ସାଉଥ ଷ୍ଟାର ଅଲ୍ଲୁ ଅର୍ଜୁନଙ୍କ ଆଖିରେ ଲୁହ। ତାଙ୍କ ପରିବାରରେ ଦୁଃଖର ଲହରୀ ଖେଳିଯାଇଛି। ଦୁନିଆକୁ ଅଲବିଦା କହିଛନ୍ତି ଅଲ୍ଲୁ ଅର୍ଜୁନଙ୍କ ଜେଜେମା'। ମୃତ୍ୟୁ ବେଳକୁ ତାଙ୍କୁ ୯୪ ବର୍ଷ ହୋଇଥିଲା । କନକରତ୍ନମ ଅଲ୍ଲୁ ଅର୍ଜୁନଙ୍କ ବାପାଙ୍କ ମାଆ ଓ ରାମ ଚରଣଙ୍କ ମାଆଙ୍କ ମାଆ ଅଟନ୍ତି । ତେବେ ତାଙ୍କ ଦେହାନ୍ତରେ ଉଭୟ ପରିବାରରେ ଶୋକର ଛାୟା ଖେଳିଯାଇଛି । ବୟସ ଜନିତ ରୋଗରେ ପୀଡ଼ିତ ଥିବା ବେଳେ ଚଳିତ ମାର୍ଚ୍ଚ ମାସରେ କନକରତ୍ନମଙ୍କୁ ହାଇଦ୍ରାବାଦରେ ହସ୍ପିଟାଲରେ ଭର୍ତ୍ତି କରାଯାଇଥିଲା। ଚିକିତ୍ସାଧୀନ ଅବସ୍ଥାରେ ସେ ନିଜ ଘରେ ଦୁନିଆକୁ ଅଲବିଦା କହିଛନ୍ତି ।

କହିବାକୁ ଗଲେ ଦୁଇ ବର୍ଷ ପୂର୍ବେ, ଅଲ୍ଲୁ ରାମଲିଙ୍ଗାୟଙ୍କ ୧୦୦ ବର୍ଷର ଐତିହ୍ୟକୁ ସ୍ମରଣ କରିବା ପାଇଁ ଏକ କାର୍ଯ୍ୟକ୍ରମରେ, ତାଙ୍କୁ ହ୍ୱିଲଚେୟାରରେ ବସି ମଞ୍ଚ ଉପରକୁ ଅଣାଯାଉଥିବାର ଦେଖାଯାଇଥିଲା । ଯାହାର ଭିଡିଓ ସୋସିଆଲ ମିଡିଆରେ ବେଶ୍‌ ଭାଇରାଲ ହୋଇଥିଲା । କନକରତ୍ନମଙ୍କ ଦେହାନ୍ତ ଖବର ଆସିବା ହେବା ମାତ୍ରେ, ଅଲ୍ଲୁ ଅର୍ଜୁନଙ୍କ ମାମୁଁ ଚିରଞ୍ଜିବୀଙ୍କ ସମେତ ଅନ୍ୟ କଳାକାର ସଦସ୍ୟମାନେ ଅଲ୍ଲୁଙ୍କ ଘରେ ପହଞ୍ଚିଛନ୍ତି ।

ସେପଟେ ଅଭିନେତା ଅଲ୍ଲୁ ଅର୍ଜୁନ ଏବଂ ରାମ ଚରଣ ଉଭୟେ ନିଜ ପରିବାର ସହ ରହିବା ପାଇଁ ସେମାନଙ୍କର ଫିଲ୍ମ ସୁଟିଂକୁ ବନ୍ଦ ରଖିଛନ୍ତି । ଶନିବାର ଭୋର ସମୟରେ ତାଙ୍କ ବାସଭବନରେ ଶେଷ ନିଃଶ୍ୱାସ ତ୍ୟାଗ କରିଛନ୍ତି ଅଲ୍ଲୁଙ୍କ ଜେଜେମାଆ।