ବାହା ହେବା ପୂର୍ବରୁ ଏମିତି ସର୍ତ୍ତ ରଖିଥିଲେ ଅମିତାଭ
ସର୍ତ୍ତ ମୁତାବକ ହୋଇଥିଲା ବାହାଘର
ସାମ୍ନାକୁ ଆସିଲା ଅମିତାଭ ଜୟାଙ୍କ ବିବାହ ପୂର୍ବର ସର୍ତ୍ତ

ବିବାହ ପୂର୍ବରୁ କିଛି ଉଭୟଙ୍କ ମଧ୍ୟରେ ହୋଇଥିଲା ସର୍ତ୍ତ । ଆଉ ସର୍ତ୍ତକୁ ମାନି ବିବାହ କରିଥିଲେ ଅମିତାଭ ଏବଂ ଜୟା ।

ବଲିଉଡଠୁ ନେଇ ଟଲିଉଡ ଷ୍ଟାର, ଏବଂ ନାମୀ କ୍ରିକେଟରଙ୍କ ଫେମସ୍ ଯୋଡି ଭାଙ୍ଗିବାରେ ଲାଗିଛି । ବିବାହକୁ ନେଇ ଯେତିକି ଚର୍ଚ୍ଚା ହେଉନଥିଲା ବିଚ୍ଛେଦକୁ ନେଇ ତାଠାରୁ ଅଧିକ ଆଲୋଚନା ହେଉଛି । ବିବାହ , ବିଚ୍ଛେଦ ଭିତରେ ଆଜି ବି ଏଭରଗ୍ରୀନ ବିଗ୍‌ ବି ଆଉ ଜୟାଙ୍କ ଯୋଡି । ବିବାହର ୫ ଦଶନ୍ଧି ପରେ ବି ସେଇ ପ୍ରେମ ଅଛି ଖାଲି, ବୟସ ବଦଳିଛି ।

ବଲିଉଡର ହିଟ୍ ଏବଂ ଫେମସ ଯୋଡି କହିଲେ ସାମ୍ନାକୁ ଚାଲିଆସେ ସେହି ୭୦ ଦଶକର ଯୋଡି ବିଗ୍ ବି ଅମିତାଭ ବଚନ ଏବଂ ଜୟା ବଚନଙ୍କ ଛବି । ରିଲ୍ ଲାଇଫରେ ହିଟ୍ ଯୋଡି ଭାବେ ଫେମସ ହେବାପରେ ରିୟଲ ଲାଇଫରେ ସାରା ଜୀବନ ପରସ୍ପରର ହାତ ଧରିବାକୁ ନିଷ୍ପତ୍ତି ନେଇଥିଲେ । ଯଦିଓ ଏହି ପ୍ରେମ କାହାଣୀ ତ୍ରିକୋଣୀୟ ପ୍ରେମ କାହାଣୀ ଭାବେ ମଧ୍ୟ ଚର୍ଚ୍ଚା ହୋଇଥିଲା, କିନ୍ତୁ ସବୁ ଚର୍ଚ୍ଚା ଭିତରେ ବି ଅମିତାଭ ଜୟାଙ୍କ ଭଲପାଇବା ସମସ୍ତଙ୍କ ମୁହଁ ବନ୍ଦ କରି ଦେଇଥିଲା ।

୩ ଜୁନ ୧୯୭୩ରେ ଉଭୟ ବିବାହ ବନ୍ଧନରେ ବାନ୍ଧି ହୋଇଥିଲେ । ବିବାହକୁ ୫୨ ବର୍ଷ ବିତିଲାଣି । କିନ୍ତୁ ଏବେ ଏମିତି କିଛି ଖବର ଉଭୟ ବିବାହକୁ ନେଇ ଚର୍ଚ୍ଚାକୁ ଆସିଛି । ବିବାହ ପୂର୍ବରୁ ଅମିତାଭ ଜୟାଙ୍କ ପାଖରେ କିଛି ସର୍ତ୍ତ ରଖିଥିଲେ । ଯେଉଁ ସର୍ତ୍ତ ମୁତାବକ ଉଭୟ ବିବାହ କରିବା ପାଇଁ ନିଷ୍ପତ୍ତି ନେଇଥିଲେ ।

ଅମିତାଭ ବଚ୍ଚନ ଜୟାଙ୍କୁ କହିଥିଲେ, ସେ ଚାହାନ୍ତିନି, ସେ ଏମିତି ସ୍ତ୍ରୀ ଚାହାନ୍ତିନି, ଯିଏ ବିବାହ ପରେ ସବୁଦିନ ବାହାରେ କାମ କରୁଥିବା । ୯ରୁ ୫ ପ୍ରତିଦିନ କାମ କରୁଥିବା ସ୍ତ୍ରୀ ମୁଁ ଚାହେଁନି। ତୁମେ କାମ କର, କିନ୍ତୁ ପ୍ରତିଦିନ ନୁହେଁ । ନିଜ ପାଇଁ କେଉଁ ପ୍ରୋଜେକ୍ଟ ଠିକ ସେହି ପ୍ରୋଜେକ୍ଟରେ ହିଁ କାମ କର । ଏହି ସର୍ତ୍ତ ଅମିତାଭ ଜୟାଙ୍କ ସାମ୍ନାରେ ରଖିଥିଲେ । ଆଉ ଜୟା ଏହି ସର୍ତ୍ତରେ ରାଜି ହୋଇଥିଲେ ।

ଭଭୟଙ୍କର ପ୍ରଥମ ଫିଲ୍ମ ଥିଲା ବଂଶୀ ବୀର୍ଜୁ । ଜୟା କୁହନ୍ତି, ସେପ୍ରଥମରୁ ହିଁ ଅମିତାଭଙ୍କୁ ପସନ୍ଦ କରୁଥିଲେ । କାରଣ ସେ ହରିବଂଶ ରାୟ ବଚ୍ଚନଙ୍କ ପୁଅ ଥିଲେ । ଜୟାଙ୍କ ସାଙ୍ଗମାନେ ଅମିତାଭଙ୍କ ନାଁ ରେ ତାଙ୍କୁ ଲମ୍ବୁ ଲମ୍ବୁ କହି ଚିଡାଉଥିବା ମଧ୍ୟ କହିଥିଲେ ଜୟା । ଜଞ୍ଜୀର ଫିଲ୍ମରେ ଉଭୟଙ୍କ ସଫଳତା ପରେ ପରସ୍ପର ମଧ୍ୟ ପରସ୍ପର ସହ ରହିବାକୁ ପସନ୍ଦ କରିଥିଲେ । ଆଉ ସେଇଠୁ ଆରମ୍ଭ ହୋଇଥିଲା ଦୁହିଁଙ୍କ ପ୍ରେମ କାହାଣୀ ।

ଅମିତାଭଙ୍କୁ ଏମିତି ଝିଅ ପସନ୍ଦ ଥିଲେ, ଯିଏ ପ୍ରାଚୀନ ପରମ୍ପରା ସହ ଆଧୁନିକତାକୁ ମଧ୍ୟ ପ୍ରାଧାନ୍ୟ ଦେଉଥିବେ । ଆଉ ଠିକ ସେମିତି ଝିଅ ଜୟା ଥିଲେ । ଉଭୟଙ୍କ ବିବାହ ପରେ ଜୟା ଖୁବ ଅଳ୍ପ ଫିଲ୍ମରେ ନଜର ଆସିଥିଲେ । ବିଶେଷ ଭାବେ ନିଜର ଦୁଇଟି ପିଲା ଅଭିଶେକ ଏବଂ ଶ୍ବେତା ଜନ୍ମ ହେବାପରେ ସେ ହାତଗଣତି କେତୋଟି ଫିଲ୍ମରେ ନଜର ଆସିଥିଲେ । ଅମିତାଭ ଏବଂ ଜୟା ପରସ୍ପରକୁ ଖୁବ ଭଲ ପାଉଥିବା ସହ ପରସ୍ପରର ଇଚ୍ଛାକୁ ସମ୍ମାନ ଦେଇଥାନ୍ତି । ଯେଉଁଥିପାଇଁ ବିବାହର ୫ ଦଶନ୍ଧି ପରେ ଆଜି ବି ତାଙ୍କର ସମ୍ପର୍କରେ ଟିକେ ହେଲେ ବି ମଳିନତା ନଜର ଆସେନି । ଆଜିର ଯୁବପିଢୀ ସେମାନଙ୍କ ନିଶ୍ଚିତ ଏହି କଥା ଶିଖିବା ଦରକାର ।