Murder Case / ପୁଣି ରାଜଧାନୀରେ ହତ୍ୟାକାଣ୍ଡ; ଘରୋଇ କଳିରୁ ହୋଇଛି ଭୟଙ୍କର ହତ୍ୟା

ଯେଉଁ ହାତ ପୁଅକୁ ଧରି ଚାଲିବା ଶିଖାଇଥିଲା, ସେହି ବାପାଙ୍କ ଜୀବନ ନେଇଗଲା ନିଜ ଜନ୍ମଦାତା ପୁଅ । ଘରୋଇ କଳି ନେଲା ଉଗ୍ର ରୂପ, ଆଉ ରକ୍ତରଞ୍ଜିତ ହେଲା ରାଜଧାନୀ ଭୁବନେଶ୍ୱର । ମଞ୍ଚେଶ୍ୱର ଥାନା ଅନ୍ତର୍ଗତ ଚକେଇସିଆଣି ଅଞ୍ଚଳରେ ବାପାଙ୍କୁ ପଥରରେ ଛେଚି ହତ୍ୟା କରିଛି ପୁଅ । ଏହି ଲୋମହର୍ଷକ ଘଟଣା ସମଗ୍ର ଅଞ୍ଚଳରେ ଭୟ ଓ ଚାଞ୍ଚଲ୍ୟ ସୃଷ୍ଟି କରିଛି ।

ଘରୋଇ କଳିର କରୁଣ ପରିଣତି, ବାପାକୁ ପଥରରେ ଛେଚି ହତ୍ୟା କଲା ପୁଅ । ପୁଣି ରକ୍ତରଞ୍ଜିତ ହୋଇଛି ରାଜଧାନୀ ଭୁବନେଶ୍ୱର । ଘରୋଇ କଳିରୁ ଘଟିଛି ଏକ ଲୋମହର୍ଷକ ହତ୍ୟାକାଣ୍ଡ । ଜନ୍ମଦାତା ବାପାଙ୍କୁ ପଥରରେ ଛେଚି ହତ୍ୟା କରିଛି ପୁଅ । ମଞ୍ଚେଶ୍ୱର ଥାନା ଅନ୍ତର୍ଗତ ଚକେଇସିଆଣି ଅଞ୍ଚଳରେ ଘଟିଥିବା ଏହି ଘଟଣା ସ୍ଥାନୀୟ ଅଞ୍ଚଳରେ ଭୟ ଓ ଚାଞ୍ଚଲ୍ୟ ସୃଷ୍ଟି କରିଛି ।

ସୂଚନା ଅନୁଯାୟୀ, ବାପା ଓ ପୁଅଙ୍କ ମଧ୍ୟରେ ଦୀର୍ଘଦିନ ଧରି ବିଭିନ୍ନ କାରଣକୁ ନେଇ ଝଗଡ଼ା ଲାଗି ରହୁଥିଲା । ଘଟଣାଦିନ ଏହି ବିବାଦ ଉଗ୍ର ରୂପ ନେଇଥିଲା । ରାଗରେ ନିୟନ୍ତ୍ରଣ ହରାଇ ପୁଅ ଏକ ପଥରରେ ବାପାଙ୍କୁ ବାରମ୍ବାର ଆଘାତ କରିଥିବା ଅଭିଯୋଗ ହୋଇଛି । ଗୁରୁତର ଆଘାତ ଯୋଗୁଁ ଘଟଣାସ୍ଥଳରେ ବାପାଙ୍କ ମୃତ୍ୟୁ ହୋଇଥିବା ଜଣାପଡ଼ିଛି ।

ଖବର ପାଇ ମଞ୍ଚେଶ୍ୱର ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହ ଅଭିଯୁକ୍ତ ପୁଅକୁ ଗିରଫ କରିଛି । ମୃତଦେହକୁ ବ୍ୟବଚ୍ଛେଦ ପାଇଁ ପଠାଯାଇଛି । ଦୀର୍ଘଦିନର ପାରିବାରିକ ବିବାଦ ହିଁ ହତ୍ୟାର ପ୍ରମୁଖ କାରଣ ବୋଲି ପୋଲିସର ପ୍ରାଥମିକ ତଦନ୍ତରୁ ସୂଚନା ମିଳିଛି । ତେବେ ଘଟଣା ପଛରେ ଆଉ କୌଣସି କାରଣ ରହିଛି କି ନାହିଁ, ସେନେଇ ପୋଲିସ ତଦନ୍ତ ଜାରି ରଖିଛି ।