ପୂର୍ବତନ ମନ୍ତ୍ରୀ ସ୍ବଗତ ନବ କିଶୋର ଦାସଙ୍କ ଘରେ ସରିଲା ଆୟକର ବିଭାଗ ଚଢାଉ । ୪ ଦିନ ଧରି ଆୟକର ବିଭାଗର ରେଡ ଚାଲିଥିଲା । ସମ୍ବଲପୁର, ଝାରସୁଗୁଡା, ସୁନ୍ଦରଗଡ ପରି ବିଭିନ୍ନ ସ୍ଥାନରେ ରେଡ ଚାଲିଥିଲା । ରେଡ ସମୟରେ ସ୍ବଗତ ନବଦାସଙ୍କ ସ୍ତ୍ରୀ ମିନତୀ ଦାସ, ଝିଅ ଦୀପାଲି ଦାସ ଓ ପୁଅ ବିଶାଳ ଦାସଙ୍କୁ ପଚରାଉଚରା କରାଯାଇଛି । ୧୯ ତାରିଖ ବିଶାଲ ଦିଲ୍ଲୀରେ ଥିବା ସମୟରେ IT ରେଡ୍ କରିଥିଲା ।

ଏହି ଖବର ପାଇ ଫେରାର ହୋଇଯାଇଥିଲେ ବିଶାଲ। ଶନିବାର IT ବିଭାଗ ତାଙ୍କୁ କୋଲକାତାରୁ କାବୁ କରି ସମ୍ଵଲପୁର ଆଣି ପଚରାଉଚରା କରିଥିଲେ । ଏହି ସମୟରେ ଅନେକ ଗୁରୁତ୍ବ ପୂର୍ଣ୍ଣ କାଗଜ ପତ୍ର, ବ୍ୟାଙ୍କ ପାସବୁକ, ଟଙ୍କା ଓ ହାର୍ଡ ଡିକ୍ସ ଜବତ କରିଛି IT ଟିମ୍ । ତାଙ୍କ ସହଯୋଗୀ ବୁଲୁ ବିଶ୍ବାଳ ଓ ରମେଶ ଅଗ୍ରଓ୍ବାଲ ଘରେ ଘରେ ମଧ୍ୟ ରେଡ ପଡିଥିଲା । ମାନେଶ୍ଵର ଅଂଚଳର ଏକ ଅଫିସରେ ମଧ୍ୟ ରେଡ ଚାଲିଥିଲା ।ଅନ୍ୟ ଏକ ସହଯୋଗୀ ରେଙ୍ଗାଲି ଦୁର୍ଗା ରାଇସଲ ମିଲ ମାଲିକ ରମେଶ ଅଗ୍ରଓ୍ବାଲ ଘରେ ମଧ୍ୟ ରେଡ ଚାଲିଥିଲା ।