ସୋସିଆଲ ମିଡିଆ ଇନଫ୍ଲ୍ୟୁନ୍ସର ତଥା ମେକଅପ୍ ଆର୍ଟିଷ୍ଟ ଆଦିତ୍ୟ ମଦିରାଜୁ ଏମିତି ଏକ ଭିଡିଓ ସୋସିଆଲ ମିଡିଆରେ ଶେୟାର କରିଛନ୍ତି । ଯେଉଁଥିରେ ବଲିଉଡ କୁଇନ ଐଶ୍‌ଙ୍କ ସହ ତାଙ୍କର ଏକ ସୁନ୍ଦର ମୁହୂର୍ତ୍ତର ଭିଡିଓ ଭାଇରାଲ ହେବାରେ ଲାଗିଛି ।

ବର୍ତ୍ତମାନ ପ୍ୟାରିସ ଫ୍ୟାଶନ ୱିକ୍‌ରେ ଐଶ୍ଵର୍ଯ୍ୟାଙ୍କ ଝଲକ ଦେଖିବାକୁ ମିଳୁଛି । ଅନେକ ସମୟରେ ଫ୍ୟାନମାନଙ୍କ ଦୃଷ୍ଟି ଆକର୍ଷଣ କରୁଛନ୍ତି ଐଶ୍ଵର୍ଯ୍ୟା । କେବଳ ନିଜର ଷ୍ଟନିଂ ଲୁକ୍ ପାଇଁ ନୁହେଁ, ବରଂ ତାଙ୍କର ସେହି ସେଟ୍‌ରେ ମଜାମସ୍ତି, ତାଙ୍କର ସୁନ୍ଦର ବ୍ୟବହାର ପାଇଁ ସେ ଅନେକ ସମୟରେ ଚର୍ଚ୍ଚାରେ ରହୁଛନ୍ତି । ତାଙ୍କର ସୁନ୍ଦର ସୁନ୍ଦର ଡ୍ରେସ ଡିଜାଇନ ସହ, ବ୍ୟାକ୍‌ଷ୍ଟେଜରେ ତାଙ୍କର ପ୍ରତିଟି ଛୋଟ ଛୋଟ ସୁନ୍ଦର ଭିଡିଓ ଯାହା ସୋସିଆଲ ମିଡିଆରେ ଘୂରିବୁଲୁଛି ।

ଏବେ ଆଉ ଏକ ଭିଡିଓ ଯାହାକୁ ଦର୍ଶକ ବେଶ ପସନ୍ଦ କରୁଛନ୍ତି । ଯେଉଁ ଭିଡିଓରେ ସୋସିଆଲ ମିଡିଆ ଇନଫ୍ଲ୍ୟୁନ୍ସର ତଥା ମେକଅପ୍ ଆର୍ଟିଷ୍ଟ ଆଦିତ୍ୟ ମଦିରାଜୁଙ୍କ ସହ ନଜର ଆସିଛନ୍ତି ଐଶ୍ । ଐଶ୍‌ଙ୍କୁ ଭେଟିବା ପରେ ସେ ନିଜର କିଛି ବ୍ୟକ୍ତିଗତ କଥା କହିଛନ୍ତି, ଯାହାକୁ ସେ ନିଜ ସୋସିଆଲ ମିଡିଆ ଆକାଉଣ୍ଟରେ ଶେୟାର କରିଛନ୍ତି ।

ଅଧିକ ପଢନ୍ତୁ : Billionaire Club / ଭାରତର ଧନୀ ନମ୍ବର ୧ ମୁକେଶ ଅମ୍ବାନୀ, ଶାହରୁଖଙ୍କ ନୂଆ ରେକର୍ଡ

ଆଦିତ୍ୟ କହିଛନ୍ତି, " ମୁଁ ଏବଂ ମୋର ସ୍ଵାମୀ ଏକାଠି ହୋଇ ପାରିଛୁ କେବଳ ଆପଣଙ୍କ ପାଇଁ । ଯାହାକୁ ନେଇ ଐଶ୍ଵର୍ଯ୍ୟ ଆଶ୍ଚର୍ଯ୍ୟ ହେବାବେଳେ ସେ କହିଛନ୍ତି, " ଯେତେବେଳେ ମୋ ସ୍ଵାମୀ ଏବଂ ମୁଁ ପ୍ରଥମେ ଡେଟ୍‌ରେ ଯାଇଥିଲୁ, ସେତେବେଳେ ଆମେ ୨ ଘଣ୍ଟା ସମୟ ବିତାଇଥିଲୁ । ଆଉ ସେତେବେଳେ ମୋ ସ୍ଵାମୀ କହିଥିଲେ, ତୁମେ ଐଶ୍ଵର୍ଯ୍ୟଙ୍କୁ ପସନ୍ଦ କର ବୋଲି ମୁଁ ତୁମକୁ ବିବାହ କରିବାକୁ ଇଚ୍ଛା କରୁଛି । ତାଙ୍କ ନାଁ ହେଉଛି ଅମିତ । ଆଉ ଆମ ଝିଅର ନାଁ ହେଉଛି । ତାକୁ ଅଢେଇ ବର୍ଷ । ହିବ୍ରୁ ଭାଷାରେ ୟାନାର ଅର୍ଥ ହେଉଛି ଈଶ୍ୱର ଦୟାଳୁ" । ଆହୁରି ମଧ୍ୟ ଆଦିତ୍ୟ କହିଥିଲେ, ତୁମକୁ ବ୍ୟକ୍ତିଗତ ଭାବରେ ଦେଖିବା ଏକ ସ୍ୱପ୍ନ ଥିଲା, ଏବଂ ତୁମେ ଆହୁରି ସୁନ୍ଦର ଦେଖାଯାଉଛ।

View this post on Instagram

A post shared by Aditya Madiraju (@adityamadiraju)

ଐଶ୍ ମଧ୍ୟ ଆଦିତ୍ୟଙ୍କୁ ଖୁସିରେ ହଗ୍ କରିଥିଲେ, ଆଉ ତାଙ୍କ ଝିଅକୁ ଆଶୀର୍ବାଦ ଦେବାସହ ତାଙ୍କୁ ଏବଂ ତାଙ୍କ ସ୍ଵାମୀକୁ ବହୁତ ବହୁତ ଭଲପାଇବା ବୋଲି କହିଥିଲେ ।
ତେବେ ପ୍ୟାରିସ ଫ୍ୟାଶନ ୱିକ୍‌ରେ ମନିଷ ମାଲହୋତ୍ରାଙ୍କ ସୁନ୍ଦର ଶେରୱାନୀ ଲୁକ୍‌ରେ ଚମକୁଥିଲେ ଐଶ୍ । ମନିଷ କହିଥିଲେ, ଏହି ପୋଷାକର ଡିଜାଇନ ଐତିହ୍ୟ କାମରେ ଆଧୁନିକତାର ସ୍ପର୍ଶ ଦିଆଯାଇଛି । ଯାହାର ସମ୍ପୁର୍ଣ୍ଣ ବିବରଣୀ ସେ ନିଜ ଇନଷ୍ଟାଗ୍ରାମ ଆକାଉଣ୍ଟରେ ଶେୟାର କରିଛନ୍ତି ।

Argus News | argus news | Odisha Latest News, Breaking News, Trending News, Live TV