ଅର୍ଗସ ବ୍ୟୁରୋ: ଅନେକ ଫିଲ୍ମ ଫ୍ଲପ୍ ହେବା ପରେ ପୁଣି ପରଦାରେ ଜଲୱା ଦେଖାଇଛନ୍ତି ଅକ୍ଷୟ କୁମାର । ଚଳିତ ବର୍ଷ ଆରମ୍ଭରେ ଫିଲ୍ମ 'ସ୍କାଏ ଫୋର୍ସ' ସହ କମବ୍ୟାକ୍‌ କରିଛନ୍ତି ଅକ୍ଷୟ । ଏହି ଫିଲ୍ମ ଗଣତନ୍ତର ଦିବସ ଅବସରରେ ରିଲିଜ ହୋଇଛି । ଯାହା ଦର୍ଶକଙ୍କ ମନ ଜିତିବାରେ ଲାଗିଛି। ଅନେକ ଫ୍ଲପ୍‌ ହେବା ପରେ ଏହି ଫିଲ୍ମ ଅକ୍ଷୟଙ୍କ ପାଇଁ ସଫଳ ସାବ୍ୟସ୍ତ ହୋଇଛି । ଫିଲ୍ମଟି ବକ୍ସ ଅଫିସ୍‌ରେ ବମ୍ପର କଲେକ୍ସନ କରୁଛି । ରିଲିଜର ୩ଦିନରେ ଫିଲ୍ମ ୧୦୦ କୋଟି ପାଖାପାଖି ଆୟ କଲାଣି। ନିର୍ମାତାଙ୍କ ଅନୁଯାୟୀ, 'ସ୍କାଏ ଫୋର୍ସ' ବକ୍ସ ଅଫିସରେ ପ୍ରଥମ ୨ ଦିନରେ ଭଲ ପ୍ରଦର୍ଶନ କରିଛି । 'ସ୍କାଏ ଫୋର୍ସ' ପ୍ରଥମ ଶନିବାରରେ ୨୬.୩୦ କୋଟି ଟଙ୍କା ରୋଜଗାର କରିଥିଲା ।

ଦ୍ଵିତୀୟ ଦିନରେ ୪୨ କୋଟି ଟଙ୍କାର ବ୍ୟବସାୟ କରିଛି। ସେହିପରି ଫିଲ୍ମଟି ସମସ୍ତ ଭାଷାରେ ମୁକ୍ତିଲାଭ କରିଛି । ତୃତୀୟ ଦିନରେ ଭାରତରେ ପ୍ରାୟ ୩୧.୬୦ କୋଟି ଟଙ୍କା ରୋଜଗାର କରିଛି । ଫିଲ୍ମର ମୋଟ କଲେକ୍ସନ ୯୨.୯୦ କୋଟି ଟଙ୍କା ହୋଇଛି । ଏହିପରି ଫିଲ୍ମ ଅକ୍ଷୟଙ୍କ ୨୦୨୨ରେ ରିଲିଜ କରିଥିବା ପୂର୍ବ ଫିଲ୍ମ 'ସୂର୍ଯ୍ୟବଂଶୀ'କୁ ପଛରେ ପକାଇଛି । ସ୍କାଏ ଫୋର୍ସ' ବିଷୟରେ କହିବାକୁ ଗଲେ, ଏହା ଏକ ଦେଶ ଭକ୍ତି ଆକ୍ସନ ଡ୍ରାମା ଚଳଚ୍ଚିତ୍ର। ଯାହା ୧୯୬୫ ମସିହାରେ ଭାରତ-ପାକିସ୍ତାନ ବିମାନ ଯୁଦ୍ଧରେ ପାକିସ୍ତାନର ସରଗୋଧା ଏୟାରବେସ୍ ଉପରେ ଭାରତର ଆକ୍ରମଣ ଉପରେ ଆଧାରିତ। ଯାହା ଭାରତର ପ୍ରଥମ ବିମାନ ଆକ୍ରମଣ ଥିଲା । ଫିଲ୍ମରେ ଅକ୍ଷୟ କୁମାର ଏବଂ ବୀର ପହରିଆ ଗୁରୁତ୍ୱପୂର୍ଣ୍ଣ ଭୂମିକାରେ ଅଛନ୍ତି । 'ସ୍କାଏ ଫୋର୍ସ' ହେଉଛି ବୀର ପହରିଆଙ୍କ ପ୍ରଥମ ଫିଲ୍ମ । ସାରା ଅଲି ଖାନ ଏବଂ ନିମ୍ରତ କୌର ମୁଖ୍ୟ ଅଭିନେତ୍ରୀ ଭୂମିକାରେ ରହିଛନ୍ତି ।