କିଏ ଏହି ଅନୀତା ଆଡଭାନୀ । ଯାହାଙ୍କୁ ନେଇ ଏତେ ଚର୍ଚ୍ଚା କାହିଁକି ? କାହିଁକି ତାଙ୍କ ଆବେଦନକୁ ଖାରଜ କରିଛନ୍ତି ହାଇକୋର୍ଟ। ବମ୍ବେ ହାଇକୋର୍ଟ ଅନୀତା ଆଡଭାନୀଙ୍କ ଆବେଦନକୁ ଖାରଜ କରିଦେଇଛନ୍ତି। ଯେଉଁଥିରେ ସେ ଦିବଂଗତ ଷ୍ଟାର ରାଜେଶ ଖାନ୍ନାଙ୍କ ସହ ତାଙ୍କ ସମ୍ପର୍କକୁ ବିବାହ ଭାବରେ ମାନ୍ୟତା ଦେବାକୁ ଦାବି କରିଥିଲେ। ଅନୀତା କହିଥିଲେ ଯେ ତାଙ୍କ ପିତାଙ୍କ କାମ ଥିଲା ଚଳଚ୍ଚିତ୍ରରେ ଟଙ୍କା ନିବେଶ କରିବା। ଏହି ସମୟ ମଧ୍ୟରେ ସେ ପ୍ରଥମେ ରାଜେଶ ଖାନ୍ନାଙ୍କୁ ଭେଟିଥିଲେ। ଧୀରେ ଧୀରେ, ସେମାନଙ୍କ ସମ୍ପର୍କ ଗଭୀର ହୋଇଥିଲା। ପ୍ରାରମ୍ଭରେ, ଅନିତା କେବଳ ଜଣେ ପ୍ରଶଂସକ ଭାବରେ ରାଜେଶଙ୍କୁ ଭେଟିଥିଲେ, କିନ୍ତୁ ଶେଷରେ, ଦୁହେଁ ପ୍ରେମରେ ପଡ଼ିଗଲେ।



ଅନୀତା କହିଥିଲେ ଯେ ଗୋଟିଏ ସମୟରେ ସେମାନଙ୍କ ମଧ୍ୟରେ ଏକ ଛୋଟ ମତଭେଦ ସୃଷ୍ଟି ହୋଇଥିଲା, ଯାହା ସେମାନଙ୍କୁ ଅଲଗା କରିଥିଲା। ପରବର୍ତ୍ତୀ ସମୟରେ, ରାଜେଶ ଡିମ୍ପଲ କପାଡିଆଙ୍କୁ ବିବାହ କରିଥିଲେ। କିନ୍ତୁ, ଯେତେବେଳେ ଡିମ୍ପଲ ଏବଂ ରାଜେଶ ଖାନ୍ନା ଅଲଗା ହୋଇଗଲେ, ଅନିତା ଆଡଭାନୀ ତାଙ୍କ ଜୀବନରେ ପୁନର୍ବାର ଏଣ୍ଟ୍ରି କରିଥିଲେ। ୨୦୧୨ ମସିହାରୁ ଅନୀତା ଆଡଭାନୀ ଏବଂ ରାଜେଶ ଖାନ୍ନାଙ୍କ ପରିବାର ମଧ୍ୟରେ ଏକ ଆଇନଗତ ଲଢ଼େଇ ଚାଲିଛି। ସେହି ସମୟରେ, ଅନେକ ସାକ୍ଷାତକାରରେ, ଅନୀତା ଆଡଭାନୀ ଦାବି କରିଥିଲେ ଯେ ସେ ରାଜେଶ ଖାନ୍ନାଙ୍କ ସହିତ ତାଙ୍କ ବଙ୍ଗଳା 'ଆଶୀର୍ବାଦ'ରେ ଅନେକ ବର୍ଷ ଧରି ତାଙ୍କର ଲିଭ୍-ଇନ୍ ପାର୍ଟନର ଭାବରେ ରହୁଥିଲେ। ତେବେ ଆସନ୍ତୁ ଜାଣିବା ଅନୀତା ଆଡଭାନୀ କିଏ ? କିଛି ମାସ ପୂର୍ବରୁ ସେ ଦାବି କରିଥିଲେ ଯେ ରାଜେଶ ଖାନ୍ନା ତାଙ୍କ ଘରେ ଥିବା ମନ୍ଦିରରେ ସିକ୍ରେଟଲି ତାଙ୍କୁ ବିବାହ କରିଥିଲେ।

ଅନୀତା ଆଡଭାନୀ କିଏ?

ଅନୀତା ଆଡଭାନୀ ୧୯୮୦ ଦଶକର ଜଣେ ଅଭିନେତ୍ରୀ। ସେ ଆଓ ପ୍ୟାର କରେ, ସାଜିଶ ଏବଂ ଦାସି ଭଳି ଚଳଚ୍ଚିତ୍ରରେ ଅଭିନୟ କରିଥିଲେ। ତାଙ୍କ କ୍ୟାରିଅର କିମ୍ବା ଚଳଚ୍ଚିତ୍ର ଅପେକ୍ଷା ଅଧିକ ଚର୍ଚ୍ଚା ଥିଲା ରାଜେଶଙ୍କ ସହ ସମ୍ପର୍କ । ସେ ବିଗ୍ ବସ୍-୭ରେ ମଧ୍ୟ ନଜର ଆସିଥିଲେ। ଯେଉଁଠାରେ ସେ ରାଜେଶ ଖାନ୍ନାଙ୍କ ସହିତ ତାଙ୍କ ସମ୍ପର୍କ ବିଷୟରେ କହିଥିଲେ। ଏକ ସାକ୍ଷାତକାରରେ ଅନୀତା ଦାବି କରିଥିଲେ ଯେ ସେ ଏବଂ ରାଜେଶ ଲୁଚିଛପି ବିବାହ କରିଥିଲେ। ତା’ପରେ ସେ ତାଙ୍କ ସହିତ ତାଙ୍କ ବଙ୍ଗଳାରେ ଲିଭ-ଇନ୍ ପାର୍ଟନର ଭାବରେ ରହୁଥିଲେ। ରାଜେଶ ଖାନ୍ନା ୧୯୭୩ ମସିହାରେ ଡିମ୍ପଲ କପାଡିଆଙ୍କୁ ବିବାହ କରିଥିଲେ, କିନ୍ତୁ କିଛି ବର୍ଷ ପରେ ଏହି ଦମ୍ପତି ଅଲଗା ହୋଇ ଯାଇଥିଲେ। ହେଲେ ସେମାନେ ଛାଡପତ୍ର ଦେଇ ନଥିଲେ। ଏହି ସମୟରେ ଅନୀତା ଆଡଭାନୀ ରାଜେଶଙ୍କ ଜୀବନରେ ଏଣ୍ଟ୍ରି କରିଥିଲେ। ରିପୋର୍ଟ ଅନୁଯାୟୀ, ରାଜେଶ ଏବଂ ଅନିତା ୨୦୦୪ ମସିହାରେ ଏକାଠି ରହିବା ଆରମ୍ଭ କରିଥିଲେ ଏବଂ ୨୦୧୨ ମସିହାରେ ଅଭିନେତାଙ୍କ ମୃତ୍ୟୁ ପର୍ଯ୍ୟନ୍ତ ସେମାନଙ୍କର ସମ୍ପର୍କ ସ୍ଥାୟୀ ଥିଲା।



ଏକ ସାକ୍ଷାତକାରରେ, ଅନୀତା ଆଡଭାନୀ ଦାବି କରିଥିଲେ ଯେ ରାଜେଶ ଖାନ୍ନା ତାଙ୍କ ପାଇଁ ସୁନା ଚୁଡ଼ି ତିଆରି କରିଥିଲେ ଏବଂ ତାଙ୍କୁ ଘର ମନ୍ଦିରରେ ବିବାହ କରିଥିଲେ। ଅନୀତାଙ୍କ ଅନୁସାରେ, ସିନ୍ଦୁର ଲଗାଇବା ପରେ, ରାଜେଶ ତାଙ୍କୁ କହିଥିଲେ, ଆଜିଠାରୁ, ତୁମେ ମୋର ଦାୟିତ୍ୱ।ଅନିତା ଏହା ମଧ୍ୟ ପ୍ରକାଶ କରିଥିଲେ ଯେ ୨୦୦୦ ମସିହାରେ ଯେତେବେଳେ ରାଜେଶଙ୍କୁ କର୍କଟ ରୋଗ ହୋଇଥିଲା, ସେତେବେଳେ ସେ ତାଙ୍କ ସହିତ ତାଙ୍କ ବଙ୍ଗଳା 'ଆଶୀର୍ବାଦ'ରେ ଥିଲେ। ରାଜେଶଙ୍କ ପରିବାର ମଧ୍ୟ ଭଲ ଭାବରେ ଜାଣିଥିଲେ ଯେ ସେମାନେ ଦୁହେଁ ଏକାଠି ରହୁଛନ୍ତି। ଯାହା ଡିମ୍ପଲ କପାଡିଆ, ଅକ୍ଷୟ କୁମାର ଏବଂ ଟ୍ୱିଙ୍କଲ ଖାନାଙ୍କ ପାଇଁ ଗୁରୁତ୍ୱପୂର୍ଣ୍ଣ ଆଶ୍ୱସ୍ତି ଆଣିଛି। ଏହା ଉଲ୍ଲେଖନୀୟ ଯେ ଅନିତା ବହୁ ବର୍ଷ ଧରି ରାଜେଶଙ୍କ ପାର୍ଟନର ଭାବରେ ରହୁଥିବାର ଦାବି କରିଥିଲେ। ଏହି ଆଧାରରେ ସେ ରାଜେଶଙ୍କ ସମ୍ପତ୍ତିରେ ଅଂଶ ଏବଂ ତାଙ୍କ ଘରେ ରହିବାରକୁ ଚାହୁଁଥିଲେ ।

ଅନୀତା ଆଡଭାନୀଙ୍କ ଆବେଦନ ଖାରଜ:

ବୁଧବାର ଦିନ, ବିଚାରପତି ଶର୍ମିଲା ଦେଶମୁଖ ଦିଣ୍ଡୋଶୀ କୋର୍ଟ ଦ୍ୱାରା ପ୍ରଦାନ କରାଯାଇଥିବା ଏକ ପୂର୍ବ ରାୟକୁ ସମର୍ଥନ କରିଥିଲେ ଏବଂ ଅନୀତା ଆଡଭାନୀଙ୍କ ଆବେଦନକୁ ଖାରଜ କରିଥିଲେ। ବାର ଆଣ୍ଡ ବେଞ୍ଚ ଅନୁଯାୟୀ, ଅନୀତା ଆଡଭାନୀ ୨୦୧୭ ମସିହାରେ ଦିଣ୍ଡୋଶୀ କୋର୍ଟ ଦ୍ୱାରା ଦିଆଯାଇଥିବା ରାୟ ବିରୁଦ୍ଧରେ ବମ୍ବେ ହାଇକୋର୍ଟରେ ଆବେଦନ କରିଥିଲେ। ସେତେବେଳେ ଅନୀତାଙ୍କ ଦ୍ୱାରା ଦାୟର କରାଯାଇଥିବା ମାମଲାକୁ ବୈଷୟିକ ଆଧାରରେ କୋର୍ଟ ଖାରଜ କରିଦେଇଥିଲେ। ପରବର୍ତ୍ତୀ ସମୟରେ, ବୁଧବାର ୧ ଏପ୍ରିଲରେ, ବମ୍ବେ ହାଇକୋର୍ଟ ଡିମ୍ପଲ କପାଡିଆ ଏବଂ ଅକ୍ଷୟ କୁମାରଙ୍କ ପ୍ରତିନିଧିତ୍ୱ କରୁଥିବା ଓକିଲମାନଙ୍କ ଯୁକ୍ତି ଶୁଣି ଅନୀତା ଆଡଭାନୀଙ୍କ ଆବେଦନକୁ ଖାରଜ କରିଦେଇଥିଲେ।

ଏଥିସହ ପଢ଼ନ୍ତୁ: ବସ୍ତିରେ ଜନ୍ମ: ରହୁଛନ୍ତି ବିଳାସପୂର୍ଣ୍ଣ ଘରେ, କେମିତି ହେଲେ କୋଟି କୋଟି ସମ୍ପତ୍ତିର ମାଲିକ ?

ଅନୀତା ଖାନ୍ନାଙ୍କ ପରିବାର ବିରୁଦ୍ଧରେ ଏକାଧିକ ମାମଲା ଦାୟର କରିଥିଲେ। ସେ ଡିମ୍ପଲ କପାଡିଆ, ଅକ୍ଷୟ କୁମାର ଏବଂ ଟ୍ୱିଙ୍କଲ୍ ଖାନ୍ନାଙ୍କ ବିରୁଦ୍ଧରେ ଘରୋଇ ହିଂସାର ଅଭିଯୋଗ ମଧ୍ୟ ଦାୟର କରିଥିଲେ। ଏହା ବ୍ୟତୀତ ସେ ଅଭିଯୋଗ କରିଥିଲେ ଯେ ରାଜେଶଙ୍କ ମୃତ୍ୟୁ ପରେ, ତିନିଜଣ ତାଙ୍କୁ ବଙ୍ଗଳାରୁ ବାହାର କରିଦେଇଥିଲେ। ହାଇକୋର୍ଟ ଘରୋଇ ହିଂସା ମାମଲାକୁ ରଦ୍ଦ କରିଦେଇଥିଲେ। ହେଲେ ୨୦୧୫ ମସିହାରେ ବମ୍ବେ ହାଇକୋର୍ଟ ଡିମ୍ପଲ କପାଡିଆ, ଟ୍ୱିଙ୍କଲ ଏବଂ ଅକ୍ଷୟ କୁମାରଙ୍କ ବିରୁଦ୍ଧରେ ଆରମ୍ଭ ହୋଇଥିବା ଘରୋଇ ହିଂସା ମାମଲାକୁ ରଦ୍ଦ କରିଦେଇଥିଲେ। ବର୍ତ୍ତମାନ କୋର୍ଟ ରାଜେଶ ଖାନାଙ୍କ ସହିତ ଅନୀତା ଆଡଭାନୀଙ୍କ ସମ୍ପର୍କକୁ ବିବାହ ଭାବରେ ମାନ୍ୟତା ଦେବାକୁ ମଧ୍ୟ ମନା କରିଦେଇଛନ୍ତି।

ଅଧିକ ପଢ଼ନ୍ତୁ ମନୋରଞ୍ଜନ ଖବର: