ଆଉ ଗୋଟିଏ ଦିନ ପରେ ଧରାବତରଣ କରିବେ ଦେବଶିଳ୍ପୀ ବିଶ୍ୱକର୍ମା I ଏହିଦିନ ଆରମ୍ଭ ହୋଇଯିବ ଓଡିଶା ପ୍ରସିଦ୍ଧ ନାଲକୋ ନଗର ର ବିଶ୍ଵକର୍ମା ପୂଜା । ଏଥିପାଇଁ ପ୍ରସ୍ତୁତି ଚୁଡାନ୍ତ ପର୍ଯ୍ୟାୟରେ । କେଉଁଠି ମୂର୍ତ୍ତି କାରିଗର ବିଶ୍ଵ ବିନ୍ଧାଣୀଙ୍କୁ ଶେଷ ସ୍ପର୍ଶ ଦେଉଥିବା ବେଳେ ଅନ୍ୟ କେଉଁଠି ତୋରଣ କାରିଗର ନିଜ ତୋରଣକୁ ଆକର୍ଷଣୀୟ କରିବାରେ ଲାଗିପଡିଛି । ମୋଟା ମୋଟି କହିବାକୁ ଗଲେ ଦେବଶିଳ୍ପୀଙ୍କ ଆଗମନ ପାଇଁ ସଜେଇ ହୋଇଲାଣି ନାଲକୋ ନଗର ।

ସମଗ୍ର ନଗରୀ ପୂଜାପାଇଁ ହୋଇ ଉଠିଛି ଚଳଚଞ୍ଚଳ । ବିଭିନ୍ନ ପୂଜା ମଣ୍ଡପ ନିଜ ନିଜ ମଣ୍ଡପ ଗୁଡିକୁ ଆକର୍ଷଣୀୟ କରିବାରେ ଲାଗିପଡିଛନ୍ତି । ଏଥର କଲିକତାର ମନଗଢ଼ା ମନ୍ଦିର ଶୈଳୀରେ ତୋରଣ ନିର୍ମାଣ କରାଯାଇ ହୀରା ଘରେ ବିଶ୍ୱକର୍ମା ମଣ୍ଡପ ନିର୍ମାଣ କରାଯାଉଛି I ସେପଟେ କାଷ୍ଠ ହାଉସ୍ ବି ମୟୂର ସଦୃଶ ତୋରଣ ନିର୍ମାଣ କରି ପ୍ରସ୍ତୁତି କରିଛି I

କେଉଁଠି ପୁରାତନ ଲୋକକଳା ଛାପରେ ତୋରଣ ତ କେଉଁଠି ରାଜପ୍ରସାଦକୁ ନେଇ ନିର୍ମାଣ ହେଉଛି ତୋରଣ । କେଉଁଠି ଲାଉ ତୁମ୍ବରେ ମୂର୍ତ୍ତି ନିର୍ମାଣ ତ ଅନ୍ୟ କେଉଁଠି ବାଉଁଶ ବତାରେ ନିର୍ମାଣ ହେଉଛି ତୋରଣ । ଆଉ ଯେଉଁ ତୋରଣ ନିର୍ମାଣରେ ବ୍ୟସ୍ତ କାରିଗର । କୁହାଯାଏ ଓଡିଶାର ସବୁଠାରୁ ବ୍ୟୟବହୁଳ ପୂଜା ଭାବେ ପରିଚିତ ନାଲକୋର ବିଶ୍ଵକର୍ମା । ଏଥିପାଇଁ ସବୁ ସ୍ତରରେ ପ୍ରସ୍ତୁତି ଚାଲିଛି । ଏଥର 20 ଟି ମଣ୍ଡପରେ ବିଶ୍ଵବିନ୍ଧାଣିଙ୍କୁ ପୂଜା କରାଯିବ । ୧୭ ରୁ ଆରମ୍ଭ ହୋଇ ୨୩ ତାରିଖ ପର୍ଯ୍ୟନ୍ତ ଚାଲିବ ପୂଜା ଉତ୍ସବ ।

ପୂଜାକୁ ଆହୁରି ଆକର୍ଷଣୀୟ କରିବ ପଲ୍ଲୀଶ୍ରୀ ମେଳା ଓ ମିନା ବଜାର । ଯାହାର ମଜା ନେବାପାଇଁ ସମସ୍ତେ ଚାହିଁ ବସିଛନ୍ତି ।

Argus News | argus news | Odisha Latest News, Breaking News, Trending News, Live TV