ବଲିଉଡର ଖିଲାଡି କୁମାର, ଅକ୍ଷୟ କୁମାର କୋଟି କୋଟି ଟଙ୍କା ରୋଜଗାର କରନ୍ତି । ସେ ଗୋଟିଏ ଫିଲ୍ମ ପାଇଁ ମୋଟା ଅଙ୍କର ଟଙ୍କା ନିଅନ୍ତି । ପ୍ରତିବର୍ଷ ତାଙ୍କର ଅନେକ ଫିଲ୍ମ ରିଲିଜ୍ ହୁଏ, ଯାହା ଦ୍ୱାରା ସେ କୋଟି କୋଟି ଟଙ୍କା ରୋଜଗାର କରନ୍ତି । କିନ୍ତୁ ଆପଣ କ’ଣ ଜାଣନ୍ତି ଯେ ଖିଲାଡି କୁମାରଙ୍କ ପୁଅ କ’ଣ କରନ୍ତି ଏବଂ ସେ କେତେ ରୋଜଗାର କରନ୍ତି? ଏହି କଥା ଅଭିନେତା ନିଜେ ପ୍ରକାଶ କରିଛନ୍ତି ।

ଚାକଚକ୍ୟ ଭରା ଦୁନିଆ ମଧ୍ୟରେ ଏମିତି ଏକ କାହାଣୀ ସାମ୍ନାକୁ ଆସିଛି, ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛି। କୋଟି କୋଟି ଟଙ୍କାର ସମ୍ପତ୍ତି ଥାଇ ମଧ୍ୟ ଗ୍ଲାମର ଦୁନିଆରୁ ନିଜକୁ ଦୂରେଇ ରଖିଛନ୍ତି ଏହି ଷ୍ଟାର୍ କିଡ୍ । ସେ ଆଉ କେହି ନୁହଁନ୍ତି ସେ ହେଉଛନ୍ତି ଅକ୍ଷୟ କୁମାରଙ୍କ ପୁଅ ଆରଭ ।

ବଲିଉଡର 'ଖିଲାଡି' ଅକ୍ଷୟ କୁମାର ବର୍ତ୍ତମାନ ତାଙ୍କର ଆଗାମୀ ହରର୍-କମେଡି ଫିଲ୍ମ 'ଭୂତ ବଙ୍ଗଳା'କୁ ନେଇ ବେଶ୍ ଚର୍ଚ୍ଚାରେ ଅଛନ୍ତି । ନିଜର ଦୀର୍ଘ କ୍ୟାରିୟରରେ ଅକ୍ଷୟ ଅନେକ ଭିନ୍ନ ଭିନ୍ନ ଚରିତ୍ରରେ ଅଭିନୟ କରି ଦର୍ଶକଙ୍କ ମନ ଜିଣିଛନ୍ତି । କିନ୍ତୁ ବର୍ତ୍ତମାନ ଅକ୍ଷୟଙ୍କ ଠାରୁ ଅଧିକ ତାଙ୍କ ୨୩ ବର୍ଷର ପୁଅ ଆରଭ କୁମାରଙ୍କୁ ନେଇ ସୋସିଆଲ ମିଡିଆରେ ଚର୍ଚ୍ଚା ଜୋର ଧରିଛି । କାରଣ ହେଉଛି, ଜଣେ ସୁପରଷ୍ଟାରଙ୍କ ପୁଅ ହୋଇ ମଧ୍ୟ ଆରଭଙ୍କର ଅଭିନୟ ଦୁନିଆରେ କୌଣସି ରୁଚି ନାହିଁ ।

ନିକଟରେ ଏକ ପୋଡକାଷ୍ଟରେ ଅକ୍ଷୟ କୁମାର ନିଜ ପୁଅଙ୍କ ବ୍ୟକ୍ତିଗତ ଜୀବନ ଏବଂ କ୍ୟାରିୟର ବିଷୟରେ ଅନେକ ଆଶ୍ଚର୍ଯ୍ୟଜନକ ଖୁଲାସା କରିଛନ୍ତି । ଅକ୍ଷୟଙ୍କ କହିବା ଅନୁଯାୟୀ, ଆରଭ ଫିଲ୍ମ ଲାଇନରେ ନୁହେଁ ବରଂ ଫ୍ୟାଶନ ଦୁନିଆରେ ନିଜର ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିବାକୁ ଚାହୁଛନ୍ତି ।

ଅକ୍ଷୟ କୁମାର ନିଜର ଶୃଙ୍ଖଳିତ ଜୀବନଶୈଳୀ ପାଇଁ ଜଣାଶୁଣା । ଆଶ୍ଚର୍ଯ୍ୟର କଥା ହେଉଛି, ଆରଭ ମଧ୍ୟ ଠିକ୍ ତାଙ୍କ ପରି ଅନୁଶାସନ ପ୍ରିୟ । ସେ ନିଜର ଫିଟନେସ୍ ଏବଂ ଖାଦ୍ୟପେୟ ପ୍ରତି ବହୁତ ସଚେତନ । ଅକ୍ଷୟ କୁହନ୍ତି, "ଆମେ ଦୁହେଁ ପ୍ରାୟ ଏକାଭଳି । ସେ ମଧ୍ୟ ନିଜ ସ୍ୱାସ୍ଥ୍ୟର ବହୁତ ଯତ୍ନ ନିଏ । ସେ ଲମ୍ବା ଏବଂ ନିଜ କାମକୁ ନେଇ ବହୁତ ଫୋକସଡ୍ । ତାକୁ ପରିଶ୍ରମ କରିବାକୁ ଭଲ ଲାଗେ, କିନ୍ତୁ ଫିଲ୍ମରେ ଆସିବାକୁ ତାର ଜମାରୁ ଇଚ୍ଛା ନାହିଁ ।"

ଜଣେ ଷ୍ଟାର କିଡ୍ ହୋଇ ମଧ୍ୟ ଆରଭ ଯେଉଁଭଳି ଜୀବନ ବିତାଉଛନ୍ତି, ତାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ଅକ୍ଷୟ କହିଛନ୍ତି ଯେ, ଆରଭ ବର୍ତ୍ତମାନ ମାତ୍ର ୪୫୦୦ ଟଙ୍କା ଦରମାରେ ଏକ ଚାକିରି କରୁଛନ୍ତି । ସେ ଫ୍ୟାଶନ ଶିଖିବା ପାଇଁ ଗାଁ ଗାଁ ବୁଲୁଛନ୍ତି । ସେଠାରେ ବିଭିନ୍ନ ପ୍ରକାରର ପ୍ରିଣ୍ଟ୍, କପଡ଼ା ଏବଂ ପାରମ୍ପରିକ କାରୁକାର୍ଯ୍ୟ ବିଷୟରେ ଜ୍ଞାନ ଆହରଣ କରୁଛନ୍ତି । ଜଣେ ବଡ଼ ଅଭିନେତାଙ୍କ ପୁଅ ହୋଇ ମଧ୍ୟ ତୃଣମୂଳ ସ୍ତରରୁ କାମ ଶିଖିବା ଆରଭଙ୍କ ବଡ଼ପଣକୁ ଦର୍ଶାଉଛି ।

ଅକ୍ଷୟ କୁମାର ନିଜ ପୁଅକୁ କେବେବି ଅଭିନୟ ପାଇଁ ବାଧ୍ୟ କରିନାହାନ୍ତି । ସେ କୁହନ୍ତି, "ମୁଁ ତାକୁ ଅଧିକ ଲେକ୍ଚର ଦିଏ ନାହିଁ । କେବଳ ଏତିକି କହିଛି ଯେ, ଜୀବନରେ ଯାହା ବି କରୁଛ କର, କିନ୍ତୁ କେବେ କାହାର କ୍ଷତି କରିବ ନାହିଁ ।"

ସୂଚନାଯୋଗ୍ୟ ଯେ, ଅକ୍ଷୟ କୁମାର ଏବଂ ଟ୍ୱିଙ୍କଲ ଖାନ୍ନା ୨୦୦୧ରେ ବିବାହ କରିଥିଲେ ଏବଂ ୨୦୦୨ରେ ଆରଭଙ୍କ ଜନ୍ମ ହୋଇଥିଲା । ମାତ୍ର ୧୫ ବର୍ଷ ବୟସରୁ ଆରଭ ପାଠ ପଢିବା ପାଇଁ ବିଦେଶ ଚାଲିଯାଇଥିଲେ । ନିଜର ଚମତ୍କାର ଲୁକ୍ସ ପାଇଁ ଆରଭ ପ୍ରାୟତଃ ସୋସିଆଲ ମିଡିଆରେ ଚର୍ଚ୍ଚାରେ ରୁହନ୍ତି । ବଲିଉଡର ଚାକଚକ୍ୟ ଠାରୁ ଦୂରରେ ରହି ନିଜ ପାଇଁ ଏକ ଅଲଗା ବାଟ ବାଛିଥିବା ଆରଭ ଆଜିର ଯୁବପିଢ଼ିଙ୍କ ପାଇଁ ଏକ ଉଦାହରଣ ସାଜିଛନ୍ତି ।

ଆରଭ କଣ କରେ?
ଅକ୍ଷୟ କୁମାର ନିକଟରେ ତାଙ୍କ ପୁଅ ଆରବ ଭାଟିଆଙ୍କ ବିଷୟରେ ଏକ ଗୁରୁତ୍ୱପୂର୍ଣ୍ଣ ଖୁଲାସା କରିଛନ୍ତି। ଏକ ପଡକାଷ୍ଟରେ ସେ କହିଛନ୍ତି ଯେ ଆରବ ଫିଲ୍ମ ଇଣ୍ଡଷ୍ଟ୍ରିରେ ପ୍ରବେଶ କରିବାକୁ ଚାହାଁନ୍ତି ନାହିଁ ଏବଂ ଅଭିନୟରେ ଆଗ୍ରହୀ ନୁହଁନ୍ତି। ସେ ଆହୁରି ମଧ୍ୟ କହିଛନ୍ତି ଯେ ଆରବ ଫ୍ୟାଶନ୍ ଜଗତରେ ନିଜ ପାଇଁ ଏକ ନାମ କରିବାକୁ ଚାହାଁନ୍ତି । ତାଙ୍କ ପୁଅ ମଧ୍ୟ କାମ କରିବା ଆରମ୍ଭ କରିଛି। ଅଭିନେତା ପ୍ରକାଶ କରିଛନ୍ତି ଯେ ତାଙ୍କ ପୁଅ ଆରବ ବର୍ତ୍ତମାନ ୪,୫୦୦ ଦରମାରେ ଚାକିରି କରୁଛି । ସେ ବର୍ତ୍ତମାନ ମୌଳିକ ସ୍ତରରେ ଶିଖୁଛି ।