ଦକ୍ଷିଣ କୋରିଆର ଇଲେକ୍ଟ୍ରୋନିକ୍ସ ନିର୍ମାତା ଏଲ୍‌ଜି (LG)ର ଭାରତୀୟ ୟପନିଟ୍ ଜଲ୍‌ଦି ହିଁ ଆଇପିଓ (IPO) ଆଣିବାକୁ ଯାଉଛି । ମାର୍କେଟ୍ ରେଗୁଲେଟର ସିକ୍ୟୁରିଟି ଏକ୍ସଚେଞ୍ଜ ବୋର୍ଡ ଅଫ୍ ଇଣ୍ଡିଆ ଅର୍ଥାତ୍ SEBI, ଏଲ୍‌ଜିର ଡ୍ରାଫ୍ଟ ପେପର୍ସକୁ ଅନୁମୋଦନ ପ୍ରଦାନ କରିଛି ।

ଏହି ଆଇପିଓ ୧୫ ହଜାର କୋଟି ଟଙ୍କାର ହେବ । ଏହି ଆଇପିଓ ଜରିଆରେ ୧୦ ଟଙ୍କାର ଫେସ୍ ଭ୍ୟାଲୁର ୧୦.୧୮ କୋଟି ଇକ୍ଵିଟି ସେୟାର ବିକ୍ରି କରାଯିବ । ଆଇପିଓରୁ ଏଲ୍‌ଜି ଇଣ୍ଡିଆ କୌଣସି ଆୟ କରିବ ନାହିଁ । ଏହା ପୂର୍ବରୁ କମ୍ପାନୀ ଡିସେମ୍ବର ୧୯ରେ ସେବି ନିକଟରେ ଡ୍ରାଫ୍ଟ ରେଡ ହେରିଂ ପ୍ରୋସ୍ପେକ୍ଟସ୍ (DRHP) ଫାଇଲ୍ କରିଥିଲା ।

ଏହି ଆଇପିଓ ଇସ୍ୟୁ ସାଇଜ୍ ସହ ଏହି ପ୍ଲବିକ ଇସ୍ୟୁ ଦେଶର ଶ୍ରେଷ୍ଠ-୫ ବଡ଼ ଆଇପିଓ ମଧ୍ୟରୁ ଗୋଟିଏ ହେବ । DRHPରେ ମାର୍ଗନ ଷ୍ଟେନଲି, ଜେପି ମାର୍ଗନ, ଆକ୍ସିସ୍ କ୍ୟାପିଟାର୍‍ ବୋଫା ସିକ୍ୟୁରିଟିଜ୍ ଓ ସିଟି ଗ୍ରୁପ୍‌କୁ ଏହି ଇସ୍ୟୁର ଲିଡ୍ ମ୍ୟାନେଜର ରଖା ଯାଇଛି ।

୧.୮ ବିଲିୟନ୍ ଡଲାର୍‌ର ଆଇପିଓ ଆସିବା ପରେ ସେୟାରରେ ତାଲିକାଭୁକ୍ତ ହେଲେ ଏଲ୍‌ଜି ଇଲେକ୍ଟ୍ରୋନିକ୍ସ ଇଣ୍ଡିଆ ପ୍ରାଇଭେଟ୍ ଲିମିଟେଡ୍‌ର ଭ୍ୟାଲୁ ପ୍ରାୟ ୧୩ ବିଲିୟନ୍ ଡଲାର୍ ଅର୍ଥାତ୍ ୧.୧୦ ଲକ୍ଷ କୋଟି ଟଙ୍କା ହୋଇପାରେ ।

ତେବେ ଏହି ଆଇପିଓକୁ ଏଲ୍‌ଜି ଇଲେକ୍ଟ୍ରୋନିକ୍ସ ଏକ ଷ୍ଟ୍ରାଟେଜି ଭାବେ ଆଣୁଛି । କାରଣ କମ୍ପାନୀ ୨୦୩୦ ସୁଦ୍ଧା ୭ ହଜାର ୫୦୦ କୋଟି ଡଲାର୍ ଅର୍ଥାତ୍ ୬.୩୫ ଲକ୍ଷ କୋଟି ଟଙ୍କା ଇଲେକ୍ଟ୍ରୋନିକ୍ସ ରାଜସ୍ଵ ପାଇବାକୁ ଲକ୍ଷ୍ୟ ରଖିଛି । ଏହା ଦ୍ଵାରା ଏଲ୍‌ଜି ଗ୍ରାହକଙ୍କୁ ଟାର୍ଗେଟ୍ କରି ଇଲେକ୍ଟ୍ରୋନିକ୍ସ ବ୍ୟବସାୟକୁ ପୁଣି ଟ୍ରାକ୍‌କୁ ଆଣିବାକୁ ଯୋଜନା କରିଛି ।

Argus News | argus news | -Argusnews Home: Odisha Latest News, Breaking News, Trending News, Live TV and more