ନୂଆ ବର୍ଷ ଆସିବା ସହିତ, ଲୋକମାନେ ନୂଆ ବର୍ଷର ବଜେଟ୍ ପାଇଁ ଅପେକ୍ଷା କରିଛନ୍ତି । ବର୍ତ୍ତମାନ ନୂଆ ବର୍ଷ ଆସିଗଲାଣି, ଲୋକମାନେ ବଜେଟ୍ କେବେ ଉପସ୍ଥାପନା ହେବ ଉତ୍ସାହର ସହିତ ଅପେକ୍ଷା କରିଛନ୍ତି । ବଜେଟ୍ ଫେବୃଆରୀ ମାସର ପହିଲାରେ ଆସିଥାଏ ଏବେ ପ୍ରଶ୍ନ ଉଠୁଛି କି ଫେବୃଆରୀ ମାସର ପହିଲା ରବିବାର ପଡୁଛି । ଲୋକମାନେ ଭାବୁଛନ୍ତି ଯେ ସେହି ଦିନ ବଜେଟ୍ ଉପସ୍ଥାପିତ ହେବ କି ନାହିଁ ?

ତଥାପି, ବଜେଟ୍ ଉପସ୍ଥାପନ କେଉଁ ତାରିଖରେ ହେବ ସେ ନିଷ୍ପତ୍ତି ଏହି ସପ୍ତାହରେ ନିଆଯାଇପାରେ । ସେହି ସମୟ ମଧ୍ୟରେ, ୨୦୨୬ ବଜେଟ୍ ଉପସ୍ଥାପନା ସମ୍ପର୍କରେ ଏକ ସ୍ପଷ୍ଟ ଚିତ୍ର ସାମ୍ନାକୁ ଆସିବ। ଏହାକୁ କେବେ ପ୍ରକାଶ କରାଯିବ ତାହା ସଂସଦୀୟ ବ୍ୟାପାର ବିଭାଗ ନିଷ୍ପତ୍ତି ନେଇଥାଏ ଏବଂ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଏହି ପ୍ରକ୍ରିୟାର ନେତୃତ୍ୱ ନେଇଥାନ୍ତି ।

ଫେବୃଆରୀ ୧ ନା ପରବର୍ତ୍ତୀ ତାରିଖ?
ବର୍ତ୍ତମାନ, କୌଣସି ସରକାରୀ ସ୍ତରରେ ତାରିଖ ଘୋଷଣା କରାଯାଇନାହିଁ । କିଛି ରିପୋର୍ଟଅନୁସାରେ କେନ୍ଦ୍ର ସରକାର ଚଳିତ ବର୍ଷର ବଜେଟ୍ ଫେବୃଆରୀ ୧ ତାରିଖରେ ଉପସ୍ଥାପନ କରିବା ନୋଇ କୁହାଯାଉଛି, ଯଦିଓ ଏହି ଦିନ ରବିବାର ପଡ଼ୁଛି । ସୂଚନାରୁ ଜଣାପଡିଛି ଯେ ସରକାରଙ୍କ ଯେଉଁ କାର୍ଯ୍ୟସୂଚୀ ରହିଛି ତା'ର ସ୍ଥିରତା ବଜାୟ ରଖିବାକୁ ଚାହୁଁଛନ୍ତି ।

ଆପଣ ହୁଏତ ଭାବୁଥିବେ ଯେ ଫେବୃଆରୀ ୧ କାହିଁକି ଉପସ୍ଥାପନ କରାଯାଉଛି, ଏବଂ ଏହାର ଉତ୍ତର ହେଉଛି ଅନେକ ଦିନ ଧରି ଏହି ଢାଞ୍ଚାରେ ଚାଲିଆସିଛି । ବିଗତ କିଛି ବର୍ଷର ବଜେଟ୍ ଉପରେ ନଜର ପକାଇଲେ, ସେଗୁଡ଼ିକ ଫେବୃଆରୀ ୧ ତାରିଖରେ ଉପସ୍ଥାପିତ ହୋଇଛି । କେନ୍ଦ୍ର ସରକାର ଏଥର ମଧ୍ୟ ଏହି ପରମ୍ପରା ବଜାୟ ରଖିବାକୁ ଚାହୁଁଛନ୍ତି । ଏହି କାରଣରୁ ବଜେଟ୍ ଫେବୃଆରୀ ୧ ତାରିଖରେ ଉପସ୍ଥାପିତ ହେବ ବୋଲି କଳ୍ପନା ଜଳ୍ପନା ଜୋର ଧରିଛି ।

ଅଧିବେଶନଟି କେତେ ସପ୍ତାହ ଚାଲିବ?
ବଜେଟ ଅଧିବେଶନର ପ୍ରଥମ ପର୍ଯ୍ୟାୟ ତିନି ସପ୍ତାହ ଧରି ଚାଲିବ ବୋଲି ଆଶା କରାଯାଉଛି । ଏହି ତିନି ସପ୍ତାହ ମଧ୍ୟରେ, ରାଷ୍ଟ୍ରପତିଙ୍କ ଅଭିଭାଷଣ ଉପରେ ଧନ୍ୟବାଦ ପ୍ରସ୍ତାବ ଉପରେ ଆଲୋଚନା ହେବ, ସାଧାରଣ ବଜେଟ ଉପସ୍ଥାପିତ ହେବ ଏବଂ ବଜେଟ ପ୍ରସ୍ତାବଗୁଡ଼ିକ ଉପରେ ବିସ୍ତୃତ ଆଲୋଚନା ହେବ। ସଂସଦରେ ଅର୍ଥ ବିଲ୍ ମଧ୍ୟ ଉପସ୍ଥାପିତ ହେବ । ରାଷ୍ଟ୍ରପତିଙ୍କ ଅଭିଭାଷଣ ଉପରେ ଧନ୍ୟବାଦ ପ୍ରସ୍ତାବ ଉପରେ ଆଲୋଚନା ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନିଜେ ଉତ୍ତର ଦେଇପାରନ୍ତି ବୋଲି କୁହାଯାଉଛି ।

ଫେବୃଆରୀ ପରମ୍ପରା
ଫେବୃଆରୀରେ ଉପସ୍ଥାପିତ ହେବାକୁ ଥିବା ବଜେଟ୍ ବିଷୟରେ କହିବାକୁ ଗଲେ, ଏହା ପ୍ରଥମ ଥର ନୁହେଁ ଯେ ଫେବୃଆରୀ ପ୍ରଥମ ସପ୍ତାହରେ ବଜେଟ୍ ଉପସ୍ଥାପନ କରାଯାଇଛି । ଏହି ପରମ୍ପରା ୨୦୧୭ ମସିହାରୁ ପ୍ରଚଳିତ, ଅର୍ଥାତ୍ ଏହା ଫେବୃଆରୀ ୧ ତାରିଖରେ ଉପସ୍ଥାପିତ ହୋଇଥିଲା ।

ତଥାପି, ପୂର୍ବ ବର୍ଷଗୁଡ଼ିକରେ, ଏହା ସାଧାରଣତଃ ଫେବୃଆରୀ ଶେଷ ସପ୍ତାହରେ ଉପସ୍ଥାପିତ ହେଉଥିଲା । ବର୍ତ୍ତମାନ, କୌଣସି ସରକାରୀ ତାରିଖ ପରିବର୍ତ୍ତନ ଘୋଷଣା କରାଯାଇ ନାହିଁ, ଯାହା ସୂଚାଇ ଦେଉଛି ଯେ ସରକାର ଏଥର ମଧ୍ୟ ଫେବୃଆରୀ ୧ ତାରିଖରେ ବଜେଟ୍ ଉପସ୍ଥାପନ କରିବେ ।