Solar Eclipse / ଦିନ ଦ୍ୱିପ୍ରହରରେ ହେଲା ରାତି ଆକାଶରୁ ଉଭେଇଗଲେ ସୂର୍ଯ୍ୟ

ଡହଡହ ଖରାରେ ଝଲସୁଥିଲା ସହର… ହଠାତ୍ ଛାଇଗଲା ଘନ ଅନ୍ଧାର! ଦିନ ଦ୍ୱିପ୍ରହରରେ ଲାଗିଲା ଯେମିତି ରାତି ଓହ୍ଲାଇ ଆସିଛି । ଆକାଶରୁ ଗାଏବ ହୋଇଗଲେ ସୂର୍ଯ୍ୟ, ଆଉ ଏହି ଅବିଶ୍ୱସନୀୟ ଦୃଶ୍ୟକୁ ମୋବାଇଲ୍ କ୍ୟାମେରାରେ କଏଦ କରିବାକୁ ଲାଗିଲା ଲୋକଙ୍କ ଭିଡ଼ । କିନ୍ତୁ ଏହା କୌଣସି ଚମତ୍କାର ନୁହେଁ… ମହାକାଶରେ ଘଟିଥିଲା ଏକ ବିରଳ ଘଟଣା ଚନ୍ଦ୍ର ଢାଙ୍କି ଦେଇଥିଲା ସୂର୍ଯ୍ୟଙ୍କୁ ! ଆଉ ଏହି ମହାଜାଗତିକ ଦୃଶ୍ୟ ଦେଖିବାକୁ ହଜାର ହଜାର ଲୋକଙ୍କ ଆଖି ଲାଖି ରହିଥିଲା ଆକାଶ ଉପରେ ।

ଏମିତି ଅନ୍ଧାର ହୋଇଯିବ ବୋଲି କେହି ଭାବି ନଥିଲେ । ଦିନ ଦ୍ଵିପ୍ରହରରେ ପୁରା ଅନ୍ଧାର ହୋଇଗଲା ସହର । ଡହ ଡହ ଖରା ହେଉଥିଲା ହଠାତ ସହର ଅନ୍ଧାର ହୋଇଗଲା । ଆକାଶରେ ସୂର୍ଯ୍ୟ କୁଆଡ଼େ ଉଭେଇ ଗଲେ । ମୋବାଇଲେ କଏଦ ହେଲା ଏହି ଅଦ୍ଭୁତ ଏବଂ ଆଶ୍ଚର୍ଯ୍ୟ କରିଦେଲାଭଳି ଦୃଶ୍ୟ । କୋଟି କୋଟି ଲୋକ ଏହି ମହାଜାଗତିକ ଦୃଶ୍ୟକୁ ଦେଖି ଆଶ୍ଚର୍ଯ୍ୟ ହୋଇଗଲେ । ଆକାଶରୁ ଉଭେଇ ଗଲେ ସୂର୍ଯ୍ୟ । ଦିନ ଦ୍ଵିପ୍ରହରରେ ଅନ୍ଧାର ହୋଇଯାଇଛି ସହର । କେହି କେବେ ଭାବି ନଥିଲେ ଏମିତି ଅନ୍ଧାର ହୋଇଯିବ ବୋଲି । ସବୁଠୁ ଅଜବ ଥିଲା ଏମିତି ଦୃଶ୍ୟ । ସୂର୍ଯ୍ୟଙ୍କୁ ଗିଳିଦେଇଥିଲେ ଚନ୍ଦ୍ର ।

ହଠାତ ସୂର୍ଯ୍ୟ ଉଭେଇ ଯାଉଛନ୍ତି... ଦିନଦ୍ଵିପ୍ରହର ସମୟରେ ଆକାଶ ପୁରା ଅନ୍ଧାକାରରେ ପରିଣତ ହୋଇଯାଉଛି । ଦିନ ଥିବା ସହର ରାତିରେ ପରିଣତ ହେଉଛି । ଗତ ୧୦୦ ବର୍ଷରୁ ଅଧିକ ସମୟ ମଧ୍ୟରେ ପ୍ରଥମ ଥର ପାଇଁ ସ୍ପେନ୍ ଆକାଶରେ ବିରଳ ସୂର୍ଯ୍ୟପରାଗ ଦେଖିବାକୁ ମିଳିଛି । ଏମିତି ଦୃଶ୍ୟ ସମସ୍ତଙ୍କୁ ଚକିତ କରିଦେଇଛି । କାରଣ ପୁରା ସ୍ପେନ୍‌ ଅନ୍ଧକାରରେ ପରିଣତ ହୋଇଯାଇଛି । ସୁନ୍ଦର ସୁନ୍ଦର ନଗରୀରେ ଅନ୍ଧାର ଛାଇଯାଇଛି । ତେବେ ଏଭଳି ଦୃଶ୍ୟକୁ ପୂର୍ଣ୍ଣ ସୂର୍ଯ୍ୟ ପରାଗ ବୋଲି କୁହାଯାଏ । ଲକ୍ଷ ଲକ୍ଷ ଲୋକ ଜମା ହୋଇଥିଲେ ଏହି ଦୃଶ୍ୟକୁ ଦେଖିବା ପାଇଁ । ଲୋମ ଟାଙ୍କୁରୀ ଉଠିଥିଲା ଏହି ଦୃଶ୍ୟକୁ ଦେଖିଲା ପରେ ।

ମହାକାଶରେ ଏମିତି ସ୍ଥିତି ସେତିକି ବେଳେ ଆସିଥାଏ । ଯେତେବେଳେ ଚନ୍ଦ୍ର, ପୃଥିବୀ ଏବଂ ସୂର୍ଯ୍ୟ ଗୋଟିଏ ସରଳରେଖାରେ ଆସିଥାନ୍ତି । ବୁଧବାର ଦିନ ସୂର୍ଯ୍ୟ ଏବଂ ପୃଥିବୀ ମଝିରେ ଚାଲି ଆସିଥିଲେ ଚନ୍ଦ୍ର । ଯାହାପରେ ସ୍ପେନ୍‌ର ଏକ ବଡ଼ ଅଞ୍ଚଳରେ ଦିନ ଦ୍ୱିପ୍ରହରରେ ଅନ୍ଧାର ଛାଇ ଯାଇଥିଲା । ଏହି ଐତିହାସିକ ଏବଂ ମହାଜାଗତିକ ମୁହୂର୍ତ୍ତର ସାକ୍ଷୀ ହେବା ପାଇଁ କେବଳ ସ୍ପେନ୍ ନୁହେଁ, ବରଂ ବିଶ୍ୱର କୋଣ ଅନୁକୋଣରୁ ବୈଜ୍ଞାନିକ, ଜ୍ୟୋତିର୍ବିଜ୍ଞାନୀ ଏବଂ ପର୍ଯ୍ୟଟକମାନେ ଆସି ସ୍ପେନ୍‌ରେ ଜମା ହୋଇଥିଲେ । ମାଡ୍ରିଡ୍,ବାର୍ସିଲୋନାଠାରୁ ଆରମ୍ଭ କରି ବିଭିନ୍ନ ଖୋଲା ମଇଦାନ ଏବଂ ସମୁଦ୍ର କୂଳରେ ଲୋକମାନେ ସ୍ୱତନ୍ତ୍ର ଚଷମା ପିନ୍ଧି ଆକାଶର ଏହି ଅଲୌକିକ ଦୃଶ୍ୟକୁ ଉପଭୋଗ କରିଥିଲେ ।