ଅର୍ମାନଙ୍କ ପରିବାରକୁ ହତ୍ୟା ଧମକ, ସୁରକ୍ଷା ପାଇଁ ଦାବି କଲେ ଅର୍ମାନ
Key Points
ଫେମସ ୟୁଟ୍ୟୁବର ଅର୍ମାନ ମଲ୍ଲିକ । ଦୁଇଟି ବିବାହ କରିବା ପରେ ସେ ସୋସିଆଲ ମିଡିଆରେ ଅନେକ ସମୟ ଧରି ଚର୍ଚ୍ଚାରେ ରହିଛନ୍ତି । ତେବେ କିଛିଦିନ ହେବ ତାଙ୍କୁ ଅନେକ ପ୍ରକାର ଧମକ ଆସୁଥିବା ସେମାନେ ଅଭିଯୋଗ କରିଛନ୍ତି ।
ଫେମସ ୟୁଟ୍ୟୁବର ଅର୍ମାନ ମଲ୍ଲିକ । ଦୁଇଟି ବିବାହ କରିବା ପରେ ସେ ସୋସିଆଲ ମିଡିଆରେ ଅନେକ ସମୟ ଧରି ଚର୍ଚ୍ଚାରେ ରହିଛନ୍ତି । ଏହାପରେ ତାଙ୍କୁ ବିଗବସ୍ ଓଟିଟି ୩ରେ ମଧ୍ୟ କିଛିଦିନ ଦେଖିବାକୁ ମିଳିଥିଲା । ଅର୍ମାନ ଏବଂ ତାଙ୍କର ପୁରା ପରିବାର ୟୁଟ୍ୟୁବରେ ବ୍ଲଗିଂ କରିଥାନ୍ତି । ତେବେ କିଛିଦିନ ହେବ ତାଙ୍କୁ ଅନେକ ପ୍ରକାର ଧମକ ଆସୁଥିବା ସେମାନେ ଅଭିଯୋଗ କରିଛନ୍ତି । ନିଜର ଅଫିସିଆଲ ଇନଷ୍ଟାଗ୍ରାମ ଆକାଉଣ୍ଟରେ ସେ ନିଜର ଭିଡିଓ ଶେୟାର କରିଛନ୍ତି । ଯେଉଁଥିରେ ସେ କହିଛନ୍ତି , ତାଙ୍କ ପରିବାରକୁ ସୁରକ୍ଷା ଦେବାପାଇଁ ସେ ପଞ୍ଜାବ ପୋଲିସ ନିକଟରେ ଆର୍ମ୍ସ ଫୋର୍ସ ପାଇଁ ଅପିଲ କରିଛନ୍ତି ।
ସେମାନେ କହିଛନ୍ତି, ପାଖାପାଖି ୫ ବର୍ଷ ହେବ ସେମାନେ ପଞ୍ଜାବର ଜିରକପୁରରେ ରହୁଛନ୍ତି । ଏବଂ କେବଳ ପାରିବାରିକ କଣ୍ଟେଣ୍ଟ ପୋଷ୍ଟ କରିଥାନ୍ତି । କିନ୍ତୁ କିଛି ଦିନ ଧରି ତାଙ୍କୁ ହତ୍ୟା ଧମକ, ତାଙ୍କ ପରିବାରକୁ କ୍ଷତି ପହଞ୍ଚାଇବା, ତାଙ୍କଠାରୁ ତାଙ୍କ ଦରକାରୀ ଜିନିଷ ଛଡାଇନେବା ଭଳି ଧମକ ଆସୁଛି । ତାଙ୍କୁ ଅନେକ ଥର ଏପରି ଧମକ ଆସିଛି । ଏହାକୁ ନେଇ ସେ ଅନେକ ଥର ଏଫଆଇଆର ମଧ୍ୟ ଦେଇଛନ୍ତି । କିନ୍ତୁ ତାଙ୍କୁ କୌଣସି ସୁରକ୍ଷା ପୋଲିସ୍ ପକ୍ଷରୁ ଦିଆଯାଇନାହିଁ । ସେ ପାଖରେ ବନ୍ଧୁକ ରଖିବା ନେଇ ମଧ୍ୟ ଆବେଦନ କରିଥିଲେ । ହେଲେ ତାଙ୍କର ଆବେଦନ ଖାରଜ କରାଯାଇଛି ।
ଅର୍ମାନ କହିଛନ୍ତି, ତାଙ୍କ ନାଁରେ ଏକ ମାମଲା ଦର୍ଜ କରାଯାଇଛି । ଯାହା ସମ୍ପୂର୍ଣ୍ଣ ମିଥ୍ୟା ଏବଂ ଭିତ୍ତିହୀନ ଅଟେ । ବର୍ତ୍ତମାନ ଏହାର ଶୁଣାଣି ନ୍ୟାୟଳୟରେ ଚାଲିଛି । ଏବଂ ଏଥିରେ ସତ୍ୟର ହିଁ ଜୟ ହେବା ବୋଲି ସେ କହିଛନ୍ତି । ତେବେ ଏହି ମାମଲା କାରଣରୁ ତାଙ୍କୁ ଲାଇସେନ୍ସ ମିଳିପାରୁନଥିବା ସେ ଭିଡିଓରେ କହିଛନ୍ତି।
