ବସନ୍ତପୁର ଶିରିଡ଼ି ସାଇ ମନ୍ଦିରରେ ଗୁରୁପୂର୍ଣ୍ଣିମା ପାଳନ

ବସନ୍ତପୁର ଶିରିଡ଼ି ସାଇ ମନ୍ଦିରରେ ଗୁରୁପୂର୍ଣିମା ଉତ୍ସବ ଧୁମ୍ ଧାମରେ ପାଳନ କରାଯାଇଛି । ବାବାଙ୍କ ମନ୍ଦିର ପହଡ ଖୋଲିବା ପରେ ପ୍ରତିଦିନ ଭଳି ଆଜି ସକାଳ ୫.୩୦ ଘଟିକାରେ ବାବାଙ୍କ କାକଡ଼ ଆରତି, ସକାଳ ୬.୩୦ ରେ ବାବାଙ୍କ ସ୍ନାନ ଆରତୀ ପୂଜା ଅନୁଷ୍ଠିତ ହୋଇଥିଲା ।

ପରେ ବାବାଙ୍କ ସୂର୍ଯ୍ୟ ପୂଜା,ମହାଭିଷେକ ପୂଜା, ହୋମ , ଓ ମଧ୍ୟାହ୍ନ ଆରତି ଅନୁଷ୍ଠିତ ହୋଇଥିଲା । ଏହି ଗୁରୁପୂର୍ଣିମା ମହୋତ୍ସବ ରେ ପୂର୍ତ ବିଭାଗ ଅତିରିକ୍ତ ସଚିବ ଶ୍ରୀମତୀ ରେଣୁପ୍ରଭା ନାୟକ ଓ ଗରଦପୁର ବ୍ଲକ୍ ବିଡ଼ିଓ ଆଲୋକ ରଂଜନ ସେଠିଙ୍କ ସମେତ ଶତାଧିକ ସାଇ ଭକ୍ତ ଉପସ୍ଥିତ ରହି ବାବାଙ୍କ ସାନ୍ନିଧ୍ୟ ଲାଭ କରିଥିଲେ। । ପ୍ରତି ବର୍ଷ ଭଳି ଏହି ଗୁରୁପୂର୍ଣ୍ଣିମା ମହା ଆଡମ୍ବର ସହ ଏହି ମନ୍ଦିରରେ ପାଳନ ହେବା ସହ ଭକ୍ତଙ୍କ ପାଇଁ ପ୍ରସାଦ ବଣ୍ଟନ କରାଯାଇଥିବାର ମନ୍ଦିର ଟ୍ରଷ୍ଟି ରୁଦ୍ର ମହାନ୍ତି ପ୍ରକାଶ କରିଛନ୍ତି ।