Pension Revision / ସରକାରଙ୍କ ପ୍ରତିକ୍ରିୟା: ଅଷ୍ଟମ ବେତନ କମିଶନ ସହ କ’ଣ ହେବ ପରିବର୍ତ୍ତନ ?

ଆସିଲା ବଡ଼ ଖୁସି ଖବର। ଖୁବଶୀଘ୍ର ମିଳିବ ଅଷ୍ଟମ ବେତନ ଟଙ୍କା। ହେଲେ ଏହା ପୂର୍ବରୁ ଜାଣି ରଖନ୍ତୁ କେଉଁ ମାନଙ୍କୁ ମିଳିବ ଟଙ୍କା। ଅଷ୍ଟମ ବେତନ କମିଶନ ସମ୍ପର୍କରେ ବର୍ତ୍ତମାନ କର୍ମଚାରୀ ଏବଂ ପେନସନଭୋଗୀଙ୍କ ମଧ୍ୟରେ ଆଲୋଚନା ଚାଲିଛି। ଗତ ମାସରେ ଅବସର ନେଇଥିବା କର୍ମଚାରୀଙ୍କ ମନରେ ସବୁଠାରୁ ବଡ଼ ପ୍ରଶ୍ନ ହେଉଛି: ଡିସେମ୍ବର 31, 2025 ପୂର୍ବରୁ ଅବସର ନେଉଥିବା କର୍ମଚାରୀମାନେ ନୂତନ ବେତନ କମିଶନ ଅଧୀନରେ ବର୍ଦ୍ଧିତ ପେନସନରୁ ଉପକୃତ ହେବେ କି? ସରକାର ଏହି ପ୍ରସଙ୍ଗରେ ପରିସ୍ଥିତି ସ୍ପଷ୍ଟ କରିଛନ୍ତି। ଅର୍ଥ ରାଷ୍ଟ୍ରମନ୍ତ୍ରୀ ପଙ୍କଜ ଚୌଧୁରୀଙ୍କ ସାମ୍ପ୍ରତିକ ବୟାନ ଏବଂ ଫାଇନାନ୍ସ ଆକ୍ଟ, 2025 ର ବ୍ୟବସ୍ଥା ଲକ୍ଷ ଲକ୍ଷ ପେନସନଭୋଗୀଙ୍କ ଚିନ୍ତାକୁ ଯଥେଷ୍ଟ ହ୍ରାସ କରିଛି।

ବର୍ତ୍ତମାନ, ସର୍ବନିମ୍ନ ପେନସନ ୯,୦୦୦ ଅଟେ, ଯାହା ୮ମ ବେତନ କମିଶନ ପରେ ୨୫,୦୦୦ କୁ ବୃଦ୍ଧି ପାଇପାରେ। ସରକାରଙ୍କ ପ୍ରତିକ୍ରିୟା ସ୍ପଷ୍ଟ କରେ ଯେ ଡିସେମ୍ବର ୩୧, ୨୦୨୫, କୌଣସି ଡେଡଲାଇନ ନୁହେଁ, ଯାହା ଆପଣଙ୍କୁ ବର୍ଦ୍ଧିତ ପେନସନର ଲାଭରୁ ବାଦ ଦେବ। ପୂର୍ବ ବେତନ କମିଶନ ପରି, 8ମ ବେତନ କମିଶନରେ ମଧ୍ୟ ପୁରୁଣା ପେନସନଭୋଗୀଙ୍କ ପେନସନକୁ ସଂଶୋଧନ କରାଯାଇଛି, ଯଦ୍ବାରା ମୁଦ୍ରାସ୍ଫୀତି ବା ମହଙ୍ଗାମାଡ଼ ସମୟରେ ସେମାନେ ଯେପରି ଫଛରେ ନ ପଡ଼ନ୍ତି ।

ଅଷ୍ଟମ ବେତନ କମିଶନ ସହିତ କ’ଣ ପରିବର୍ତ୍ତନ ହେବ?

ଯଦି ଜାନୁଆରୀ ୧, ୨୦୨୬ ରୁ ୮ମ ବେତନ କମିଶନ କାର୍ଯ୍ୟକାରୀ ହୁଏ, ତେବେ ଏହାର ଦୁଇଟି ପ୍ରଭାବ ପଡ଼ିବ। ପ୍ରଥମେ, ଜାନୁଆରୀ ୧, ୨୦୨୬ ପରେ ଅବସର ନେଉଥିବା ଲୋକଙ୍କ ପେନସନ ସିଧାସଳଖ ନୂତନ ବେସିକ ଦରମା ଉପରେ ଆଧାର କରି ଗଣନା କରାଯିବ। ଏହା ବ୍ୟତୀତ, ଡିସେମ୍ବର ୩୧, ୨୦୨୫ ସୁଦ୍ଧା ଅବସର ନେଇଥିବା ପୁରୁଣା ପେନସନଭୋଗୀଙ୍କ ପେନସନକୁ ଏକ ସ୍ଥିର ଫିଟମେଣ୍ଟ ଫ୍ୟାକ୍ଟର ବ୍ୟବହାର କରି ସଂଶୋଧନ କରାଯିବ। ଆଶା କରାଯାଉଛି ଯେ ଏଥର ଫିଟମେଣ୍ଟ ଫ୍ୟାକ୍ଟର ୨.୮୧ ରୁ ୩.୬୮ ମଧ୍ୟରେ ରହିବ।

ସରକାରଙ୍କ ପ୍ରତିକ୍ରିୟା କ’ଣ?

ପ୍ରାୟତଃ ଦେଖାଯାଏ ଯେ ଯେତେବେଳେ ନୂତନ ବେତନ କମିଶନ ଲାଗୁ ହୁଏ, ଅବସର କଟ-ଅଫ୍ ତାରିଖ ସମ୍ପର୍କରେ ଦ୍ୱନ୍ଦ୍ୱ ସୃଷ୍ଟି ହୁଏ। ଅନେକ କର୍ମଚାରୀଙ୍କ ଭୟ ଥାଏ ଯେ 1 ଜାନୁଆରୀ 2026 ପୂର୍ବରୁ ରିଟାୟାର୍ ହେଲେ ବୃଦ୍ଧି ପାଇଥିବା ପେନ୍ସନ୍‌ରୁ ବଞ୍ଚିତ ହେବେ କି? ତଥାପି, ଅର୍ଥ ରାଷ୍ଟ୍ରମନ୍ତ୍ରୀ ପଙ୍କଜ ଚୌଧୁରୀ ଏହି ପ୍ରସଙ୍ଗରେ ସ୍ପଷ୍ଟ କରିଛନ୍ତି ଯେ, Finance Act, 2025 ଏପରି କୌଣସି ନୂତନ ବ୍ୟବସ୍ଥା ଯୋଡା ଯାଇନାହିଁ, ଯାହା ସେମାନଙ୍କ ଅବସର ତାରିଖ ଆଧାରରେ ପେନସନଭୋଗୀଙ୍କ ମଧ୍ୟରେ କୌଣସି ପ୍ରକାରର ପାତରଅନ୍ତର କିମ୍ବା ବିଭାଜନ ସୃଷ୍ଟି କରିବ।

ଅଧିକ ପଢ଼ନ୍ତୁ ଶିକ୍ଷା ଓ ନିଯୁକ୍ତି ଖବର: