ଦିବ୍ୟାଙ୍ଗ ପୁଅକୁ ଧରି ଡେଇଁ ପଡିଲେ ମାଆ, ଛାଡିଗଲେ ସୁଇସାଇଡ ନୋଟ୍
Key Points
୩୭ ବର୍ଷୀୟ ମହିଳା ସାକ୍ଷୀ ଚାୱଲା ନିଜର ସ୍ଵାମୀ ଦର୍ପନ ଚାୱଲା ଏବଂ ପୁଅ ସହ ଗ୍ରେଟର ନୋଏଡାରେ ରୁହନ୍ତି । ଦର୍ପନ ଜଣେ ଚାର୍ଟାଡ ଆକାଉଣ୍ଟାଣ୍ଟ ଅଟନ୍ତି । ତେବେ ତାଙ୍କର ୧୧ ବର୍ଷରୁ ପୁଅ ଜନ୍ମରୁ ମାନସିକ ସ୍ୱାସ୍ଥ୍ୟ ସମସ୍ୟା ପୀଡିତ ଥିଲେ ଏବଂ ଏଥିପାଇଁ ସେ ଚିକିତ୍ସିତ ମଧ୍ୟ ହେଉଥିଲେ ।
ନିଜର ଦିବ୍ୟାଙ୍ଗ ପୁଅକୁ ଧରି ୧୩ ମହଲାରୁ ତଳକୁ ଡେଇଁ ପଡିଲେ ମହିଳା । ଛାଡି ଦେଇଗଲେ ସୁଇସାଇଡ ନୋଟ୍ । ମାନସିକ ଅସୁସ୍ଥ ଥିବା ୧୧ ବର୍ଷର ପୁଅ ଧରି ସେ ତଳକୁ ଡେଇଁ ଆତ୍ମହତ୍ୟା କରିଛନ୍ତି । ଗ୍ରେଟର ନୋଏଡାର ଏହି ଖବର ଏବେ ଚର୍ଚ୍ଚାର ବିଷୟ ପାଲଟିଛି ।
୩୭ ବର୍ଷୀୟ ମହିଳା ସାକ୍ଷୀ ଚାୱଲା ନିଜର ସ୍ଵାମୀ ଦର୍ପନ ଚାୱଲା ଏବଂ ପୁଅ ସହ ଗ୍ରେଟର ନୋଏଡାରେ ରୁହନ୍ତି । ଦର୍ପନ ଜଣେ ଚାର୍ଟାଡ ଆକାଉଣ୍ଟାଣ୍ଟ ଅଟନ୍ତି । ତେବେ ତାଙ୍କର ୧୧ ବର୍ଷରୁ ପୁଅ ଜନ୍ମରୁ ମାନସିକ ସ୍ୱାସ୍ଥ୍ୟ ସମସ୍ୟା ପୀଡିତ ଥିଲେ ଏବଂ ଏଥିପାଇଁ ସେ ଚିକିତ୍ସିତ ମଧ୍ୟ ହେଉଥିଲେ । ଯାହାକୁ ନେଇ ସାକ୍ଷୀ ଅନେକ ସମୟ ଚାପଗ୍ରସ୍ତ ରହୁଥିଲେ ।
ଏଥିସହ ପଢ଼ନ୍ତୁ: ପୋଷାକ ସିଲେଇ କରିବା ପାଇଁ ୧୩ ମହଲାକୁ ପୁଅକୁ ନେଇ ଯାଇଥିଲା ମାଆ, ଆଉ ୧୨ ସେକେଣ୍ଡ ପରେ..
📱 Get Argus News App
✨ତେବେ ଯେଉଁଦିନ ସାକ୍ଷୀ ଏବଂ ତାଙ୍କ ପୁଅ ୧୩ ମହଲାରୁ ଡେଇଁ ଆତ୍ମହତ୍ୟା କରିଥିଲେ, ସେହିନ ସେ ଘରେ ଥିଲେ ଏବଂ ଅନ୍ୟ ଏକ ରୁମରେ ଥିଲେ । ସେ ପୋଲିସକୁ କହିଛନ୍ତି ଯେ ସେ ଅନ୍ୟ ଏକ କୋଠରୀରେ ଥିଲେ ଏବଂ ହଠାତ ତାଙ୍କୁ ଏକ ଚିତ୍କାର ଶୁଭିଥିଲା । ସେ ବାଲକୋନିରେ ପହଞ୍ଚି ଦେଖିଥିଲେ ତାଙ୍କ ସ୍ତ୍ରୀ ଏବଂ ପୁଅ ତଳେ ପଡିଛନ୍ତି ।
ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରିବା ପରେ ଶବ ବ୍ୟବଚ୍ଛେଦ ପାଇଁ ପଠାଯାଇଛି । ପରେ ସେମାନେ ସାକ୍ଷୀଙ୍କ ଦ୍ଵାରା ଲେଖାଯାଇଥିବା ଏକ ସୁଇସାଇଡ ନୋଟ ଛାଡି ଯାଇଛନ୍ତି । ତାଙ୍କ ସ୍ୱାମୀଙ୍କ ଉଦ୍ଦେଶ୍ୟରେ ଲେଖାଯାଇଥିବା ଚିଠିରେ ସାକ୍ଷୀ ଚାୱଲା ଲେଖିଛନ୍ତି, " ଆମେ ଦୁଃଖିତ , ଆମେ ଏହି ଦୁନିଆ ଛାଡି ଚାଲିଯାଉଛୁ । ଆମେ ତୁମକୁ ଆଉ କଷ୍ଟ ଦେବାକୁ ଚାହୁଁନାହୁଁ। ଆମ ଯୋଗୁଁ ତୁମର ଜୀବନ ନଷ୍ଟ ନହେଉ । ଆମ ମୃତ୍ୟୁ ପାଇଁ କେହି ଦାୟୀ ନୁହଁନ୍ତି।"
ତେବେ ମହିଳା ଜଣକ ନିଜ ପୁଅର ସ୍ଵାସ୍ଥ୍ୟ ପାଇଁ ଅନେକ ଦିନ ହେବ ମାନସିକ ଚିନ୍ତାଗ୍ରସ୍ତ ଥିବା ପ୍ରାଥମିକ ତଦନ୍ତରୁ ଜଣାପଡିଛି । ବର୍ତ୍ତମାନ ପୋଲିସ ଘଟଣାକୁ ଗୁରୁତ୍ଵର ସହ ନେବା ସହ ତଦନ୍ତ ଆରମ୍ଭ କରିଛି ।