ବଲିଉଡ ଅଭିନେତା ଅକ୍ଷୟ କୁମାର ମିଡିଆରେ ଏକ ଏଭଳି କଥା କହିଛନ୍ତି ଯାହାକୁ ଶୁଣିଲେ ଆପଣ ନିଶ୍ଚିତ ତାଜୁବ ହୋଇଯିବେ। ଅକ୍ଷୟ ତାଙ୍କ ଝିଅକୁ ନେଇ ଏକ ବଡ଼ ଖୁଲାସା କରିଛନ୍ତି। ସେ କହିଛନ୍ତି, ତାଙ୍କ ଝିଅ ଏକ ଅନଲାଇନ୍ ଭିଡିଓ ଗେମ୍ ଖେଳୁଥିବା ବେଳେ ଜଣେ ଅଜଣା ବ୍ୟକ୍ତି ତାଙ୍କୁ ନଗ୍ନ ଫଟୋ ପଠାଇବାକୁ ଅନୁରୋଧ କରିଥିଲା। ଏହି ଘଟଣା ଶୁଣି ଅକ୍ଷୟ ଅତ୍ୟନ୍ତ ଅଶାନ୍ତ ଓ ଚିନ୍ତିତ ହୋଇପଡ଼ିଥିଲେ। ଅକ୍ଷୟ କୁମାର କହିଛନ୍ତି, “ଆଜିକାଲି ଶିଶୁମାନେ ଅନଲାଇନ୍ ଗେମ୍ ଖେଳୁଛନ୍ତି। ଯେଉଁଠି ତାଙ୍କୁ ବାହାରୁ ଅଜଣା ଲୋକେ ସହଜରେ ଯୋଗାଯୋଗ କରିପାରନ୍ତି। ଏକ ଦିନ ମୋ ଝିଅ ଗେମ୍ ଖେଳୁଥିଲା, ହଠାତ୍ ସେ କାନ୍ଦିପକାଇ ଆସିଲା ଏବଂ କହିଲା ଯେ ଜଣେ ଲୋକେ ତାଙ୍କୁ ନଗ୍ନ ଫଟୋ ମାଗିଛନ୍ତି।”

ଏହି ଘଟଣା ପରେ ଅକ୍ଷୟ ତୁରନ୍ତ ସେହି ଗେମ୍ ଏବଂ ଆକାଉଣ୍ଟକୁ ବ୍ଲକ୍ କରିଦେଲେ ଏବଂ ସାଇବର ସିକ୍ୟୁରିଟି ବିଷୟରେ ଝିଅଙ୍କୁ ସଚେତନ କରିଲେ। ସେ ଅଭିଭାବକମାନଙ୍କୁ ଆହ୍ୱାନ କରି କହିଛନ୍ତି ଯେ, ଆପଣଙ୍କ ଶିଶୁ କଣ ଗେମ୍ ଖେଳୁଛନ୍ତି ଓ କାହା ସହ କଥା ହେଉଛନ୍ତି ତାହା ନିଜେ ନିଜେ ଦେଖନ୍ତୁ। ଅନଲାଇନ୍ ଲୋକମାନେ କେବେ ମଧ୍ୟ ସତ ବନ୍ଧୁ ନୁହନ୍ତି, ଅନେକେ ଦୁଷ୍ଟ ଉଦ୍ଦେଶ୍ୟ ନେଇ ଏପରି ଖେଳ ମାଧ୍ୟମରେ ଶିଶୁମାନଙ୍କ ସହ ଯୋଗାଯୋଗ କରନ୍ତି। ଅକ୍ଷୟ କୁମାର ଆଉ ମଧ୍ୟ କହିଛନ୍ତି, “ମୁଁ ସମସ୍ତ ଅଭିଭାବକଙ୍କୁ ଅନୁରୋଧ କରିବି ଯେ, ନିଜ ଶିଶୁଙ୍କ ସହ ସାଇବର ସୁରକ୍ଷା ବିଷୟରେ ଖୋଲା ଆଲୋଚନା କରନ୍ତୁ।

ସେମାନଙ୍କୁ ଜଣାନ୍ତୁ ଯେ ଅନଲାଇନ୍ ଦୁନିଆଁ ମଜା ଲାଗୁଥିଲେ ମଧ୍ୟ ଏଠି ବିପଦ ରହିଛି। ଏହି ଘଟଣା ସାମାଜିକ ମାଧ୍ୟମରେ ଭାଇରାଲ୍ ହେବା ପରେ ଅନେକ ଅଭିଭାବକ ମଧ୍ୟ ତାଙ୍କ ଅଭିଜ୍ଞତା ଶେୟର କରିଛନ୍ତି ଏବଂ ଶିଶୁ ସୁରକ୍ଷା ନେଇ ଚିନ୍ତା ବ୍ୟକ୍ତ କରିଛନ୍ତି।