କ’ଣ ଚାଲିଛି ଷ୍ଟାର ପରିବାରଙ୍କ ଘରେ? ପ୍ରଥମେ ସୁପରଷ୍ଟାର ଶ୍ୱଶୁର ପରେ ଅଭିନେତ୍ରୀ ବୋହୂ ଆଉ ଏବେ ଅଭିନେତା ପୁଅ ହାଇକୋର୍ଟର କବାଟ ବାଡେଇଛନ୍ତି। ଗୋଟିଏ ଦିନ ପୂର୍ବରୁ ସ୍ତ୍ରୀ ହାଇକୋର୍ଟର ଦ୍ୱାରସ୍ଥ ହୋଇଥିବା ବେଳେ ଏବେ ସ୍ୱାମୀ ହାଇକୋର୍ଟରେ ପହଞ୍ଚିଛନ୍ତି। ହଁ ଆଜ୍ଞା ଆପଣ ଠିକ୍ ଅନୁମାନ କରିଛନ୍ତି ଆମେ କହୁଛୁ ବଲିଉଡ୍ ର ଷ୍ଟାର ପରିବାର କଥା। କିଛିଦିନ ପୂର୍ବରୁ ଅଭିନେତା ଅମିତାଭ ବଚ୍ଚନ କୋର୍ଟରେ ପହଞ୍ଚିଥିଲେ। ଆଉ ନିକଟରେ ଅଭିନେତ୍ରୀ ଐଶ୍ୱର୍ଯ୍ୟା ରାୟ ବଚ୍ଚନ ମଧ୍ୟ ହାଇକୋର୍ଟର ଦ୍ୱାରସ୍ଥ ହୋଇଥିଲେ। ଆଉ ଆଜି ଅଭିନେତା ଅଭିଷେକ ବଚ୍ଚନ ହାଇକୋର୍ଟରେ ପହଞ୍ଚିଛନ୍ତି। ଲାଇଭ୍ ମିଣ୍ଟ ଅନୁଯାୟୀ, ଅଭିଷେକ ବଚ୍ଚନ ବଲିଉଡ୍ ସେଲିବ୍ରିଟିଙ୍କ ଟି-ସାର୍ଟ ତିଆରି କରୁଥିବା ବଲିଉଡ୍ ଟି ସପ୍ ନାମକ ଏକ ୱେବସାଇଟ୍ ବିରୁଦ୍ଧରେ ଏକ ଆବେଦନ ଦାୟର କରିଛନ୍ତି। ଅଭିନେତା ଯୁକ୍ତି କରିଛନ୍ତି ଯ, ତାଙ୍କର ବ୍ୟକ୍ତିତ୍ବକୁ ଆଘାତ ଦେଇଛି। ବିନା ଅନୁମତିରେ ତାଙ୍କର ଚିତ୍ର ମଧ୍ୟ ବ୍ୟବହାର କରାଯାଉଛି।

ସେ ଚିନ୍ତା ପ୍ରକାଶ କରି କହିଛନ୍ତି ଯେ, ଜନସାଧାରଣଙ୍କ ନକଲି ଅନଲାଇନ୍ ପରିଚୟ ମାଧ୍ୟମରେ ଲୋକଙ୍କୁ ଏହା ନିଶ୍ଚିତ ଠକି ଦେଇପାରେ। ଅଭିଷେକ ବଚ୍ଚନ ଉକ୍ତ ୱେବସାଇଟ ଗୁଡ଼ିକୁ ବ୍ଲକ କରିବାକୁ ତାଙ୍କ ଆବେଦନରେ ନିବେଦନ କରିଛନ୍ତି। ଏହା ମଧ୍ୟ ଅନୁରୋଧ କରିଥିଲେ ଯେ ଗୁଗୁଲ୍ ଏବଂ ୟୁଟ୍ୟୁବ୍ ଭଳି ପ୍ଲାଟଫର୍ମ ମାଧ୍ୟମରେ ଇଣ୍ଟରନେଟରୁ ଆବେଦନ ସହିତ ଜଡିତ ସମସ୍ତ ଅନଲାଇନ୍ ୱେବସାଇଟ୍ ଲିଙ୍କ୍ ହଟାଇ ଦିଆଯାଇଛି। ସେ ଚିନ୍ତା ପ୍ରକାଶ କରି କହିଛନ୍ତି ଯେ, ଜନସାଧାରଣଙ୍କ ନକଲି ଅନଲାଇନ୍ ପରିଚୟ ମାଧ୍ୟମରେ ଲୋକଙ୍କୁ ଠକି ଦିଆଯାଇପାରେ। ଉଲ୍ଲେଖନୀୟ ଯେ, ଐଶ୍ୱର୍ଯ୍ୟା ରାୟ ବଚ୍ଚନ ତାଙ୍କ ବ୍ୟକ୍ତିତ୍ୱ ଅଧିକାରକୁ ସୁରକ୍ଷା ଦେବା ପାଇଁ ସାହାଯ୍ୟ ଲୋଡିଛନ୍ତି। ପ୍ରକୃତରେ, ତାଙ୍କ ନାମ, ଫଟୋ ଏବଂ ସ୍ୱରକୁ ସୂଚନା ବିନା ପ୍ରଚାର କିମ୍ବା ବାଣିଜ୍ୟିକ ସାମଗ୍ରୀରେ ବ୍ୟବହାର କରାଯାଉଛି, ଯାହାକୁ ସେ ନିଷିଦ୍ଧ କରିବାକୁ ଚାହୁଁଛନ୍ତି। କୋର୍ଟ କହିଛନ୍ତି , ପ୍ରତ୍ୟେକ ଦୋଷୀଙ୍କ ବିରୁଦ୍ଧରେ ଏକ ନିର୍ଦ୍ଦେଶ ଜାରି କରାଯିବ। ଲୋକମାନେ ଐଶ୍ୱର୍ଯ୍ୟା ରାୟ ବଚ୍ଚନଙ୍କ ଏଆଇ ଜେନେରେଟେଡ୍ ଫଟୋ ତିଆରି କରୁଛନ୍ତି ଏବଂ ସେଗୁଡ଼ିକୁ ନିଜ ଲାଭ ପାଇଁ ବ୍ୟବହାର କରୁଛନ୍ତି।

ଐଶ୍ୱର୍ଯ୍ୟା ଅଭିଯୋଗ କରିଛନ୍ତି, ତାଙ୍କର ଏଆଇ ଜେନେରେଟେଡ୍ ଫଟୋଗୁଡ଼ିକୁ କଫି, ମଗ୍, ଟି-ସାର୍ଟ ଏବଂ ଅନ୍ୟାନ୍ୟ ଜିନିଷ ବିକ୍ରି କରିବା ପାଇଁ ବ୍ୟବହାର କରାଯାଉଛି। ତାଙ୍କର ଫଟୋଗୁଡ଼ିକୁ ମଧ୍ୟ ମର୍ଫ କରାଯାଉଛି ଏବଂ ଅଶ୍ଳୀଳ ଭିଡିଓରେ ବ୍ୟବହାର କରାଯାଉଛି। ଐଶ୍ୱର୍ଯ୍ୟା ରାୟ ବଚ୍ଚନଙ୍କ ଆଇନଜୀବୀ ପ୍ରବୀଣ ଆନନ୍ଦ ଏବଂ ଧ୍ରୁବ ଆନନ୍ଦ ଏହି ମାମଲାରେ ଏକ ମାମଲା ଦାଏର କରିଛନ୍ତି ଏବଂ କହିଛନ୍ତି ଯେ, ତାଙ୍କ ନାମ, ସ୍ୱର ଏବଂ ଭିଡିଓର ପ୍ରଚାର କରି ବ୍ୟକ୍ତିତ୍ୱ ଅଧିକାରର ଉଲ୍ଲଂଘନ କରାଯାଉଛି। ତାଙ୍କ ଫଟୋକୁ ଅଶ୍ଳୀଳ ଭିଡିଓରେ ମଧ୍ୟ ମର୍ଫ କରାଯାଉଛି। କୁହାଯାଉଛି, ଐଶ୍ୱର୍ଯ୍ୟା ରାୟ ବଚ୍ଚନଙ୍କ ନାମରେ ଟଙ୍କା ରୋଜଗାର କରାଯିବା ସହିତ ଫଟୋର ଅପବ୍ୟବହାର କରାଯାଉଛି।