SI ପରୀକ୍ଷା ଜାଲିଆତି ମାମଲାରେ କ୍ରାଇମବ୍ରାଞ୍ଚ ମୁଖ୍ୟାଳୟରେ ୨ ଜଣଙ୍କୁ ଜେରା । ସେମାନେ ହେଲେ ସିଲିକନ୍ ସଲ୍ୟୁସନ୍ ପ୍ରାଇଭେଟ୍. ଲିମିଟେର.ର ମାଲିକ ସୁରେଶ ନାୟକ ଓ ପଞ୍ଚତତ୍ତ୍ଵ ପିସିଟି ଲିମିଟେଡ୍‌ର ମ୍ୟାନେଜର । ଓଡ଼ିଶା ପୋଲିସ ରିକ୍ରୁଟମେଣ୍ଟ ବୋର୍ଡ OPRB ଏସଆଇ ପରୀକ୍ଷା ଦାୟିତ୍ବ ଦେଇଥିଲା ଆଇଟିଆଇ ପ୍ରାଇଭେଟ୍ ଲିମିଟେଡକୁ । ଆଇଟିଆଇ ପ୍ରାଇଭେଟ୍ ଲିମିଡେଟ୍ କାମ ଦେଇଦେଲା ସିଲିକନ୍ ସଲ୍ୟୁସନ୍ ପ୍ରାଇଭେଟ୍ ଲିମିଟେଡକୁ। ଆଉ ସିଲିକନ୍ କାମ ନେଇଗଲା ପଞ୍ଚତତ୍ତ୍ଵ ପିସିଟି ଲିମିଟେଡ୍‌। ଯାହାର ମୁଖ୍ୟ ଶଙ୍କର ପୃଷ୍ଟି। ଏବେ ଶଙ୍କର ପୃଷ୍ଟି ଫେରାର । ପୁରା ରାକେଟର ପର୍ଦ୍ଦାଫାଶ୍ ପାଇଁ କ୍ରାଇମବ୍ରା଼୍ଚ ଚଳାଇଛି ତନାଘନା । ସେପଟେ ନିକଟରେ ଇବସର ନେଇଥିବା ଜଣେ ପୋଲିସ ଡିଆଇଜିଙ୍କ ପୁଅ ଗିରଫ ହୋଇଥିବାରୁ ସନ୍ଦେହ ବଢିବାରେ ଲାଗିଛି । ସେପଟେ SI ନିଯୁକ୍ତି ପରୀକ୍ଷାକୁ ନେଇ ତେଜିଛି ରାଜନୀତି । ବିଜେଡି-ବିଜେପି ଭିତରେ ଜୋର ଧରିଲା ଆରୋପ-ପ୍ରତ୍ୟାରୋପ ।

ସେପଟେ ଓଡ଼ିଶା ପୋଲିସ ରିକ୍ରୁଟମେଣ୍ଟ ବୋର୍ଡ ପକ୍ଷରୁ ଆଶାୟୀ ମାନଙ୍କ ପାଇଁ ହେଲ୍ପ ଲାଇନ୍ ନମ୍ବର ଜାରି କରାଯାଇଛି। ଅକ୍ଟୋବର ୫ ଓ ୬ ତାରିଖରେ ହେବାକୁ ଥିବା ପୋଲିସ ଏସଆଇ ଲିଖିତ ପରୀକ୍ଷାକୁ ସ୍ଥଗିତ ରଖାଯାଇଛି.. କୌଣସି ନିଯୁକ୍ତି ପରୀକ୍ଷା ଜାଲିଆତି ଘଟଣାରେ ପୂର୍ବରୁ ଏକା ସମୟରେ ଏତ ସଂଖ୍ୟକ ଗରିଫଦାରି ହୋଇ ନ ଥିଲା । ଅଭିଯୋଗ ଆସୁଥିଲେ ବି ଖସିଯାଉଥିଲେ ନିଯୁକ୍ତି ପରୀକ୍ଷାର ଦଲାଲ । ଓଡିଶା ଷ୍ଟାପ ସିଲେକସନ କମିଶନ ପରିଚାଳନା କରୁଥିବା ଜେଇ ସିଭିଲ ପରୀକ୍ଷାରେ ପ୍ରଶ୍ନପତ୍ର ଲିକ ମାମଲାରେ ୨୦୨୩ରେ ଓଡଶା ପଶ୍ଚିମ ବଙ୍ଗ ସୀମାରୁ ୨୫ ଜଣଙ୍କୁ ଗିରଫ କରିଥିଲା ବାଲେଶ୍ବର ପୋଲିସ ।

ଆଉ ଚଳିତ ବର୍ଷ ଓଡିଶା ପୋଲିସ ରିକ୍ୟୁଟମେଣ୍ଟ ବୋର୍ଡ କରୁଥିବା ପୋଲିସ ଏସଆଇ ପରୀକ୍ଷାକୁ ଭଣ୍ଡୁର କରିବାକୁ ବଡ ଧରଣର ଷଡଯନ୍ତ୍ରର ହୋଇଛି ପରଦାଫାସ । ପରୀକ୍ଷା ପୂର୍ବରୁ ପ୍ରଶ୍ନପତ୍ର ଲିକ୍ ନେଇ କାମ କରୁଥିବା ରାକେଟର ମୁଳ ପର୍ଯ୍ୟନ୍ତ ଯିବାକୁ ପୋଲିସ ଆରମ୍ଭ କରିଛି ଖୋଳତାଡ । ୩ ଟି ବସରେ ଆଶାୟୀ ଆନ୍ଧ୍ରର ବିଜୟନଗରମ ଯାଉଥିବା ଖବର ପାଇ ପିଛା କରିଥିଲା ବ୍ରହ୍ମପୁର ପୋଲିସ । ବେଶ କିଛି ସମୟ ପିଛା କରିବା ପରେ ଓଡ଼ିଶା- ଆନ୍ଧ୍ର ସୀମା ନିକଟରେ ବାଟ ଓଗାଳିଥିବା ପୋଲିସ ।

ଏହି ତିନୋଟି ବସ ୧୧୪ ପରିକ୍ଷାର୍ଥୀଙ୍କୁ ନେଇ ବରମୁଣ୍ଡାରୁ ବାହାରିଥିଲା । ପୋଲିସର ସୁଚନା ଅନୁସାରେ ଏମାନେ ଯାଉଥିଲେ ବିଜୟନଗରମ । ସାଙ୍ଗରେ ଥିଲେ କିଛି ଦଲାଲ । ଅକ୍ଟୋବର ୫ ଓ ୬ରେ ହେବାକୁ ଥିବା ପୋଲିସ ଏସଆଇ ପରୀକ୍ଷାର ପ୍ରଶ୍ନପତ୍ର ସଂଗ୍ରହ କରି ଫେରିବା ପାଇଁ ପ୍ରସ୍ତୁତ ହୋଇଥିଲା ପ୍ଲାନ । ତେବେ କିଏ ଏହି ରାକେଟର ମାଷ୍ଟର ମାଇଣ୍ଡ । କିଏ ଏତେ ପିଲାଙ୍କୁ ଏକାଠି କରି ବିଜୟନଗରମ ନେଉଥିଲା ସେ ନେଇ ପୋଲିସ ତଦନ୍ତ ଚଳାଇଛି । ପ୍ରାଥମିକ ତଦନ୍ତୁ ଜଣା ପଡିଛି ପ୍ରତି ପିଲାଙ୍କୁ ୨୫ ଲକ୍ଷ ଲେଖାଁଏ ଦେବାକୁ କୁହାଯାଇଥିଲା । ପ୍ରଥମେ ୧୦ ଲକ୍ଷ ଦେଇଥିବା ଆଶାୟୀ ଚାକିରି ପରେ ଆଉ ୧୫ ଲକ୍ଷ ଦେଇଥାନ୍ତେ ।