ଦାଉଦ ଇବ୍ରାହିମ, ଛୋଟା ରାଜନ ଭଳି ଅଣ୍ଡରୱାର୍ଲ୍ଡର ଡନ୍‌ଙ୍କୁ ଜେଉଥିଲେ ଟକ୍କର । ଡାଡି' ନାଁ ଶୁଣିବା ମାତ୍ରେ ସମସ୍ତଙ୍କ ଭିତରେ ଖେଳୁଥିଲା ଏକ ଭୟଙ୍କର ଆତଙ୍କ । ଲୋକ ତାଙ୍କୁ 'ଡାଡି' ବୋଲି କହି ସମ୍ବୋଧନ କରୁଥିଲେ । ହେଲେ ତାଙ୍କ ନାଁ ଥିଲା ଅରୁଣ ଗାୱଲି । ଏକ ନିହାତି ସାଧାରଣ ପରିବାରରୁ ବାହାରି ନିଜର ଆତଙ୍କର ସାମ୍ରାଜ୍ୟ ତିଆରି କରିଥିବା ଅଣ୍ଡରୱାର୍ଲ୍ଡ ଡନ ଅରୁଣଙ୍କ କାହାଣୀ କୌଣସି ଫିଲ୍ମ ସ୍କ୍ରିପ୍ଟ ଠାରୁ ମଧ୍ୟ କମ୍ ନୁହେଁ ।

ଅରୁଣ ଗାୱଲି ୧୭ ଜୁଲାଇ ୧୯୫୫ରେ ମହାରାଷ୍ଟ୍ରର ଅହମଦନଗର କପରଗାଁରେ ଜନ୍ମ ଗ୍ରହଣ କରନ୍ତି । ଅରୁଣଙ୍କ ପରିବାର ଥିଲା ମଧ୍ୟବିତ୍ତ ଶ୍ରେଣୀର । ଆର୍ଥିକ ପରିସ୍ଥିତି ଖରାପ କାରଣରୁ ମ୍ୟାଟ୍ରିକ ପରେ ଛାଡି ଦେଇଥିଲେ ପାଠପଢା । ଆଉ ପାଦ ଦେଇଥିଲେ ଅପରାଧ ଦୁନିଆରେ । ୧୯୭୦ରେ ତାଙ୍କ ଭାଇ କିଶୋରଙ୍କ ସହ ମିଶି ମୁମ୍ବାଇର ଅଣ୍ଡରୱାର୍ଲ୍ଡ ନାଁ ତିଆରି କରେ ପରିଚୟ । ଅଣ୍ଡରୱାର୍ଲ୍ଡ ଦୁନିଆରେ ତାଙ୍କ ସହ ଭେଟ ହୁଅନ୍ତି ଦାଉଦ ଇବ୍ରାହିମ , ଯିଏ ତାଙ୍କୁ କାମ କରିବାର ସୁଯୋଗ ଦିଅନ୍ତି , ଆଉ ସେଇଠୁ ହୁଏ ତାଙ୍କର ଇବ୍ରାହିମଙ୍କ ସହ ସମ୍ପର୍କ ।

୧୯୮୮ ମସିହାରେ ଗାୱଲିଙ୍କ ଘନିଷ୍ଠ ବନ୍ଧୁ ରାମା ନାଏକଙ୍କୁ ଏକ ଗ୍ୟାଙ୍ଗ ୱାରରେ ହତ୍ୟା କରାଯାଇଥିଲା । ଯେଉଁ ହତ୍ୟା ପଛରେ ଦାଉଦ ଇବ୍ରାହିମର ହାତ ଥିବା ସନ୍ଦେହ କରିଥିଲେ ଗାୱଲି । ସେଥିପାଇଁ ସେ ଇବ୍ରାହିମଙ୍କ ଗ୍ୟାଙ୍ଗରୁ ଅଲଗା ହୋଇ ନିଜର ଏକ ଗ୍ୟାଙ୍ଗ ତିଆରି କରିଥିଲେ। ନିଜ ଗ୍ୟାଙ୍ଗକୁ ମଜବୁଦ କରିବା ପାଇଁ ସେ ୧୦୦ ଅପରାଧିଙ୍କୁ ସାମିଲ କରିଥିଲେ । ଦାଗଡ଼ି ଚାୱଲ ସ୍ଥିତ ଘରୁ ଚଲାଇଥିଲେ ନିଜ ଗ୍ୟାଙ୍ଗ । ଯେଉଁ ଗ୍ୟାଙ୍ଗର ଲୋକମାନେ କେବଳ ହତ୍ୟା ଭଳି ଅପରାଧ ସହ ଲିପ୍ତ ହୋଇଥିଲେ ।
ପରେ ଗୋଟିଏ ପରେ ଗୋଟିଏ ବଡ ବଡ ହତ୍ୟା , ଚୋରି ଭଳି ଅପରାଧ କରି ଚାଲିଲେ ଅରୁଣ ।

୧୯୯୦ରେ ପୋଲିସ ପାଖରୁ ନିଜକୁ ବଞ୍ଚାଇବା ପାଇଁ ରାଜନୀତିରେ ପାଦ ଦେଇଥିଲେ । ୨୦୦୪ରେ ସେ ଅଖିଳ ଭାରତୀୟ ସେନା ନାମକ ପାର୍ଟି ତିଆରି କରିଥିଲେ । ବାଇକୁଲ୍ଲା ଆସନରୁ ନିର୍ବାଚିତ ହୋଇ ଯାଆନ୍ତି ବିଧାନସଭା । ଆଉ ୨୦୦୭ରେ ରାଜନୈତିକ ଶତ୍ରୁତାରୁ ହୁଏ ଶିବ ସେନା କର୍ପୋରେଟର୍ କମଲାକର ଜାମାସନ୍ଦେକରଙ୍କ ହତ୍ୟା । ସାମାସନ୍ଦେକରଙ୍କ ବାସଭବନ ଆଗରେ ତାଙ୍କୁ ଗୁଳି କରି ହତ୍ୟା କରାଯାଏ । ଆଉ ଏହି ମାମଲାର ଟ୍ରାଏଲ୍ ୨୦୧୨ରେ ସରେ, କୋର୍ଟ ଅରୁଣ ଗୱଲିଙ୍କୁ ଶୁଣାନ୍ତି ଆଜୀବନ କାରାଦଣ୍ଡ ।

ସେଇଠୁ ୧୭ ବର୍ଷ ଜେଲରେ ରହି ସଜ୍ଜା କାଟନ୍ତି ଗୱଲି । ବର୍ତ୍ତମାନ ସୁପ୍ରିମକୋର୍ଟ ୭୩ ବର୍ଷୀୟ ଅରୁଣ ଗବଲିଙ୍କୁ ମୁକ୍ତ କରିଛନ୍ତି । ବୟସାଧିକ କାରଣରୁ ମୁକ୍ତ କରାଯାଇଥିବା ସୂଚନା ଦେଇଛନ୍ତି ସର୍ବୋଚ୍ଚ ଅଦାଲତ । ତଥାପି ଜାମିନ ସତ୍ତାବଳୀର ନିୟମ ଯଦି ସେ ଭାଙ୍ଗନ୍ତି, ତେବେ ତାଙ୍କର ଜାମିନ ବାତିଲ ହୋଇପାରେ ।