ମୋଟର ଯାନ ଆଇନ ଅନୁଯାୟୀ, ଡ୍ରାଇଭିଂ ଲାଇସେନ୍ସ କେବଳ ୨୦ କିମ୍ବା ୪୦ ବର୍ଷ ବୟସ ପର୍ଯ୍ୟନ୍ତ ବୈଧ ରହିଥାଏ । ଏହା ପରେ, ଲାଇସେନ୍ସର ଏକ୍ସପାରୀ ଡେଟ୍ ଶେଷ ହୋଇଯାଏ । ତା'ପରେ ପ୍ରତି ୧୦ ବର୍ଷରେ ଲାଇସେନ୍ସକୁ ନବୀକରଣ କରିବାକୁ ପଡିବ । କିନ୍ତୁ, ଯଦି ଆପଣ ଏହାକୁ ନବୀକରଣ କରିନାହାଁନ୍ତି, ତେବେ ଆପଣଙ୍କୁ ଆନେକ ସମସ୍ୟାର ସମ୍ମୁଖୀନ ହେବାକୁ ପଡ଼ିପାରେ ।

ଲାଇସେନ୍ସର ଏକ୍ସପାରୀ ଡେଟ୍ ଶେଷ ହେଲେ କ'ଣ ହେବ ?
ଏହି ଆଇନ ଅନୁଯାୟୀ, ଯଦି କୌଣସି ଡ୍ରାଇଭିଂ ଲାଇସେନ୍ସର ଏକ୍ସପାରୀ ଡେଟ୍ ଶେଷ ହୋଇଯାଏ, ତେବେ ଏହାକୁ ରଦ୍ଦ କରାଯାଇପାରିବ । ତା'ସହ ଜରିମାନା ଲାଗୁ ମଧ୍ୟ ହୋଇପାରେ । ଏହା ପରେ ଆଉ ଏକ ନୂଆ ଲାଇସେନ୍ସ ଆବଶ୍ୟକ ହେବ । ନୂଆ ଡ୍ରାଇଭିଂ ପରୀକ୍ଷା ମଧ୍ୟ ଆବଶ୍ୟକ ହୋଇପାରେ । ନିର୍ଦ୍ଦିଷ୍ଟ ସମୟ ପରେ ଲାଇସେନ୍ସ ସ୍ୱୟଂଚାଳିତ ଭାବରେ ରଦ୍ଦ ହୋଇଯାଏ ।

ଡ୍ରାଇଭିଂ ଲାଇସେନ୍ସ କେତେ ଦିନ ପାଇଁ ବୈଧ ?
ଏକ ଡ୍ରାଇଭିଂ ଲାଇସେନ୍ସ ୨୦ କିମ୍ବା ୪୦ ବର୍ଷ ବୟସ ପର୍ଯ୍ୟନ୍ତ ବୈଧ ରହିଥାଏ । ୫୦ ବର୍ଷ ବୟସରେ ପହଞ୍ଚିବା ପରେ, ଲାଇସେନ୍ସର ବୈଧତା ଅବଧି ପାଞ୍ଚ ବର୍ଷକୁ ହ୍ରାସ ପାଇଥାଏ । ଯଦି ଆପଣଙ୍କର ଲାଇସେନ୍ସର ଏକ୍ସପାରୀ ଶେଷ ହୋଇଯାଏ, ତେବେ ଚିନ୍ତା କରନ୍ତୁ ନାହିଁ, କାରଣ ସରକାର ନୂଆ କରିବା ପାଇଁ ୩୦ ଦିନର ଅବଧି ଦେଉଛନ୍ତି । କୌଣସି ଅତିରିକ୍ତ ଫି କିମ୍ବା ଜରିମାନା ବିନା ଏହି ଗୋଟିଏ ମାସ ମଧ୍ୟରେ ଲାଇସେନ୍ସ ନବୀକରଣ କରାଯାଇପାରିବ ।

ଏଥିସହ ପଢ଼ନ୍ତୁ: EPFO 3.0: ଆଉ ଚିନ୍ତା ନାହିଁ UPI & ATMରେ ଉଠିବ PF ଟଙ୍କା

ଅନଲାଇନରେ ଆପଣଙ୍କର ଡ୍ରାଇଭିଂ ଲାଇସେନ୍ସ କିପରି ନବୀକରଣ କରିବେ
ଆପଣଙ୍କର ଡ୍ରାଇଭିଂ ଲାଇସେନ୍ସ ନବୀକରଣ କରିବା ପାଇଁ, ସଡ଼କ ପରିବହନ ମନ୍ତ୍ରଣାଳୟର ସରକାରୀ ୱେବସାଇଟ୍‌ରେ ଲଗ୍ ଇନ୍ କରନ୍ତୁ ଏବଂ ଡ୍ରାଇଭିଂ ଲାଇସେନ୍ସ ସମ୍ବନ୍ଧିତ ସେବା ବିକଳ୍ପ ଉପରେ କ୍ଲିକ୍ କରନ୍ତୁ । ଆପଣଙ୍କର ରାଜ୍ୟ ଚୟନ କରନ୍ତୁ ଏବଂ ଆପଣଙ୍କର ଡ୍ରାଇଭିଂ ଲାଇସେନ୍ସ ନମ୍ବର ଏବଂ ଜନ୍ମ ତାରିଖ ଦାଖଲ କରନ୍ତୁ ।

ବିବରଣୀ ଦେଖାଯିବ । ତା'ପରେ, ନବୀକରଣ ବିକଳ୍ପ ଚୟନ କରନ୍ତୁ ଏବଂ ଆବଶ୍ୟକୀୟ ଡକ୍ୟୁମେଣ୍ଟଗୁଡ଼ିକ ଅପଲୋଡ୍ କରନ୍ତୁ । ଅନଲାଇନରେ ଫିସ୍ ପୈଠ କରନ୍ତୁ ଏବଂ ଦାଖଲ କରନ୍ତୁ । ପ୍ରକ୍ରିୟା ସମାପ୍ତ କରିବା ପରେ, ଦେୟ ରସିଦ ଏବଂ ଆପଣଙ୍କର ଆବେଦନର ଏକ କପି ଡାଉନଲୋଡ୍ ଏବଂ ସେଭ୍ କରନ୍ତୁ ।

ଲାଇସେନ୍ସ ନବୀକରଣ ପାଇଁ କେଉଁ ଡକ୍ୟୁମେଣ୍ଟ ଆବଶ୍ୟକ ?
ଆପଣଙ୍କର ଡ୍ରାଇଭିଂ ଲାଇସେନ୍ସ ନବୀକରଣ କରିବା ପାଇଁ, ଆପଣଙ୍କୁ ଆପଣଙ୍କର ପୁରୁଣା ଡ୍ରାଇଭିଂ ଲାଇସେନ୍ସ, ଆଧାର କାର୍ଡ, ପରିଚୟ ପତ୍ର, ଠିକଣା ପ୍ରମାଣ, ପାସପୋର୍ଟ ସାଇଜ୍ ଫଟୋ ଏବଂ ଡିଜିଟାଲ୍ ଦସ୍ତଖତ ଆବଶ୍ୟକ ହେବ । ଯଦି ଆବେଦନକାରୀଙ୍କ ବୟସ ୪୦ ବର୍ଷରୁ ଅଧିକ, ତେବେ ଏକ ଡାକ୍ତରୀ ପ୍ରମାଣପତ୍ର ମଧ୍ୟ ଆବଶ୍ୟକ ହୋଇପାରେ ।