ରାସ୍ତା କଡ କେବିନ ଉପରେ ମାଡ଼ିଗଲା ଯାତ୍ରା ପାର୍ଟି ଟ୍ରକ । କେନ୍ଦ୍ରାପଡା ସଦର ଥାନା ଅନ୍ତର୍ଗତ ଦୁହୁରିଆ ଛକରେ ଘଟିଛି ଏହି ଦୁର୍ଘଟଣା । ପଟ୍ଟାମୁଣ୍ଡାଇ ଆଡୁ ଆସୁଥିବା ପୃଥୀରାଜ ଯାତ୍ରା ପାର୍ଟିର ଏକ ଟ୍ରକ୍ ଭାରସାମ୍ୟ ହରାଇ ଜିଲ୍ଲା ଶିକ୍ଷା ଅଧିକାରୀଙ୍କ କାର୍ଯ୍ୟାଳୟ ସାମନାରେ ଥିବା ଦୁଇଟି ପାନ ଦୋକାନ ଉପରେ ମାଡି ଯାଇଥିଲା । ଖାଲି ସେତିକି ନୁହେଁ ରାସ୍ତା ପାର୍ଶ୍ବରେ ପାର୍କିଂ ହୋଇଥିବା ଏକ ବାଇକ୍ କୁ ମଧ୍ୟ ଟ୍ରକ୍ ଟି କିଛି ବାଟ ଘୋଷାରି ନେଇଥିଲା । ଦୋକାନ ବନ୍ଦ ଥିବାରୁ କେହି ମୃତାହତ ହୋଇ ନାହାନ୍ତି । ଅନ୍ୟପକ୍ଷରେ ଲୋକେ ଟ୍ରକ୍ ଡ୍ରାଇଭରକୁ ଅଟକ ରଖିଛନ୍ତି । ପୋଲିସ ଘଟଣାସ୍ଥଳରେ ପହଞ୍ଚି ସ୍ଥିତି ଉପରେ ନଜର ରଖିଛି । ଏହି ଘଟଣାପରେ ସ୍ଥାନୟୀ ଅଞ୍ଚଳରେ କିଛି ସମୟ ପାଇଁ ଉତ୍ତେଜନା ଦେଖିବାକୁ ମିଳିଥିଲା ।

ସେପଟେ ଗଛ କିଛି ଦିନ ଧରି ଯାତ୍ରା କଳାକାର ଓ ମାଲିକଙ୍କ ମଧ୍ୟ୍ୟରେ ଲାଗିଛି ବିବାଦ । ଯାତ୍ରା ମାଲିକମାନଙ୍କ ମଧ୍ୟରେ ଚାଲିଛି ବୈଠକ। ଯାତ୍ରା ମାଲିକ କିଛି କଳାକାରଙ୍କୁ ଯାତ୍ରା ମଞ୍ଚରୁ ବ୍ୟାନ ମଧ୍ୟ କଲେଣି । କଳାକାର କଳାକାରଙ୍କ ସପକ୍ଷରେ ବାହାରିଲେଣି। କଳାକାର ମାଲିକଙ୍କୁ ବିରୋଧ କଲେଣି । ଯାତ୍ରା କଳାକାର ଓ ମାଲିକଙ୍କ ବିବାଦ ତୁଟୁନାଥିବା ବେଳେ କିଛି ବରିଷ୍ଠ କଳାକାର ମୁଁହ ଖୋଲିଛନ୍ତି । ଏଭଳି ପରିସ୍ଥିତିରେ ବରିଷ୍ଠ ଅଭିନେତା ଅଭିନ ପାଢ଼ୀ କହିଛନ୍ତି କଳାକାର ବଞ୍ଚିବା ଦରକାର ଓ ମାଲିକମାନେ ବଞ୍ଚିବା ଦରକାର । ବାପା ପୁଅର ଯେଉଁଭଳି ସମ୍ପର୍କ କଳାକାର ଓ ମାଲିକଙ୍କ ସେଭଳି ସମ୍ପର୍କ । ଯେତେ ବିବାଦ ଲାଗିରହିବ ଯାତ୍ରା ଉପରେକୁ ପ୍ରଭାବ ପକାଇବ । ସେ ମାଲିକ ଓ କଳାକାରଙ୍କୁ ହାତଯୋଡ଼ି ନିବେଦନ କରିଥିଲେ ଶୀଘ୍ର ସମାଧାନ କରିଦିଅନ୍ତୁ ।