Nisha Maharana / ଯାତ୍ରାରେ ଅଶ୍ଳୀଳ ନୃତ୍ୟ ପରିବେଷଣ ନେଇ ଛତିଶଗଡ଼ରେ ବଡ ଆକ୍ସନ
Key Points
କଠୋର କାର୍ଯ୍ୟାନୁଷ୍ଠାନ ସହ ଆସିବ କି SOP ?
ଯାତ୍ରାରେ ଅଶ୍ଳୀଳ ନୃତ୍ୟ ପରିବେଷଣ ନେଇ ଛତିଶଗଡ଼ରେ ବଡ଼ ଆକ୍ସନ । ଏଡିଏମଙ୍କୁ ବଦଳି, ୩ ପୋଲିସ କର୍ମଚାରୀ ନିଲମ୍ବିତ, ୧୪ କମିଟି ମେମ୍ବର ଗିରଫ । ଛତିଶଗଡ଼ ଭଳି ଏବେ ଓଡ଼ିଶାରେ ବନ୍ଦ ହେବ କି ଅଶ୍ଳୀଳ ଡ୍ୟାନ୍ସ ? ଆଇଟମ୍ ଡ୍ୟାନ୍ସରଙ୍କ ଉପରେ ଲାଗିବ କି ଅଙ୍କୁଶ ? ଆଇନମନ୍ତ୍ରୀ କହିଲେ, ନହେଉ ଅଶ୍ଲିଳ ନୃତ୍ୟ, ନହେଲେ ଭୋଗିବ ପରିଣାମ ।
ରଙ୍ଗାରଙ୍ଗ ଲାଇଟ୍, ଖଚାଖଚ୍ ଦର୍ଶକଙ୍କ ଭିଡ଼, ଆଉ ଯାତ୍ରା ଷ୍ଟେଜରେ ଆଇଟମ ଗର୍ଲଙ୍କ ଅଙ୍ଗ ପ୍ରଦର୍ଶନ । ଅଶ୍ଳୀଳ ନୃତ୍ୟରେ ପ୍ରାୟ ସମସ୍ତେ ମତୁଆଲା । ଯାତ୍ରାକୁ ମାଧ୍ୟମ କରି ପରିବେଷଣ କରାଯାଉଛି ଅଶ୍ଳୀଳ ନୃତ୍ୟ । ସାମାନ୍ୟ କେତୋଟି ଟଙ୍କା ପାଇଁ ଅନେକ ତଳ ସ୍ତରକୁ ଖସୁଛନ୍ତି ଯାତ୍ରା କମିଟି । ଆଇଟମ ଗର୍ଲଙ୍କୁ ଷ୍ଟେଜ ଉପରେ ଚଢାଇ ଅଶ୍ଳୀଳ ଦୃଶ୍ୟ ମାଧ୍ୟମରେ ଦର୍ଶକଙ୍କୁ ଏକାଠି କରାଇବା ସହ ରୋଜଗାର କରୁଛନ୍ତି ଟଙ୍କା । ଆଉ ନୃତ୍ୟ ନାମରେ ଲଙ୍ଗଳା ହୋଇ ଅଙ୍ଗ ପ୍ରଦର୍ଶନ କରୁଛନ୍ତି ।
ଛତିଶଗଡ଼ରେ ଯାତ୍ରା ପଡ଼ିଥିବା ବେଳେ ଷ୍ଟେଜରେ ଅଶ୍ଳୀଳ ନୃତ୍ୟ ପ୍ରଦର୍ଶନ କରିଥିଲେ ଆଇଟମ ଗାର୍ଲ ନିଶା ମହାରଣା । ଆଉ ଠିକ ଏହି ସମୟରେ ସେଠାରେ ଉପସ୍ଥିତ ଥାଇ ଭରପୁର ମଜା ନେଉଥିଲେ ଛତିଶଗଡ଼ ଗାରିଆବନ୍ଧ ଜିଲ୍ଲାର ଏଡିଏମଙ୍କ ସହ କିଛି ପୋଲିସ କର୍ମୀ । ଯାହାପରେ ସ୍ଥାନୀୟ ଜିଲ୍ଲା ପ୍ରଶାସନ ନେଇଛି କଡ଼ା ଆକ୍ସନ । ଏଡିଏମଙ୍କୁ ଅନ୍ୟତ୍ର ବଦଳି ସହ ୩ ପୋଲିସ କର୍ମୀଙ୍କୁ ନିଲମ୍ବନ କରାଯାଇଛି । ଏହାସହ ୧୪ କମିଟି ମେମ୍ବରଙ୍କୁ ଗିରଫ କରାଯାଇଛି ।
ଓଡ଼ିଆ କଳା ସଂସ୍କୃତିକୁ କଦର୍ଥ କରୁଥିବା ଏବଂ କଳା ପ୍ରତି ରୁଚି ରଖୁଥିବା ଲୋକମାନଙ୍କର ଭାବନାକୁ କୁଠାରଘାତ କରୁଛି ଏହି ଟ୍ରେଣ୍ଡ । ଦିନେ ଯାତ୍ରା, ଓଡ଼ିଆଙ୍କ ପରିଚୟ ହୋଇଥିଲା ବେଳେ ଏବେ ଶିକ୍ଷିତ ପରିବାର ଏପରି ଅଶ୍ଳୀଳତା ପାଇଁ ଯାତ୍ରାରୁ ମୁହଁ ଫେରାଉଛନ୍ତି । ସେପଟେ ଆଇନ ମନ୍ତ୍ରୀ କହିଛନ୍ତି ଏବେଠୁ ସଜାଗ ହୁଏ ।
ତେବେ ଛତିଶଗଡ଼ ଭଳି ଏବେ ଓଡ଼ିଶାରେ ବି ବନ୍ଦ ହେବ କି ଅଶ୍ଳୀଳ ଡ୍ୟାନ୍ସ ? ଆଗକୁ ଆଇଟମ୍ ଡ୍ୟାନ୍ସରଙ୍କ ଉପରେ ଲାଗିବ କି ଅଙ୍କୁଶ ? କଠୋର କାର୍ଯ୍ୟାନୁଷ୍ଠାନ ସହ ଆସିବ କି କିଛି SOP ? ଏସବୁ ଉପରେ ରହିବ ନଜର ।
📱 Get Argus News App
✨Related Topics
Explore more stories