ପୁସ୍ତକ ପଢୁଥିବା ବିମାନ ଯାତ୍ରୀଙ୍କ ପାଇଁ ଖୁସି ଖବର। ଆପଣମାନେ ଜାଣିଛନ୍ତି କି ଭୁବନେଶ୍ୱର ବିମାନ ବନ୍ଦରରେ ଖୋଲିଛି ଏକ ' ଫ୍ଲାଇବେରି ' । ଏଥିରେ ସମସ୍ତ ପ୍ରକାରର ପୁସ୍ତକ ଉପଲବ୍ଧ ଥାଏ ଯାହାକୁ ବିମାନ ଯାତ୍ରୀମାନେ ପଢ଼ନ୍ତି ଓ ପଢ଼ିଲା ପରେ ଫେରାଇ ଥାନ୍ତି ।କେହି କେହି ପୁସ୍ତକ ମଧ୍ୟ ଦାନ କରିଥାନ୍ତି ।

ଓଡ଼ିଶା ଗସ୍ତରେ କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତ୍ରୀ କେ.ରାମମୋହନ.ନାଇଡୁ ଭୁବନେଶ୍ୱର ବିମାନବନ୍ଦରରେ ସ୍ଥାପିତ ଏହି ଫ୍ଲାଇବେରି ପରିଦର୍ଶନ କରିଛନ୍ତି । ଓ ବକୁଳ ଫାଉଣ୍ଡେସନ ପକ୍ଷରୁ ସ୍ଥାପିତ ଏହି ଫ୍ଲାଇବେରି ପ୍ରତି ଅଭିଭୂତ ହୋଇ, ଭୂୟସୀ ପ୍ରଶଂସା ମଧ୍ୟ କରିଛନ୍ତି । ଏହାକୁ ଦେଶର ସମସ୍ତ ବିମାନ ବନ୍ଦରରେ ରୂପାୟିତ କରିବାକୁ କେନ୍ଦ୍ରମନ୍ତ୍ରୀ କେ.ରାମମୋହନ.ନାଇଡୁ ନିଜ ମନ୍ତ୍ରାଳୟକୁ ନିର୍ଦ୍ଦେଶ ଦେଇଛନ୍ତି । ସେ କହିଛନ୍ତି ଭୁବନେଶ୍ୱର ବିମାନବନ୍ଦର ଦେଶର ଏକମାତ୍ର ବିମାନବନ୍ଦର ଯେଉଁଠି ପୁସ୍ତକପ୍ରେମୀଙ୍କ ପାଇଁ ଫ୍ଲାଇବେରି ପରି ଏକ ସ୍ବତନ୍ତ୍ର ପଦକ୍ଷେପ ନିଆଯାଇଛି ।

ଏହା ଏକ ଫ୍ଲାଇଙ୍ଗ ଲାଇବ୍ରେରୀ । ଯେଉଁଠି ପ୍ରବାସୀମାନେ ପୁସ୍ତକ ନେଇ ପଢିପାରିବେ କିମ୍ବା ଦାନ କରିପାରିବେ । ଏହି ସୁନ୍ଦର୍ ପ୍ରୟାସ ଦେଶର ଅନ୍ୟ ବିମାନ ବନ୍ଦରରେ ମଧ୍ୟ ବିସ୍ତାର ପ୍ରକ୍ରିୟାରେ ଅଛି ବୋଲି କହିଛନ୍ତି କିଞ୍ଜରାପୁ.ରାମମୋହନ.ନାଇଡୁ ।ସେଠାରେ ଉପସ୍ଥିତ ରାଜ୍ୟ ବାଣିଜ୍ୟ ଓ ପରିବହନ ମନ୍ତ୍ରୀ ବିଭୂତି ଭୂଷଣ ଜେନା ଓ ବକୁଳ ଫାଉଣ୍ଡେସନର ପ୍ରତିଷ୍ଠାତା ସୁଜିତ୍ ମହାପାତ୍ରଙ୍କ ସହ ଆଲୋଚନା କରିଥିଲେ । ବିମାନ ବନ୍ଦର ନିର୍ଦ୍ଦେଶକ ପ୍ରସନ୍ନ ପ୍ରଧାନ ବକୁଳର ଶ୍ରୀ ମହାପାତ୍ରଙ୍କ ଏହି ପ୍ରୟାସ କୁ ମଧ୍ୟ ଭୂୟସୀ ପ୍ରଶଂସା କରିଥିଲେ ।

ଓଡ଼ିଶା ସମ୍ପର୍କିତ ଅଧିକ ଖବର ପଢ଼ନ୍ତୁ