YouTuber ଏବଂ Bigg Boss OTT 3 ଫେମ୍ ଅରମାନ ମାଲିକ ପୁଣିଥରେ ବିବାଦରେ ଫସିଛନ୍ତି। ତାଙ୍କର ଏକ ଭ୍ଲଗ୍‌ର ଏକ କ୍ଲିପ୍ ସୋସିଆଲ ମିଡିଆରେ ଭାଇରାଲ ହେଉଛି। ଯେଉଁଥିରେ ସେ ତାଙ୍କର ଦୁଇ ପତ୍ନୀ ପାୟଲ ମାଲିକ ଏବଂ କୃତିକା ମାଲିକଙ୍କ ପୋଷାକ ବିଷୟରେ ଆଲୋଚନା କରୁଥିବାର ଦେଖାଯାଉଛି। କିନ୍ତୁ, ଭିଡିଓରେ ପାୟଲ ବିଷୟରେ ତାଙ୍କର ମନ୍ତବ୍ୟ ଅନେକଙ୍କୁ ପସନ୍ଦ ଆସିନାହିଁ ଏବଂ ବର୍ତ୍ତମାନ ତାଙ୍କୁ ସୋସିଆଲ ମିଡିଆରେ ପ୍ରବଳ ଟ୍ରୋଲ୍ କରାଯାଉଛି।

ଅରମାନ ମାଲିକ କଣ କହିଥିଲେ ?
ଭାଇରାଲ ଭିଡିଓରେ, ଅରମାନ ମାଲିକ ପାୟଲଙ୍କୁ ଅଭିଯୋଗ କରୁଛନ୍ତି ଯେ ସେ ତାଙ୍କୁ ଏକ ନୂତନ ନାଇଟି କିଣି ଦେଇଛନ୍ତି, କିନ୍ତୁ ସେ ସକାଳେ ଟି-ସାର୍ଟ ଏବଂ ହାଫ ପ୍ୟାଣ୍ଟ ପିନ୍ଧି ବାହାରକୁ ଯାଉଥିଲେ। ପାୟଲ ଉତ୍ତର ଦେଇଥିଲେ ଯେ ସେ ଶିଶୁର ଯତ୍ନ ନେବାରେ ବ୍ୟସ୍ତ ଥିଲେ, ତେଣୁ ସେ ତାଙ୍କ ପୋଷାକ ପ୍ରତି ଅଧିକ ଧ୍ୟାନ ଦେଇ ନଥିଲେ।

ପାୟଲଙ୍କ କଥା ଶୁଣି ଅରମାନ କହିଥିଲେ ମୁଁ ସବୁବେଳେ ନୂଆ ଡ୍ରେସ ଆଣିପାରିବିନି। ପିନ୍ଧିକି ତ ଦେଖାଅ ମୋତେ। ପଛରେ ନହେଲେ କହିବ ଆମ ସ୍ବାମୀ ଆମକୁ ଭଲ ପାଉନି। ଲୋୟର ଏବଂ ଟି-ସର୍ଟରେ ଯଦି ବୁଲିବ ତେବେ ସ୍ବାମୀ ଭଲ କେମିତି ପାଇବ। ଦୁଇ ମାସ ମଧ୍ୟରେ ସ୍ବାମୀ ଛାଡପତ୍ର ଦେଇଦେବ। ନିଜକୁ ଯଥାସମ୍ଭବ ସଜାଇ ରଖ।"

ଲୋକମାନେ ସୋସିଆଲ ମିଡିଆରେ କ୍ଲାସ ନେଇଥିଲେ
ଅରମାନଙ୍କ ବୟାନ ସାମ୍ନାକୁ ଆସିବା ମାତ୍ରେ ସୋସିଆଲ ମିଡିଆ ବ୍ୟବହାରକାରୀମାନେ କ୍ରୋଧରେ ବର୍ଷିଛନ୍ତି। ଅନେକ ତାଙ୍କ ଚିନ୍ତାଧାରାକୁ ପ୍ରଶ୍ନ କରିଥିଲେ। ଜଣେ ବ୍ୟବହାରକାରୀ ଲେଖିଛନ୍ତି, "ଅରମାନ ସବୁବେଳେ ପାୟଲଙ୍କ ସମାଲୋଚନା କରନ୍ତି ଏବଂ କୃତିକାଙ୍କ ପକ୍ଷ ନିଅନ୍ତି।" ଆଉ ଜଣେ ବ୍ୟବହାରକାରୀ ପଚାରିଲେ, "ପ୍ରେମ କ'ଣ କେବଳ ରୂପ ଏବଂ ପୋଷାକ ଉପରେ ନିର୍ଭର କରେ।“

ଆଉ ଏକ ମନ୍ତବ୍ୟରେ ଲେଖାଯାଇଥିଲା, "ତାଙ୍କର ଚିନ୍ତାଧାରା ଭୁଲ, ସେ କି ପ୍ରକାରର ସ୍ୱାମୀ?" ଅନ୍ୟ ଜଣେ ବ୍ୟବହାରକାରୀ ବ୍ୟଙ୍ଗାତ୍ମକ ଭାବରେ କହିଛନ୍ତି, "ସେ ଟି-ସାର୍ଟ ପିନ୍ଧି ବୁଲୁଛନ୍ତି ଏବଂ ତାଙ୍କ ସ୍ତ୍ରୀଙ୍କୁ ପରାମର୍ଶ ଦେଉଛନ୍ତି।" ଅନେକ ଏହା ମଧ୍ୟ କହିଛନ୍ତି ଯେ ଏପରି ଚିନ୍ତାଧାରା ସାଧାରଣ ଭାବରେ ଗ୍ରହଣ କରିବା ଠିକ୍ ନୁହେଁ।

ଅରମାନ ମାଲିକ କିଏ?
ଅରମାନ ମଲିକଙ୍କ ପ୍ରକୃତ ନାମ ସନ୍ଦୀପ। ସେ ହରିୟାଣାର ହିସାରର ବାସିନ୍ଦା। କଣ୍ଟେଣ୍ଟ କ୍ରିଏଟର ହେବା ପୂର୍ବରୁ ସେ ଏକ ଘରୋଇ ବ୍ୟାଙ୍କରେ କାମ କରୁଥିଲେ। ପରେ, ଦିଲ୍ଲୀ ଚାଲିଗଲେ ଏବଂ ସୋସିଆଲ ମିଡିଆ ଜଗତରେ ନିଜକୁ ପ୍ରତିଷ୍ଠିତ କଲେ।