ଦୁଷ୍କର୍ମ ଅଭିଯୋଗରେ ଜଣେ ଘରୋଇ ଶିକ୍ଷକ ଗିରଫ ହୋଇଛନ୍ତି l ଚାନ୍ଦବାଲି ଥାନା ଅଧିନ ଭାଟପଡା ପାଞ୍ଚୟତର ଚନ୍ଦନବିନ୍ଧା ଗ୍ରାମରେ ଅଜିତ ଭୋଇ ନାମକ ଜଣେ ଯୁବକ ଛୋଟ ଛୋଟ ପିଲାମାନଙ୍କୁ ଟ୍ୟୁସନ କରନ୍ତି । ଗତକାଲି ସନ୍ଧ୍ୟାରେ ଜୋର ବର୍ଷା ହେଉଥିବାରୁ ଜଣେ ପଞ୍ଚମ ଶ୍ରେଣୀ ଛାତ୍ରୀକୁ ଛାଡି ଅନ୍ୟ କୌଣସି ପିଲା ଟ୍ୟୁସନ ଆସି ନଥିଲେ । ଏହାର ସୁଯୋଗ ନେଇ ଶିକ୍ଷକ ଜଣକ ଛାତ୍ରୀ ଜଣକୁ ଦୁଷ୍କର୍ମ କରିଥିଲେ ।

ଏକଥା ଝିଅଟି କାନ୍ଦି କାନ୍ଦି ଯାଇ ନିଜ ମାଆ ପାଖରେ କହିଥିଲା । ଏକଥା ଜାଣିବା ପରେ ପରିବାର ଲୋକେ ଚାନ୍ଦବାଲି ଥାନାରେ ଅଭିଯୋଗ କରିଥିଲେ । ଚାନ୍ଦବାଲି ପୋଲିସ ଅଭିଯୋଗ ପାଇବା ପରେ ଘଟଣାକୁ ଗୁରୁତର ସହ ନେଇ ଅଭିଯୁକ୍ତ ଟ୍ୟୁସନ ଶିକ୍ଷକ ଅଜିତ ଭୋଇକୁ ଗିରଫ କରିଥିଲା । ଆଜି ଡାକ୍ତରୀ ମାଇନା ପରେ ଅଭିଯୁକ୍ତ ଟ୍ୟୁସନ ଶିକ୍ଷକକୁ କୋର୍ଟ ଚାଲାଣ କରିଛି ଚାନ୍ଦବାଲି ପୋଲିସ l

ନିକଟରେ ଏମିତି କିଛି ଘଟଣାକୁ ନେଇ ପୁରା ରାଜ୍ୟରେ ହଇଚଇ ସୃଷ୍ଟି ହୋଇଥିଲା । ହେଲେ ବାରମ୍ବାର ସେମିତି ଘଟଣା ସାମନାକୁ ଆସୁଛି । ଝିଅମାନେ ସ୍କୁଲ,କଲେଜ କେଉଁଠି ବି ସୁରକ୍ଷିତ ନାହାନ୍ତି କହି ଆଭିଭାବକମାନେ ଚିନ୍ତା ପ୍ରକଟ କରିଛନ୍ତି ।