ଉପର ଲାଇନ୍‌ ଶୁଣି ଆପଣ ଖୁସି ହୋଇଯିବେଣି ନିଶ୍ଚିତ। ଅଟକିଥିବା ସମସ୍ତ ଟଙ୍କା ପାଇବେ ସରକାରୀ କର୍ମଚାରୀ। ଯାହାକୁ ନେଇ ବଡ଼ ଘୋଷଣା କରିଛନ୍ତି କେନ୍ଦ୍ର ସରକାର। ସରକାରୀ କର୍ମଚାରୀ ଏବଂ ପେନସନଭୋଗୀମାନେ ପ୍ରାୟ ଏକ ବର୍ଷ ଧରି ଅଷ୍ଟମ ବେତନ କମିଶନ ପାଇଁ ଉତ୍ସାହର ସହିତ ଅପେକ୍ଷା କରିଛନ୍ତି। କମିଶନ ଗଠନରେ ବିଳମ୍ବ ଏବଂ ଅନିଶ୍ଚିତତା ମଧ୍ୟରେ ଏକ ଆଶ୍ୱସ୍ତିର ଖବର ଆସିଛି। କେନ୍ଦ୍ର ସରକାର ସ୍ପଷ୍ଟ କରିଛନ୍ତି, ସେମାନେ ରାଜ୍ୟ ସରକାରଙ୍କ ସହିତ ଅଷ୍ଟମ ବେତନ କମିଶନ ସମ୍ପର୍କରେ ଗମ୍ଭୀରତାର ସହିତ ଆଲୋଚନା କରୁଛନ୍ତି ଏବଂ ବେତନ କମିଶନର ପ୍ୟାନେଲ ସମ୍ପର୍କରେ ଶୀଘ୍ର ନିଷ୍ପତ୍ତି ନିଆଯିବ।

ଅଗଷ୍ଟ ୪ରେ କେନ୍ଦ୍ର ରାଷ୍ଟ୍ରମନ୍ତ୍ରୀ ଜିତେନ୍ଦ୍ର ସିଂହଙ୍କ ସହ ଏକ ବୈଠକରେ ପ୍ରତିନିଧି ଦଳ ଦ୍ୱାରା ଅନେକ ପ୍ରସଙ୍ଗ ଉଠାଇଥିଲେ। ଏଥିରେ ଅଷ୍ଟମ ବେତନ କମିଶନରେ ବିଳମ୍ବ, ଜାତୀୟ ପେନସନ ଯୋଜନା ଏବଂ ଏକୀକୃତ ଯୋଜନାର ଉଚ୍ଛେଦ, ପୁରୁଣା ପେନସନ ଯୋଜନାର ପୁନଃସ୍ଥାପନ ଏବଂ କୋଭିଡ-୧୯ ସମୟରେ ୧୮ ମାସ ଧରି ଅଟକାଇ ରଖାଯାଇଥିବା DA ସମେତ ଅନ୍ୟାନ୍ୟ ସମସ୍ୟା ଅନ୍ତର୍ଭୁକ୍ତ।ଜିତେନ୍ଦ୍ର ସିଂହ ଆଶ୍ୱାସନା ଦେଇଛନ୍ତି ଯେ, ଅଷ୍ଟମ ବେତନ କମିଶନ ପାଇଁ ପ୍ୟାନେଲ ଖୁବ ଶୀଘ୍ର ଗଠନ କରାଯିବ ଏବଂ ପୁରୁଣା ପେନସନ ଯୋଜନା ସମ୍ପର୍କରେ ପେନସନ ସଚିବଙ୍କ ସହ ଖୁବଶୀଘ୍ର ଏକ ବୈଠକ ଅନୁଷ୍ଠିତ ହେବ। ସେ କନଫେଡେରେସନକୁ ମଧ୍ୟ ଆଶ୍ୱାସନା ଦେଇଛନ୍ତି,ପୁରୁଣା ପେନସନ ଯୋଜନାର ପୁନଃସ୍ଥାପନ ପାଇଁ ପେନସନ ସଚିବଙ୍କ ସହ ଖୁବଶୀଘ୍ର ଏକ ପରବର୍ତ୍ତୀ ବୈଠକ ଅନୁଷ୍ଠିତ ହେବ।

ଏହା ସହିତ, ଅନୁକମ୍ପାମୂଳକ ନିଯୁକ୍ତି, କ୍ୟାଡର ସମୀକ୍ଷା ଏବଂ ନିୟମିତ JCM ବୈଠକ ଭଳି ଅନ୍ୟାନ୍ୟ ପ୍ରସଙ୍ଗ ସୁନିଶ୍ଚିତ କରାଯିବ। ଭାରତୀୟ ମଜଦୁର ସଂଘ (BMS)ର ସର୍ବୋଚ୍ଚ ସଂସ୍ଥା ସରକାରୀ କର୍ମଚାରୀ ଜାତୀୟ ମହାସଂଘ (GENC)ର ଏକ ପ୍ରତିନିଧି ଦଳ ଗତ ମାସରେ କେନ୍ଦ୍ର ମନ୍ତ୍ରୀ ଜିତେନ୍ଦ୍ର ସିଂହଙ୍କୁ ଭେଟିଥିଲେ। ଅଷ୍ଟମ ବେତନ କମିଶନ କାର୍ଯ୍ୟକାରୀ କରିବାରେ ବିଳମ୍ବ ଏବଂ ସରକାରୀ କର୍ମଚାରୀଙ୍କ ଚିନ୍ତା ଉପରେ ଆଲୋଚନା କରାଯାଇଥିଲା। ଚଳିତ ବର୍ଷ ଜାନୁଆରୀରେ ଅଷ୍ଟମ ବେତନ କମିଶନ ଗଠନ କରାଯାଇଥିଲା। କିନ୍ତୁ, ଏହା ପରେ ଏହି ମାମଲାରେ କୌଣସି ବିଶେଷ ଅଗ୍ରଗତି ହୋଇନାହିଁ କାରଣ କର୍ମଚାରୀମାନେ ବେତନ କମିଶନର ସଦସ୍ୟଙ୍କ ନିଯୁକ୍ତି ଏବଂ ସନ୍ଦର୍ଭ ସମୟ (ToR) ପାଇଁ ଅପେକ୍ଷା କରିଛନ୍ତି। ଯାହା ଖୁବ ଶୀଘ୍ର ସମସ୍ତ କର୍ମଚାରୀଙ୍କୁ ମିଳିବ। ଏଖବର ପ୍ରକାଶ ପାଇବା ପରେ ବର୍ତ୍ତମାନ ପେନସନଭୋଗୀ କର୍ମଚାରୀ ଖୁସି ବ୍ୟକ୍ତ କରୁଛନ୍ତି।

Argus News | argus news | Odisha Latest News, Breaking News, Trending News, Live TV