କୋମାରେ ଅଭିଜିତ ମଜୁମଦାର । ସଙ୍ଗୀତ ନିର୍ଦ୍ଦେଶକ ଅଭିଜିତ ମଜୁମଦାର କୋମାରେ । ଭୁବନେଶ୍ବର ଏମ୍ସ ପକ୍ଷରୁ ଜାରି ହେଲା ମେଡିକାଲ୍‌ ବୁଲେଟିନ୍‌ । ସ୍ବାସ୍ଥ୍ୟାବସ୍ଥା ସଂକଟାପନ୍ନ ରହିବା ସହ ନିମୋନିଆରେ ପୀଡ଼ିତ ଅଛନ୍ତି ଅଭିଜିତ । ଭେଣ୍ଟିଲେଟର ସପୋର୍ଟରେ ବର୍ତ୍ତମାନ ରହିଥିବା ସୂଚନା ମିଳିଛି । ମଧ୍ୟାହ୍ନ ପରଠାରୁ ICUର ଭେଣ୍ଟିଲେଟର ସପୋର୍ଟରେ ଅଛନ୍ତି । ଏକାଧିକ ରୋଗରେ ପୀଡ଼ିତ ଥିବା ନେଇ ସୂଚନା ଜାରି କରାଯାଇଛି ।

ସମ୍ଭଲପୁରୀ ଗୀତରୁ କ୍ୟାରିଅର ଆରମ୍ଭ କରି ଓଡ଼ିଆ ଫିଲ୍ମ ଇଣ୍ଡଷ୍ଟ୍ରିରେ ପ୍ରବେଶ କରିଥିଲେ ଅଭିଜିତ । ୨୦୦୦ ମସିହାରେ ପ୍ରଥମ ଫିଲ୍ମ ‘କାସିଆ କପିଳା’ରେ ଦେଇଥିଲେ ସଙ୍ଗୀତ ନିର୍ଦ୍ଦେଶନା । ଏହା ପରେ ଅଭିଜିତ ଆଉ ପଛକୁ ଫେରି ନଥିଲେ । ଓଲିଉଡକୁ ଦେଇଛନ୍ତି ବ୍ୟାକ୍ ଟୁ ବ୍ୟାକ୍ ହିଟ୍ ଗୀତ । ୨୦୦୮ ରେ ‘ତୋ ବିନା ଭଲ ଲାଗେନା’ , ୨୦୧୦ରେ ‘ତୁ ଥାଆ ମୁଁ ଯାଉଛି ରୁଷି’ , ୨୦୧୨ରେ ‘ମ୍ୟାଟ୍ରିକ୍ ଫେଲ୍’ ,୨୦୧୩ରେ ‘ଲଭ୍ ହେଲା ଏମିତିରେ’ , ୨୦୧୪ରେ ‘ପୁଣି ଦେଖା ହେବ ଆର ଜନ୍ମରେ’ , ୨୦୧୬ରେ ‘ଲଭ୍ ଷ୍ଟେସନ୍’ , ‘ସିଷ୍ଟର ଶ୍ରୀଦେବୀ’ ଏବଂ ‘ସୁନା ପିଲା ଟିକେ ସ୍କ୍ରୁ ଢିଲା’ ରେ ସଙ୍ଗୀତ ନିର୍ଦ୍ଦେଶନା ଦେଇଥିଲେ ଅଭଜିତ । ସେ ରିବନ ଫିତା ଗୀତ ହେଉ କି କଞ୍ଚା ହଳଦୀ ଯୁବପିଢିଙ୍କୁ ଆଜି ବି ମତୁଆଲା କରେ ।

ସବୁ ବର୍ଷ ଦୂର୍ଗା ପୂଜାରେ ଦାଦାଙ୍କ ଗୀତ ପେଣ୍ଡାଲରୁ ନେଇ ଭସାଣି ପର୍ଯ୍ୟନ୍ତ ମାର୍କେଟ ନିଏ । ହେଲେ ପାର୍ବଣର ଠିକ୍ ପୂର୍ବରୁ ଦାଦାଙ୍କ ଅସୁସ୍ଥତା ଖବର ସମସ୍ତଙ୍କୁ ଦୁଃଖ ଦେଇଛି ।

Argus News | argus news | Odisha Latest News, Breaking News, Trending News, Live TV