ମଝି ସମୁଦ୍ରରୁ 450 ବସ୍ତା ଗୁଆ ଜବତ । ଭାରତୀୟ ତଟରକ୍ଷୀ ବାହିନୀ ପକ୍ଷରୁ ଅନ୍ତର୍ଜାତୀୟ ଜଳ ସୀମାରୁ ସନ୍ଧେହ ଜନକ ଅବସ୍ଥାରେ ବୋଟ ଜବତ ହୋଇଛି । ବୋଟକୁ ପଶ୍ଚିମବଙ୍ଗ ଓ ବାଂଲାଦେଶ ବର୍ଡର ନିକଟରୁ ଜବତ କରିଛି କୋଷ୍ଟଗାର୍ଡ । ବୋଟରେ ଥିବା ୧୪ ଜଣ ବ୍ୟକ୍ତି ଓ୍ବେଷ୍ଟବେଙ୍ଗଲ ସୀମାରୁ ବାଙ୍ଗଲାଦେଶ ସୀମାକୁ ପ୍ରବେଶ ପାଇଁ ଚେଷ୍ଟା କରୁଥିବାବେଳେ କୋଷ୍ଟଗାର୍ଡର ଜାହାଜ ଆଇଏନ‌ଏସ୍ ଭରଦା ସେମାନଙ୍କୁ ଧରିଥିଲା ।

ବୋଟକୁ ଜବତ କରିବା ପରେ ସେଥିରେ ୪୫୦ ବସ୍ତା ଗୁଆ ରହିଥିବା ଜଣାପଡିଛି । ଯାହାର ଆନୁମାନିକ ମୂଲ୍ୟ ପାଖାପାଖି ୧ କୋଟି ଟଙ୍କା ହେବ ବୋଲି ଆକଳନ କରାଯାଇଛି ।

କୋଷ୍ଟଗାର୍ଡ ବୋଟକୁ ପାରାଦ୍ଵୀପ ବନ୍ଦରକୁ ଅଣାଯାଇଥିବାବେଳେ, ଅଟକ ବ୍ୟକ୍ତିଙ୍କୁ ପଚରାଉଚରା ଜାରି ରହିଛି । ସେମାନେ ଏହି ଗୁଆକୁ କେଉଁ ଉଦ୍ଧେଶ୍ୟରେ ନେଉଥିଲେ, ଆଗରୁ କେତେଥର ଯାଇଛନ୍ତି ଏବଂ ଏହି ଘଟଣାରେ ଆଉ କେଉଁମାନେ ସମ୍ପୃକ୍ତ ଅଛନ୍ତି ତାହା ତଦନ୍ତ ପରେ ଜଣାପଡିବ ବୋଲି କୋଷ୍ଟଗାର୍ଡ ପକ୍ଷରୁ କୁହାଯାଇଛି ।