ପାର୍ସଲ ଦେବା ବାହାନାରେ ଯୁବତୀଙ୍କୁ ଦୁଷ୍କର୍ମ । ପୁନେର ଆପାର୍ଟମେଣ୍ଟରେ ଏଭଳି ଜଘନ୍ୟ କାଣ୍ଡ ହୋଇଛି । ଅଭିଯୁକ୍ତ ଜଣଙ୍କ ନିଜକୁ କୋରିୟର କମ୍ପାନୀର କର୍ମଚାରୀ ଭାବେ ପରିଚୟ ଦେଇ ଯୁବତୀଙ୍କ ପାର୍ସଲ ଆସିଥିବା କହିଥିଲା । ଯୁବତୀ ଜଣଙ୍କ କବାଟ ଖୋଲିବା ପରେ ତାଙ୍କ ମୁହଁରେ କିଛି ସ୍ଫ୍ରେ କରି ଦେଇଥିଲେ । ଯୁବତୀ ଜଣଙ୍କ ଅଚେତ ହୋଇ ପଡିବା ପରେ ତାଙ୍କୁ ଅଭିଯୁକ୍ତ ଜଣଙ୍କ ଦୁଷ୍କର୍ମ କରିଥିଲେ । ଏନେଇ ଅଭିଯୋଗ ପାଇବା ପରେ ଘଟଣାକୁ ଗୁରୁତର ସହ ନେଇଛି ପୋଲିସ । ଅଭିଯୁକ୍ତକୁ ଧରିବା ପାଇଁ ୧୦ଟି ଟିମ୍ ଗଠନ କରାଯାଇଛି ।

ପୋଲିସର କହିବାନୁଯାୟୀ, ଦୂର୍ବୃତ୍ତ ଜଣଙ୍କ ଯୁବତୀଙ୍କ ଫୋନ ବ୍ୟବହାର କରି ସେଥିରେ ସେଲଫି ଉଠାଇଛି । ଏହାସହ ଯୁବତୀଙ୍କୁ ଧମକ ଦେଇଛି ଯେ ମୁଁ ପୁଣି ଥରେ ଆସିବି । ଏହାସହ ଯଦି କାହାକୁ ଏ ସମ୍ୱନ୍ଧରେ କୁହ, ତେବେ ଫଟୋ ଭାଇରାଲ୍ କରିବାକୁ ଦେଇଛି ଧମକ ।

ଯୁବତୀ ଜଣଙ୍କ ରହୁଥିବା ବିଲଡିଂ ଏବଂ ସେହି ଆଖ ପାଖ ଅଞ୍ଚଳ ଗୁଡିକର ସିସିଟିଭି ଫୁଟେଜ୍ କୁ ଆଧାର କରି ପୋଲିସ ତଦନ୍ତ ଜାରି ରଖିଛି । ସିସିଟିଭିରେ ଦୂର୍ବୃତ୍ତଙ୍କ ମୁହଁ ସ୍ପଷ୍ଟ ଜଣାପଡୁଛି । ତେଣୁ ଗଠନ ହୋଇଥିବା ଟିମ୍ ତାଙ୍କୁ ଧରିବା ପାଇଁ ଚେଷ୍ଟା ଜାରି ରଖିଛି ।