ଭୁବନେଶ୍ୱର ଲକ୍ଷ୍ମୀସାଗର ଅଞ୍ଚଳରେ ଅପମିଶ୍ରିତ ମଦ ପିଇ ଦୁଇ ଜଣ ଯୁବକଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଛି । ସ୍ଥାନୀୟ ଅଞ୍ଚଳର ବିଶ୍ବଜିତ ବେଉରାଙ୍କର ଆଜି ମୃତ୍ୟୁ ହୋଇଥିବାବେଳେ ଆପେଇଙ୍କର ୪ ଦିନ ପୂର୍ବରୁ ମୃତ୍ୟୁ ହୋଇଛି । ଲକ୍ଷ୍ମୀସାଗରର ଏକ ମଦ ଦୋକାନରୁ ୫ ଜଣ ସାଙ୍ଗ ମଦ କିଣିଲା ପରେ ଭୋଜି କରିଥିଲେ ।

ଭୋଜି ପରେ ସମସ୍ତେ ଗୁରୁତର ହୋଇଥିବାବେଳେ ଦୁଇ ଜଣଙ୍କର ମୃତ୍ୟୁ ପରେ ବିଷାକ୍ତ ମଦ ନେଇ ଅଭିଯୋଗ ହୋଇଛି । ସ୍ଥାନୀୟ ଅଞ୍ଚଳର ଲୋକେ ଦୋକାନ ବାହାରେ ବିକ୍ଷୋଭ କରୁଥିବାବେଳେ ଅଭିଯୋଗକୁ ଭିତ୍ତି କରି ଅବକାରୀ ବିଭାଗ ମଦ ଦୋକାନକୁ ସିଲ୍ କରିଛି । ମଦ ଦୋକାନର ବିଭିନ୍ନ ମଦର ସାମ୍ପୁଲ ପରୀକ୍ଷା ପାଇଁ ନେଇଛି ଅବକାରୀ ବିଭାଗ ।