୪୦ ବର୍ଷରେ କ୍ୟାରିଅରକୁ ନେଇ କମୁଛି ଇଚ୍ଛାଶକ୍ତି, ଜାଣନ୍ତୁ କେମିତି ଗଢିବେ ନିଜ କ୍ୟାରିୟର...

ଅର୍ଗସ ବ୍ୟୁରୋ : ବୟସ ୪୦ ଟପିଲାଣି । ଜୀବନର ଯୌବନ ଅବସ୍ଥା ଅତିକ୍ରମ କରିଲାଣି । ବର୍ତ୍ତମାନ ଏମିତି ସ୍ଥାନରେ ଅଛ ଯେଉଁଠି ନିଜ ଉପରେ ଅଛି ଅନେକ କିଛି ଦାୟିତ୍ବ ଏବଂ କର୍ତ୍ତବ୍ୟ । କିନ୍ତୁ ମନରେ ପ୍ରଶ୍ନ ଆସୁଛି, ନିଜେ ବାଛିଥିବା କ୍ୟାରିଅର ଠିକ ଅଛି ତ ? ଯଦି ଅଛି ତେବେ ମନରେ ଇଚ୍ଛାଶକ୍ତି କାହିଁକି କମି ଯାଉଛି ? ଯଦି କମିଯାଉଛି, ତେବେ ନିଶ୍ଚିତ ଭାବରେ ଅନ୍ୟ ଏକ କ୍ୟାରିଅର ବାଛିବାର ଆବଶ୍ୟକତା ରହିଛି । କାରଣ ସମୟ ହାତରୁ ଚାଲି ଯାଇନି । ଜୀବନରେ ଯଦି ସବୁକିଛି ଠିକ ହୋଇଥାନ୍ତା , ତେବେ ତ ଜୀବନର ରାସ୍ତା ଏକ ସରଳରେଖା ପରି ସିଧା ହୋଇଥାନ୍ତା, କିନ୍ତୁ ସେମିତି ତ ନୁହେଁ । ଜୀବନରେ କିଛି ନେଇଥିବା ନିଷ୍ପତ୍ତି ଯଦି ଠିକ ହୋଇପାରିଲାନି, ତାକୁ ନେଇକି ଅନୁତାପ କରିବାଟା ଠିକ, କିନ୍ତୁ ହାରିଯିବାଟା ଭୁଲ । ସେଥିପାଇଁ ଅନ୍ୟ ଏକ ବିକଳ୍ପ ଖୋଜନ୍ତୁ ।

ଯେତେବେଳେ ଆମେ ମାତ୍ର ୧୮ ବର୍ଷ ବୟସର ହୋଇଥାନ୍ତି , ସେତେବେଳେ ମନରେ ଅନେକ ଆଶା, ଅନେକ ଭରଷା , ଅନେକ ସ୍ବପ୍ନ । ଏମିତି ଲାଗୁଥାଏ, ଯେମିତି ପୃଥିବୀଟା ଆମ ପାଦତଳେ ଅଛି । ନିଜକୁ ଗୋଟେ ଉଚ୍ଚପଦବୀ ଯେମିତିକି ଡାକ୍ତର, ଇଞ୍ଜିନିୟର, ଲୟର ଆଦି ହେବାର ସ୍ବପ୍ନ ଦେଖୁଥାଉ । କେବଳ ସମାଜରେ ସମ୍ମାନ ଏବଂ ଉଚ୍ଚପଦବୀ ପାଇବା ଆଶାରେ । କିନ୍ତୁ ନିଜର ଇଚ୍ଛାଥିବା କାମକୁ କରିବାକୁ ଭୁଲିଯାଉ । କିନ୍ତୁ ୨୦ ବର୍ଷ ପରେ ନିଜକୁ ଯେତେବେଳେ ସେହି ସ୍ଥାନରେ ଦେଖୁ ସେତେବେଳେ ମନରେ ପ୍ରଶ୍ନ ଆସେ , କୁଆଡେ ଗଲା ସେହି ୨୦ ବର୍ଷ ତଳେ ମନରେ ଥିବା ଉତ୍ସାହ । ଅନେକ କିଛି କରିଥିବାର ସ୍ବପ୍ନ । କିନ୍ତୁ ବର୍ତ୍ତମାନ ମନରେ ଏତେ ଥକ୍କାପଣ କାହିଁକି ?

କାରଣ ନିଜର ଇଚ୍ଛାଥିବା ବୃତ୍ତିକୁ କରିବାକୁ ଆମେ ସେତିକି ପ୍ରୟାସ କରିନଥାଉ । କେବଳ ସମାଜର କିଛି ଶ୍ରେଷ୍ଠ ପଦବୀ ପାଇବା ଆଶାରେ ଲକ୍ଷଲକ୍ଷ ଲୋକଙ୍କ ଭିତରେ ଆମେ ବି ଦୌଡିବାକୁ ଇଚ୍ଛା କରୁ । କିନ୍ତୁ ବୟସ ବିତିବା ସହ ସେ ଜିନିଷ ପ୍ରତି ଆଦର କମିଯାଏ, ଆଉ ମନରେ ପ୍ରଶ୍ନ ଆସେ, କୁଆଡେ ଗଲା ମୋର ସ୍ବପ୍ନ ? ପ୍ରକୃତରେ ଜୀବନରେ ମୁଁ କଣ ଏଇୟା ହେବାକୁ ଚାହୁଁଥିଲି ।
ଜୀବନରେ କେବଳ ସମ୍ମାନ ଆଉ ଉଚ୍ଚପଦବୀ ଏକ ବିଳାସପୂର୍ଣ୍ଣ ଜୀବନ ପାଇବା ଆଶାରେ ଆମେ ନିଜର ପ୍ୟାଶନକୁ ଭୁଲି ଯାଇଛନ୍ତି । ଯେଉଁଥି ପାଇଁ ଅନେକ ଜଣ ବୟସ ବଢିବା ସହ ନିଜ ଚାକିରି ଜୀବନରୁ ଥକି ଯାଆନ୍ତି ।

ସେଥିପାଇଁ ନିଜର ଜୀବନରେ ନିଷ୍ପତ୍ତି ସବୁବେଳେ ନିଜର ମନ ଅନୁସାରେ ନିଅନ୍ତୁ । ଶେଷରେ ନିଜର ଇଚ୍ଛା ହିଁ ସବୁଠୁ ଗୁରୁତ୍ବପୂର୍ଣ୍ଣ । ଯଦି ନିଜର ଇଚ୍ଛା ଥିବା କ୍ୟାରିଅର ବାଛୁଛନ୍ତି, ତେବେ ଏଥିରେ ମଧ୍ୟ ସଫଳତା ପାଇବାକୁ ନିଜର ଅଦମ୍ୟ ଚେଷ୍ଟା କରନ୍ତୁ । ଦେଖନ୍ତୁ, ନିଜର ଜୀବନ କେତେ ସହଜ ଲାଗିବ ।