ଭୋପାଳ: ଦଉଡ଼ିରେ ବନ୍ଧା ହୋଇଥିଲା ଶରୀର । ଶାଢ଼ୀରେ ବନ୍ଧା ହୋଇଥିଲା ବେକ । ଦେହ ସାରା ଗୁଡ଼ାଇ ଦିଆଯାଇଥିଲା କମ୍ବଳ । ଆଉ କୂଅରେ ଭାସୁଥିଲା ମରଶରୀର । ମୃତଦେହ ଦେଖି ଅଞ୍ଚଳରେ ଆତଙ୍କ ଖେଳି ଯାଇଥିଲା । ଆଉ ମୃତଦେହ ଉଦ୍ଧାର ପରେ ଯେଉଁ ଷଡ଼ଯନ୍ତ୍ରର ଗୁମର ଖୋଲିଲା, ତାହା ସମସ୍ତଙ୍କୁ ଚକିତ କରିଦେଲା ।

ଏଭଳି ବୀଭତ୍ସ ହତ୍ୟାକାଣ୍ଡ ଘଟିଛି, ମଧ୍ୟପ୍ରଦେଶରେ । ହତ୍ୟା ପରେ ୬୦ ବର୍ଷର ବ୍ୟକ୍ତିଙ୍କୁ କମ୍ବଳରେ ଗୁଡ଼ାଇ କୂଅକୁ ଫିଙ୍ଗି ଦିଆଯାଇଛି । ମୃତକ ଭାୟାଲାଲ ରଜକ, ସେ ତିନିଥର ବିବାହ କରିଥିବା ଜଣାପଡ଼ିଛି । ଭାୟାଲାଲଙ୍କ ପ୍ରଥମ ପତ୍ନୀ ତାଙ୍କୁ ଛାଡ଼ି ପଳାଇଥିବା ବେଳେ ପିଲାଛୁଆ ନ ହେବାରୁ ଗୁଡ୍ଡି ବାଇଙ୍କୁ ଦ୍ଵିତୀୟ ବିବାହ ବିଫଳ ହୋଇଥିଲା ।

ଆଉ ଏହା ପରେ ତୃତୀୟ ବିବାହ କରିଥିଲେ ଭାୟାଲାଲ । ଦ୍ଵିତୀୟ ପତ୍ନୀ ଗୁଡ୍ଡି ବାଇଙ୍କ ସାନ ଭଉଣୀ ମୁନି ଓରଫ ବିମଳା ରଜକକଙ୍କୁ ଭାୟାଲାଲ ତୃତୀୟ ବିବାହ କରିଥିଲେ । ଆଉ ବିବାହ ପରେ ମୁନି ପରକୀୟା ପ୍ରୀତିରେ ଲିପ୍ତ ଥିଲେ ଲାଲୁ କୁଶୱାହାଙ୍କ ସହ । ଲାଲୁ ହେଉଛନ୍ତି ଜଣେ ଜମି ବେପାରୀ, ଯିଏକି ପୈତୃକ ଜମିର ଡିଲ୍ ପାଇଁ ବାରମ୍ବାର ତାଙ୍କ ଘରକୁ ଆସୁଥିଲେ ।

ଲାଲୁଙ୍କ ପ୍ରେମରେ ମୁନି ପଡ଼ିବା ପରେ ସ୍ଵାମୀଙ୍କୁ ରାସ୍ତାରୁ ହଟାଇବା ପାଇଁ ପ୍ଲଟ୍ ତିଆରି କରିଥିଲା । ଆଉ ଘରେ ଭାୟାଲାଲ ଏକାକୀ ଶୋଇଥିବା ବେଳେ ଲାଲୁ ତାର ସହଯୋଗୀ ସହ ଆସିଥିଲା । ଭାୟାଲାଲଙ୍କ ମୁଣ୍ଡକୁ ରଡ୍‌ରେ ପିଟି ହତ୍ୟା ପରେ କମ୍ବଳରେ ଗୁଡ଼ାଇ ଦେଇଥିଲା । ଦଉଡ଼ି ଓ ଶାଢ଼ୀରେ ବାନ୍ଧି କୂଅକୁ ଫିଙ୍ଗି ଦେଇଥିଲା ।

ଆଉ କୂଅରେ ମରଶରୀର ଭାସୁଥିବା ଦେଖିଥିଲେ ଦ୍ଵିତୀୟ ସ୍ତ୍ରୀ । ଆଉ ପୋଲିସକୁ ଖବର ଦେବା ପରେ କଅରୁ ଉଦ୍ଧାର ହୋଇଥିଲା ମରଶରୀର । ପୋଲିସ ଛାନଭିନ୍ ପରେ ମାମଲାରେ ତୃତୀୟ ସ୍ତ୍ରୀ ମୁନି ସହ ପ୍ରେମିକ ଲାଲୁ ଏବଂ ସହଯୋଗୀ ଧିରଜକୁ ଗିରଫ କରିଛି ।