ଏକ ଏମିତି ଘଟଣା ଯାହା ପଢିବାକୁ କ୍ରାଇମ୍ ଥ୍ରୀଲର ଭଳି ଲାଗୁଛି କିନ୍ତୁ ବାସ୍ତବ ଜୀବନରେ ଏହି ଘଟଣା ଶୁଣିଲେ ଆପଣଙ୍କ ଛାତି ଥରି ଉଠିବ। ସ୍ବାମୀ କାଳେ ଇହକାଳ ପରକାଳର ଦେବତା କିନ୍ତୁ ସ୍ବାମୀର ରଙ୍ଗ କଳା ଜଣେ ସ୍ତ୍ରୀ ସୁପାରୀକିଲର ଲଗାଇ ହତ୍ୟା କରିଛି। ଜଣେ ମଧ୍ୟପ୍ରଦେଶର ଧାରରେ ଜଣେ ମସଲା ବ୍ୟବସାୟୀଙ୍କୁ ହତ୍ୟା, ପ୍ରତାରଣା, ବିଶ୍ୱାସଘାତକତା ଏବଂ ଯୋଜନାବଦ୍ଧ ଭାବେ ହତ୍ୟା କରାଯାଇଛି। ପ୍ରଥମେ ଯାହାକୁ ଏକ ଭୁଲ ଡକାୟତିର ରୂପ ଦିଆଯାଇଥିଲା। ପରେ ଜଣାପଡ଼ିଲା ଯେ, ଜଣେ ସ୍ତ୍ରୀ ଏବଂ ତାଙ୍କ ପ୍ରେମିକଙ୍କ ଦ୍ୱାରା ମିଳିତ ଭାବରେ ପ୍ଲାନ କରାଯାଇଥିବା ଏକ ଯୋଜନାବଦ୍ଧ ହତ୍ୟାର ଭୟଙ୍କର କାହାଣୀ।

ଏହି ଅପରାଧଟି ଏପ୍ରିଲ ୭ ତାରିଖ ରାତିରେ ଘଟିଥିଲା। ୨୮ ବର୍ଷୀୟ ଦେବକୃଷ୍ଣ ପୁରୋହିତଙ୍କୁ ତାଙ୍କ ଘରେ ମୃତ ଅବସ୍ଥାରେ ପାଇଥିଲେ; ତାଙ୍କ ଶରୀରରେ ଏକ ଧାରୁଆ ଅସ୍ତ୍ରରେ କରାଯାଇଥିବା ନିର୍ମମ ଆକ୍ରମଣର ଚିହ୍ନ ଥିଲା।

ଏହାସହ ପଢ଼ନ୍ତୁ: ବିବାହ ମଣ୍ଡପରେ ପୋଲିସ... ପଡ଼ିପାରିଲାନି ହାତଗଣ୍ଠି

ତାଙ୍କ ସ୍ତ୍ରୀ ପ୍ରିୟଙ୍କା ପୁରୋହିତ ପ୍ରଥମେ ପୋଲିସକୁ କହିଥିଲେ ଯେ ଅଜ୍ଞାତ ଡକାୟତମାନେ ତାଙ୍କ ଘରେ ପଶି ୩.୫ ଲକ୍ଷ ଟଙ୍କାର ମୂଲ୍ୟବାନ ଜିନିଷପତ୍ର ଲୁଟି ନେଇଥିଲେ ଏବଂ ତାଙ୍କ ସ୍ୱାମୀ ଚୋରଙ୍କୁ ଅଟକାଇବାକୁ ଚେଷ୍ଟା କରିବାରୁ ତାଙ୍କୁ ହତ୍ୟା କରିଥିଲେ ବୋଲି କହିଥିଲେ।

ପୋଲିସ ଘଟଣାଟିକୁ ପଚରାଉଚରା କଲାବେଳେ ପ୍ରିୟଙ୍କାଙ୍କ ଉପରେ ଟିକେ ସନ୍ଦେହ କରିଥିଲା। କାରଣ ତାଙ୍କ କଥାରେ ତାଳମେଳ ରହୁ ନ ଥିଲା। ଏହାପରେ କାହାଣୀ ଉପରୁ ବଡ଼ ପରଦା ହଟାଇଥିଲା। ପରିବାର ସଦସ୍ୟମାନେ ପ୍ରକାଶ କରିଛନ୍ତି ଯେ ଦେବକୃଷ୍ଣଙ୍କ ବୈବାହିକ ଜୀବନରେ ଅନେକ ସମସ୍ୟା ରହିଥିଲା। ତାଙ୍କ ଭଉଣୀ ଜ୍ୟୋତି ଅଭିଯୋଗ କରିଛନ୍ତି ଯେ 25 ବର୍ଷୀୟା ପ୍ରିୟଙ୍କା ପ୍ରାୟତଃ ତାଙ୍କୁ ସବୁବେଳେ ଅପମାନିତ କରି କହୁଥିଲେ, "ତୁମେ କଳା ଚର୍ମର... ତୁମେ ମୋର ଯୋଗ୍ୟ ନୁହଁ... ମୋତେ ତୁମ ଠାରୁ ଆଉ ଭଲ ମିଳିଥାନ୍ତେ। ଯାହା ଘରୋଇ କଳହ ପରି ମନେ ହେଉଥିଲା
କିନ୍ତୁ ଏହାର ଏତେ ଭୟଙ୍କର ପରିଣାମ ହେବ ବୋଲି ଆମେ କେବେ ଭାବି ନ ଥିଲୁ।

ପୋଲିସ ତଥ୍ୟ ଅନୁଯାୟୀ, ପ୍ରିୟଙ୍କା ରାଜଗଡ଼ର ଜଣେ 32 ବର୍ଷୀୟ ବାସିନ୍ଦା କମଲେଶ ପୁରୋହିତଙ୍କ ସହିତ ସମ୍ପର୍କରେ ଥିଲେ।
ଅଭିଯୋଗ ଅନୁଯାୟୀ ଦୁହେଁ ନିଷ୍ପତ୍ତି ନେଇଥିଲେ ଯେ ଦେବକୃଷ୍ଣ ସେମାନଙ୍କ ମଧ୍ୟରେ କଣ୍ଟା ହୋଇ ଛିଡ଼ା ହୋଇଛି ତାକୁ ଦୂର କରିବାକୁ ପଡିବ। ଏହା ପରେ ଏକ ସୁଚିନ୍ତିତ ଯୋଜନାବଦ୍ଧ ହତ୍ୟା ଷଡଯନ୍ତ୍ର ହୋଇଥିଲା।

ଦେଖନ୍ତୁ ଏହି ଖବର: Madhya Pradesh wife Killed Husband

ପୋଲିସ କହୁଛି ଯେ କମଲେଶ ତାଙ୍କ ସହଯୋଗୀ ସୁରେନ୍ଦ୍ର ଭାଟିକୁ ନେଇ ୧ ଲକ୍ଷ ଟଙ୍କାରେ ଦେବକୃଷ୍ଣଙ୍କୁ ହତ୍ୟା କରିବାକୁ ଏକ ଡିଲ କରିଥିଲେ। ଯାହା ପାଇଁ ସେ ୫୦,୦୦୦ ଟଙ୍କା ପୂର୍ବରୁ ଦେଇଥିଲେ। ହତ୍ୟାର ରାତିରେ ପ୍ରିୟଙ୍କା ଘରର ଦ୍ୱାର ଜାଣିଶୁଣି ଖୋଲା ରଖିଥିଲେ। ସୁରେନ୍ଦ୍ର ଘରେ ପଶି ଶୋଇଥିବାବେଳେ ଦେବକୃଷ୍ଣଙ୍କୁ ଆକ୍ରମଣ କରିଥିଲା ଆଉ ହତ୍ୟା କରିଥିଲା। ଅପରାଧକୁ ଡକାୟତି ଭଳି ଦେଖାଇବା ପାଇଁ, ଘରେ ଲୁଟ କରାଯାଇଥିଲା ଏବଂ ମୂଲ୍ୟବାନ ଜିନିଷପତ୍ର ଲୁଟ କରିବାର ଯୋଜନା କରାଯାଇଥିଲା। ପ୍ରିୟଙ୍କା ନିଜକୁ ପୀଡିତା ଭାବରେ ଅଭିନୟ କରିଥିଲେ, ଆକ୍ରମଣକାରୀମାନେ ପଳାଇବା ପରେ ଆଲାର୍ମ କରିଥିଲେ, ତାଙ୍କୁ ବାନ୍ଧି ବନ୍ଧକ ରଖାଯାଇଥିବା ଦାବି କରିଥିଲେ। କିନ୍ତୁ ପୋଲିସ ଆଗରେ ପ୍ରିୟଙ୍କା ବାରମ୍ବାର ତାଙ୍କ ବୟାନ ବଦଳାଇବାରୁ ପୋଲିସ ସନ୍ଦେହ କରିବାକୁ ଲାଗିଲା।

ଘର ଖୋଜାଖୋଜି କରିବା ପରେ ସେ ଚୋରି ହୋଇଥିବା ଅଳଙ୍କାର ଉଦ୍ଧାର କରାଯାଇଥିଲା। ମୋବାଇଲ୍ ଫୋନ୍ ଡାଟାରୁ କମଲେଶଙ୍କ ସହ ତାଙ୍କର ସମ୍ପର୍କ ଏବଂ ହତ୍ୟା ସମୟର କଲଗୁଡ଼ିକ ଧରାପଡ଼ିଥିଲା। ଶେଷରେ ପ୍ରିୟଙ୍କା ନିଜେ ଏହି ହତ୍ୟା କରିଥିବା ସ୍ବୀକାର କରିଥିଲେ। ପୋଲିସ ପ୍ରିୟଙ୍କା ଏବଂ କମଲେଶ ପୁରୋହିତଙ୍କୁ ଗିରଫ କରିଛି, ଆଉଜଣେ ଅଭିଯୁକ୍ତ ସୁରେନ୍ଦ୍ର ଭାଟି ଫେରାର ଅଛି।