍ଷ ମଧ୍ୟରେ ୯ ଲକ୍ଷ ଟଙ୍କାର ନିବେଶ ଉପରେ ସେହି ବ୍ୟକ୍ତି ୩୦.୮୦ ଲକ୍ଷ ଟଙ୍କାର ରିଟର୍ଣ୍ଣ ପାଇପାରିବେ । ସେ ସର୍ବମୋଟ ୩୯.୮୦ ଲକ୍ଷ ଟଙ୍କାର ପାଣ୍ଠି ସଂଗ୍ରହ କରିପାରିବେ ।

୧୨ ପ୍ରତିଶତ ରିଟର୍ଣ୍ଣ ମିଳିବା ସ୍ଥିତିରେ, SIP ୨୫ ବର୍ଷରେ ସର୍ବମୋଟ ୫୬.୯୦ ଲକ୍ଷ ଟଙ୍କାର ପାଣ୍ଠି ପ୍ରସ୍ତୁତ କରିଦେବ । ଏହି ସମୟ ମଧ୍ୟରେ ନିବେଶକମାନଙ୍କୁ ୪୭.୫୦ ଲକ୍ଷ ଟଙ୍କାର ଲାଭ ହେବ ।

ଆଉ ଯଦି ନିବେଶକମାନଙ୍କୁ SIP ମାଧ୍ୟମରେ ୨୫ ବର୍ଷ ପର୍ଯ୍ୟନ୍ତ ୧୫ ପ୍ରତିଶତ ରିଟର୍ଣ୍ଣ ମିଳେ, ତେବେ ସେ କୋଟିପତି ହୋଇଯିବେ । ଏହି ସମୟ ଅବଧି ମଧ୍ୟରେ ସର୍ବମୋଟ ୯ ଲକ୍ଷ ଟଙ୍କା ନିବେଶ ହେବ । ଯାହାଦ୍ବାରା ନିବେଶକଙ୍କୁ ସର୍ବମୋଟ ୧.୦୫ କୋଟି ଟଙ୍କାର ରିଟର୍ଣ୍ଣ ମିଳିପାରିବ ।

SIP କରିବା ସମୟରେ କେଉଁ ଦିଗ ପ୍ରତି ଧ୍ୟାନ ଦେବେ
ଯଦି ଆପଣ ମଧ୍ୟ SIP କରିବାକୁ ଯାଉଛନ୍ତି, ତେବେ କିଛି ଗୁରୁତ୍ୱପୂର୍ଣ୍ଣ କଥା ନିଶ୍ଚିତ ଭାବେ ମନେ ରଖନ୍ତୁ । ପ୍ରଥମ କଥା ହେଉଛି ନିରନ୍ତରତା ବା ଡିସିପ୍ଲିନ ଏବଂ ଧୈର୍ଯ୍ୟ । ଆପଣ ଦୁଇ କିମ୍ବା ଚାରି ବର୍ଷରେ SIP ମାଧ୍ୟମରେ ମୋଟା ଅଙ୍କର ରିଟର୍ଣ୍ଣ ପାଇପାରିବେ ନାହିଁ । ଆପଣଙ୍କୁ ୧୫ ରୁ ୨୦ ବର୍ଷ ପର୍ଯ୍ୟନ୍ତ ଅପେକ୍ଷା କରିବାକୁ ପଡ଼ିବ । କିନ୍ତୁ ଏକ କଥା ନୋଟ୍ କରି ରଖନ୍ତୁ ଯେ ଯଦି ଆପଣ ନିରନ୍ତର ଭାବରେ ଟଙ୍କା ଜମା କରିବେ, ତେବେ ହିଁ ଫାଇଦା ମିଳିବ ।

SIP କରିବାକୁ ଯାଉଥିଲେ ଆପଣ କେଉଁ ଫଣ୍ଡ ବାଛୁଛନ୍ତି, ସେଥିପ୍ରତି ମଧ୍ୟ ନିଶ୍ଚିତ ଧ୍ୟାନ ଦିଅନ୍ତୁ । ସେହି ଫଣ୍ଡ ହାଉସ୍ କେଉଁ କମ୍ପାନୀଗୁଡ଼ିକରେ କେତେ ନିବେଶ କରୁଛି, ତାହା ମଧ୍ୟ ଯାଞ୍ଚ କରିବା ଉଚିତ । ଫଣ୍ଡ ମ୍ୟାନେଜର କିଏ ? ତାଙ୍କର କେତେ ଅଭିଜ୍ଞତା ଅଛି ? ଏସବୁ ଦେଖିବା ଜରୁରୀ । ଏହା ବ୍ୟତୀତ, ଖର୍ଚ୍ଚର ପ୍ରତିଶତ ବା ଏକ୍ସପେନ୍ସ ରେସିଓ କେତେ ହେଉଛି ଏବଂ ଏଗଜିଟ୍ ଲୋଡ୍ Exit Load କେତେ ଅଛି, ଜଣେ ନିବେଶକଙ୍କୁ SIP ଆରମ୍ଭ କରିବା ପୂର୍ବରୁ ଏହା ମଧ୍ୟ ଦେଖିନେବା ଉଚିତ୍ ।
ଆଉ ଆପଣମାନେ ଏହା ମଧ୍ୟ ଜାଣି ରଖିବା ଉଚିତ ଯେ ମ୍ୟୁଚୁଆଲ୍ ଫଣ୍ଡ ବଜାର ଜନିତ ବିପଦର ଅଧୀନ ଅଟେ। କୌଣସି ବି ନିବେଶ କରିବା ପୂର୍ବରୁ ବିଶେଷଜ୍ଞମାନଙ୍କ ପରାମର୍ଶ ନିଶ୍ଚିତ ଭାବେ ନିଅନ୍ତୁ ।