ସପ୍ତାହ ଆରମ୍ଭରୁ ଖସିଲା ବଜାର, ଦିନକରେ ସେନସେକ୍ସ ୮୨୪ ପଏଣ୍ଟ ହ୍ରାସ
Key Points
ସେୟାର ବଜାରରେ ବଡ଼ ଧରଣର ହ୍ରାସ
ସେନସେକ୍ସ ୮୨୪ ପଏଣ୍ଟ ହ୍ରାସ
୨୬୩ ପଏଣ୍ଟ ଖସିଲା ନିଫଟି
ଅର୍ଗସ ବ୍ୟୁରୋ: ଖସୁଛି ସେୟାର ବଜାର । ସପ୍ତାହ ଆରମ୍ଭରୁ ସୋମବାର ସେୟାର ବଜାରରେ ବଡ଼ ଧରଣର ହ୍ରାସ ଘଟିଛି । ଆଜି ସେୟାର ମାର୍କେଟ ସେନସେକ୍ସ ୮୨୪ ପଏଣ୍ଟ ହ୍ରାସ ପାଇ ୭୫ ହଜାର ୩୬୬ ପଏଣ୍ଟରେ କାରବାର ବନ୍ଦ ହୋଇଛି । ସେହିଭଳି ନିଫଟି ୨୬୩ ପଏଣ୍ଟ ଖସି କାରବାର ୨୨ ହଜାର ୮୨୯ରେ ବନ୍ଦ ହୋଇଛି ।
ସେନସେକ୍ସର ୩୦ ସେୟାରରୁ ୨୩ଟି ସେୟାର ଆଜି ଖସିଥିବା ବେଳେ ମାତ୍ର ୭ଟି ଗ୍ରୀନ୍ ଜୋନରେ ରହିଥିଲା । ଆଇଟି, ଶକ୍ତି ଓ ମେଟାଲ ସେୟାରରେ ସବୁଠୁ ଅଧିକ ଖସିଥିବା ଦେଖିବାକୁ ମିଳିଛି । ଏହା ପୂର୍ବରୁ ଗତ ସପ୍ତାହର ଶେଷ ଦିନ ଜାନୁଆରୀ ୨୪ରେ ସେୟାର ବଜାରରେ ହ୍ରାସ ଦେଖିବାକୁ ମିଳିଥିଲା । ସେନସେକ୍ସ ୩୨୯ ପଏଣ୍ଟ ହ୍ରାସ ପାଇଁ କାରବାର ୭୬ ହଜାର ୧୯୦ରେ ବନ୍ଦ ହୋଇଥିଲା । ସେହିଭଳି ନିଫଟି ମଧ୍ୟ ୧୧୩ ପଏଣ୍ଟ ଖସି ୨୩ ହଜାର ୦୯୨ କାରବାର ବନ୍ଦ ରହିଥିଲା ।
ବଜାରରେ କାହିଁକି ନିରାଶା ?
📱 Get Argus News App
✨ଆମେରିକାର ନୂଆ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ବାଣିଜ୍ୟ ନୀତିକୁ ନେଇ ଅନିଶ୍ଚିତତା
୨୦୨୪-୨୫ ଆର୍ଥିକ ବର୍ଷରେ ଅନେକ କମ୍ପାନୀର ଦୁର୍ବଳ ପ୍ରଦର୍ଶନ
ନିୟମିତ ବ୍ୟବଧ୍ୟାନରେ ଭାରତୀୟ ବଜାରରୁ ବିଦେଶୀ ନିବେଶକଙ୍କ ପୁଞ୍ଜି ପ୍ରତ୍ୟାହାର
କେବଳ ଭାରତ ନୁହେଁ ବରଂ ଏସିଆ ମହାଦେଶରେ ସମାନ ସ୍ଥିତି ରହିଛି । ଜାପାନର ନିକ୍କେଇ ଆଜି ୦.୯୨ ପ୍ରତିଶତ ଖସିଥିବା ବେଳେ ଚୀନର ସଂଘାଇ କମ୍ପୋଜିଟ୍ ଇଣ୍ଡେକ୍ସ ୦.୦୬୨ ପ୍ରତିଶତ ହ୍ରାସ ପାଇଛି । ଏନଏସ୍ ତଥ୍ୟ ଅନୁସାରେ, ଜାନୁଆରୀ ୨୪ରେ ବିଦେଶୀ ନିବେଶକ ଭାରତୀୟ ସେୟାର ବଜାରରେ ୨, ୭୫୮ କୋଟି ଟଙ୍କାର ସେୟାର ବିକ୍ରି କରିଛନ୍ତି । ଏହି ସମୟରେ ଘରୋଇ ନିବେଶକ କିଣିଛନ୍ତି ୨, ୪୦୨ କୋଟି ଟଙ୍କାର ସେୟାର ।