ବଲିଉଡ ଅଭିନେତ୍ରୀ ଅନୁଷ୍କା ଶର୍ମା ଗତ ୭ ବର୍ଷ ଧରି ବଡ଼ ପରଦାରୁ ଦୂରରେ ଅଛନ୍ତି। ଚଳଚ୍ଚିତ୍ର ସହିତ ସେ ନିଜକୁ ଲାଇମଲାଇଟ୍‌ରୁ ମଧ୍ୟ ଦୂରରେ ରଖିଛନ୍ତି। ସେ ତାଙ୍କ ସ୍ବାମୀ ବିରାଟ କୋହଲି ଏବଂ ସେମାନଙ୍କ ପିଲାମାନଙ୍କ ସହିତ ଲଣ୍ଡନରେ ସୁଖୀ ଜୀବନ ବିତାଉଛନ୍ତି। ଅନୁଷ୍କା ସୋସିଆଲ ମିଡିଆରେ ମଧ୍ୟ କମ ସକ୍ରିୟ। ସେ ତାଙ୍କ ପିଲାମାନଙ୍କୁ ଗଣମାଧ୍ୟମଠାରୁ ଦୂରରେ ରଖନ୍ତି ଏବଂ ସେମାନଙ୍କ ଫଟୋ ଶେୟାର କରନ୍ତି ନାହିଁ। ଅବଶ୍ୟ ସେ ବେଳେବେଳେ ନିଜ ଭାବନା ଶେୟାର କରନ୍ତି। ନିକଟରେ ଅନୁଷ୍କା ତାଙ୍କ ଝିଅ ଭାମିକା କୋହଲିଙ୍କ ଜନ୍ମଦିନରେ ଏକ ଭାବବିହ୍ବଳ ପୋଷ୍ଟ ଶେୟାର କରିଛନ୍ତି।

୧୧ ଜାନୁଆରୀରେ ଭାମିକା ପାଞ୍ଚ ବର୍ଷରେ ପଦାର୍ପଣ କରିଛନ୍ତି। ଝିଅର ଜନ୍ମଦିନରେ ଅନୁଷ୍କା ତାଙ୍କ ଇନଷ୍ଟାଗ୍ରାମ ଷ୍ଟୋରୀରେ ଏକ ପୋଷ୍ଟ ଶେୟାର କରି କହିଛନ୍ତି, ମା’ ହେବା ଗୁରୁତ୍ୱପୂର୍ଣ୍ଣ ଉପାୟରେ ଜଣଙ୍କୁ ପରିବର୍ତ୍ତନ କରିଦିଏ। ଝିଅ ପାଇଁ ଅଭିନେତ୍ରୀ ଲେଖିଛନ୍ତି, ମୁଁ ମୋର ସେହି ସଂସ୍କରଣକୁ ଫେରିବାକୁ ଚାହୁଁନାହିଁ ଯିଏ ତୁମକୁ ଜାଣି ନ ଥିଲା, ମୋ ପ୍ରିୟ। ଅନୁଷ୍କାଙ୍କ ଏହି ପୋଷ୍ଟ ଦେଖି ପ୍ରଶଂସକ ପ୍ରଶଂସା କରୁଛନ୍ତି। ବିରାଟ କୋହଲି ଏବଂ ଅନୁଷ୍କା ଶର୍ମା ଡିସେମ୍ବର ୧୧, ୨୦୧୭ରେ ବିବାହ କରିଥିଲେ। ଏହି ଦମ୍ପତି ଜାନୁଆରୀ ୧୧, ୨୦୨୧ରେ ଝିଅ ଭାମିକାଙ୍କୁ ସ୍ବାଗତ କରିଥିଲେ। ଏହି ଦମ୍ପତିଙ୍କର ଏକ ପୁଅ ମଧ୍ୟ ଅଛି ଯାହାର ନାମ ଅକାୟ। ଅନୁଷ୍କା ଫେବୃଆରୀ ୧୫, ୨୦୨୪ରେ ଅକାୟଙ୍କୁ ଜନ୍ମ ଦେଇଥିଲେ।

ପଚାରୁ ନାହାନ୍ତି ସାବତ ପୁଅ, ସ୍ୱାମୀଙ୍କ ଫିଲ୍ମ ଦେଖିଲେନି ହେମା, ଏମିତି କହିଲେ...

ପୁଣି ଚର୍ଚ୍ଚାରେ ଅଭିନେତ୍ରୀ ହେମା ମାଳିନୀ। ଦେଖିଲେନି ସ୍ୱାମୀଙ୍କ ଶେଷ ଫିଲ୍ମ। ଆଉ ଏମିତି କହିଲା ଯାହା ଶୁଣିବା ପରେ ଆପଣ ବି ଆଶ୍ଚର୍ଯ୍ୟ ହୋଇଯିବେ। ହେମାଙ୍କ ଏହି ବୟାନ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ। ବଲିଉଡର ଭେଟେରାନ୍ ଅଭିନେତା ଧର୍ମେନ୍ଦ୍ରଙ୍କ ମୃତ୍ୟୁକୁ କିଛି ଦିନ ବିତି ଗଲାଣି। ତଥାପି ତାଙ୍କୁ ହରାଇବାର ଦୁଃଖ ଆଜି ବି ଫ୍ୟାନ୍ସଙ୍କ ମନରୁ ଯାଇନି। ଏମିତିରେ ପରିବାର ଲୋକଙ୍କ ଅବସ୍ଥା ବି କିଛି ସେମିତି କହିଲେ ଭୁଲ୍ ହେବନି। ଏହାରି ଭିତରେ ଅଭିନେତାଙ୍କ ଶେଷ ଫିଲ୍ମ "ଇକ୍କିସ୍" ନିକଟରେ ରିଲିଜ୍ ହୋଇଥିଲା । ଧର୍ମେନ୍ଦ୍ରଙ୍କ ପରିବାର ଲୋକ ତାଙ୍କ ଶେଷ ଫିଲ୍ମ ଦେଖି ଭବବିହ୍ୱଳ ହୋଇ ପଡ଼ିଛନ୍ତି। କିନ୍ତୁ ଏଥିରୁ ବାଦ୍ ପଡ଼ିଛନ୍ତି ପତ୍ନୀ ହେମା ମାଳିନୀ। ସେ ଏପର୍ଯ୍ୟନ୍ତ ଧର୍ମେନ୍ଦ୍ରଙ୍କ ଶେଷ ଫିଲ୍ମ ଦେଖି ନାହାଁନ୍ତି।ସେ ଏହାକୁ ନ ଦେଖିବାର କାରଣ ମଧ୍ୟ କହିଛନ୍ତି।ଧର୍ମେନ୍ଦ୍ରଙ୍କୁ ଶେଷ ଥର ପାଇଁ ବଡ଼ ପରଦାରେ ଦେଖି ପ୍ରଶଂସକମାନେ ଗଭୀର ଭାବରେ ପ୍ରଭାବିତ ହୋଇଥିଲେ।