ବ୍ରହ୍ମପୁର ପ୍ଲଟ ବ୍ୟବସାୟୀ ସୁଧୀର ପାତ୍ର ହତ୍ୟା ଘଟଣାରେ ଅର୍ଗସ ହାତରେ ହାତରେ ଲାଗିଛି ଅଭିଯୁକ୍ତ ଓ ସୁଧୀରଙ୍କ ପତ୍ନୀ ରଶ୍ମିତାଙ୍କ ମଧ୍ୟରେ ହୋଇଥିବା କଥାବାର୍ତ୍ତାର ଅଡିଓ କ୍ଲିପ୍ । ସୁଧୀରଙ୍କୁ ମାରିବା ପାଇଁ ୫୦ମିଳିଥିବା ରଶ୍ମିତାଙ୍କୁ କହୁଛି ଅଭିଯୁକ୍ତ । ସୁଧୀରଙ୍କ ପାଖରେ ବହୁ ପରିମାଣର ଟଙ୍କା ରହିଥିବା କେହି ଜଣେ ଅଭିଯୁକ୍ତଙ୍କୁ ଫୋନ କରି କହିଥିଲେ ।

ନଗଦ ଏକ କୋଟି ଟଙ୍କା ଧରି ଆସିକା ଆସିବାକୁ ପ୍ରଥମେ ଅଭିଯୁକ୍ତ ମାନେ ରଶ୍ମିତାଙ୍କୁ କହିଥିଲେ । ଏକ କୋଟି ଟଙ୍କା ନାହିଁ ବୋଲି ମନା କରିଥିଲେ ରଶ୍ମିତା । ଏକ କୋଟି ଟଙ୍କା ବଦଳରେ ରଶ୍ମିତା ପିନ୍ଧିଥିବା ୧୦ ତୁଳା ସୁନାକୁ ଅଭିଯୁକ୍ତଙ୍କୁ ଦେବା ପାଇଁ ରାଜି ହୋଇଥିଲେ । କିନ୍ତୁ ଏକ କୋଟି ଟଙ୍କା ଦାବି କରିବା ସହ କିଛି ସମୟ ଧରି ରଶ୍ମିତା ଓ ଅଭିଯୁକ୍ତଙ୍କ ମଧ୍ୟରେ ହୋଇଛି ଯୁକ୍ତିତର୍କ ।

ସୁଧୀର ସବୁ ଟଙ୍କା ବ୍ୟାଙ୍କ ଲକରରେ ରଖିଥିବା ଅଭିଯୁକ୍ତକୁ କହିଥିଲେ ରଶ୍ମିତା । ଏହାକୁ ଅଭିଯୁକ୍ତ ସତ ବୋଲି ଗ୍ରହଣ ନ କରିବା ପରେ ରଶ୍ମିତା ଓ ତାଙ୍କ ଝିଅ ଲଗାଇଥିବା ସମସ୍ତ ସୁନାକୁ ଅଭିଯୁକ୍ତଙ୍କୁ ଦେବା ପାଇଁ ରଶ୍ମିତା କହିଥିଲେ । କେଶ୍ କରିବ କିମ୍ବା କଥା ଲିକ୍ ହେଲେ କିଛି ଭଲ ହେବ ନାହିଁ ବୋଲି ରଶ୍ମିତାଙ୍କୁ ଚେତାବନୀ ଦେଇଥିଲେ ଅଭିଯୁକ୍ତ ।

ସୁଧୀରଙ୍କ ପତ୍ନୀ ଓ ଅପହରଣକାରୀଙ୍କ ମଧ୍ୟରେ ଫୋନରେ ହୋଇଥିବା କଥାବାର୍ତ୍ତାର ଏକ୍ସକ୍ଲୁସିଭ ଅଡ଼ିଓ ଲାଗିଛି ଅର୍ଗସ ନ୍ୟୁଜ ହାତରେ । ...