ପୁଣି ପେଟ୍ରୋଲ, ପୁଣି ନିଆଁ । ମାତ୍ର କେଇ ଘଣ୍ଟାର ସଂଘର୍ଷ ପରେ ଶେଷରେ ଆଖିବୁଜିଲେ ବରଗଡ଼ ଜିଲ୍ଲା ଗାଇସିଲେଟ ଥାନା ଫିରିଙ୍ଗି ମାଲ୍ ଗାଁର ନାବାଳିକା । ଗାଁର ଏକ ଫୁଟବଲ୍ ପଡିଆରେ ପେଟ୍ରୋଲ ଢାଳି ନିଜକୁ ଜାଳିବାର ଉଦ୍ୟମ କରିଥିଲେ । ପୋଡିଯିବା ପରେ ନାବାଳିକାଙ୍କ ଅବସ୍ଥା ଗୁରୁତର ଥିଲା । ତାଙ୍କୁ ତୁରନ୍ତ ଉଦ୍ଧାର କରାଯାଇ ବୁର୍ଲା ସ୍ଥାନାନ୍ତର କରାଯାଇଥିଲା । ହେଲେ ନାବାଳିକା ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । କାହିଁକି ଆତ୍ମହତ୍ୟା ଉଦ୍ୟମ କରିଥିଲେ ତାହାର କାରଣ ଅସ୍ପଷ୍ଟ ରହିଛି । ନାବାଳିକାଙ୍କ ମାମୁଁ ଘରେ ଏଭଳି ଘଟଣା ଚର୍ଚ୍ଚାର ବିଷୟ ପାଲଟିଛି।