ବିଳମ୍ବିତ ରାତିରେ ବନ୍ଧୁକ ଦେଖାଇ ବଡ ଧରଣର ଡକାୟତି
Key Points
ବିଳମ୍ବିତ ରାତିରେ ବନ୍ଧୁକ ଦେଖାଇ ବଡ ଧରଣର ଡକାୟତି
ସୁନା ବ୍ୟବସାୟୀଙ୍କ ଘରୁ ନେଇଗଲେ 50 ଲକ୍ଷ ଟଙ୍କାର ସୁନା ଓ ରୂପା ଅଳଙ୍କାର
କୁଚିଣ୍ଡା ଗୋବିନ୍ଦପୁର ଥାନା କେଛୁପାଣି ଗ୍ରାମର ଘଟଣା
ବିଳମ୍ବିତ ରାତିରେ ବନ୍ଧୁକ ଦେଖାଇ ବଡ ଧରଣର ଡକାୟତି । ସୁନା ବ୍ୟବସାୟୀଙ୍କ ଘରୁ ନେଇଗଲେ 50 ଲକ୍ଷ ଟଙ୍କାର ସୁନା ଓ ରୂପା ଅଳଙ୍କାର । ଦୂର୍ବୃତ୍ତମାନେ ବିଳମ୍ବିତ ରାତିରେ ଘରେ ପସିଥିଲେ । ବନ୍ଧୁକ ଭୁଜାଲି ଦେଖାଇ ସମସ୍ତଙ୍କୁ ଗୋଟିଏ ଘରେ ବନ୍ଦ କରିଦେଇଥିଲେ ।
ଏପରି ଘଟଣା ଦେଖିବାକୁ ମିଳିଛି କୁଚିଣ୍ଡା ଗୋବିନ୍ଦପୁର ଥାନା କେଛୁପାଣି ଗ୍ରାମରେ । କେଛୁପାଣି ଗ୍ରାମର ରୁଦ୍ରାକ୍ଷ ସାହୁଙ୍କ ଘରେ ସଶସ୍ତ୍ର ଡକାୟତି ହୋଇଛି । ରାତି ପ୍ରାୟ ୧ ଟା ସମୟରେ ପାଞ୍ଚ ଜଣ ମୁଖାଧାରୀ ଘରେ ପଶି କରିଛନ୍ତି ଡକାୟତି । ପ୍ରାୟ ୫୦ ଲକ୍ଷରୁ ଉର୍ଦ୍ଧ୍ୱ ଟଙ୍କାର ସୁନା ରୂପା ଅଳଙ୍କାର ଚୋରି ହେଇଥିବା ନେଇ ଅଭିଯୋଗ କରିଛନ୍ତି ପରିବାର । ଘଟଣାସ୍ଥଳରେ କୁଚିଣ୍ଡା ଏସ୍ଡ଼ିପିଓ ସମେତ ଏସପିଙ୍କ ନିର୍ଦ୍ଦେଶରେ ଏକ ସ୍ବତନ୍ତ୍ର ଟିମ୍ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
