କର୍ନସଟ୍‌ରେ ସୋନୁ ନିଗମଙ୍କ ଉପରେ ଖରାପ ବ୍ୟବହାର କରିଛନ୍ତି ଦର୍ଶକ । ଷ୍ଟେଜରେ ଗୀତ ଗାଉଥିବା ସମୟରେ ପଥର ଏବଂ ବୋତଲ ଫିଙ୍ଗିଥିଲେ ଦର୍ଶକ । ଦିଲ୍ଲୀ ଟେକ୍ନୋଲୋଜି ବିଶ୍ବବିଦ୍ୟାଳୟରେ ଏଙ୍ଗିଫେଷ୍ଚ ୨୦୨୫ କାର୍ଯ୍ୟକ୍ରମ ଚାଲିଥିଲା । ଯେଉଁଥିରେ ୧ ଲକ୍ଷରୁ ଅଧିକ ଛାତ୍ରଛାତ୍ରୀ ସାମିଲ ହୋଇଥିଲେ । ତେବେ ସୋନୁ ନିଗମ ଏହି କାର୍ଯ୍ୟକ୍ରମରେ ସେଲିବ୍ରିଟି ଅତିଥୀ ଭାବେ ଆସିଥିଲେ, ଏବଂ ଗୀତ ଗାଇଥିଲେ । ସେ ଗାଉଥିବା ସମୟରେ ଛାତ୍ରମାନେ ତାଙ୍କ ଉପରକୁ ପଥର ଫିଙ୍ଗିବା ଆରମ୍ଭ କରିଥିଲେ । ଯାହାକୁ ଦେଖି ସୋନୁ ନିଗମ ସେମାନଙ୍କୁ କହିଥିଲେ , "ମୁଁ ଏଠାକୁ ଆପଣମାନଙ୍କ ପାଇଁ ଆସିଛି । ଯାହାଦ୍ବାରା ମୁଁ ଆପଣମାନଙ୍କୁ ଖୁସି କରାଇପାରିବି । କିନ୍ତୁ ଦୟାକରି ଆପଣ ଏମିତି କରନ୍ତୁ ନାହିଁ । "

ତେବେ ଷ୍ଟେଜ ଉପରକୁ ଏପରି ପଥର ମାଡ କରିବା ଦ୍ବାରା ସୋନୁଙ୍କ କର୍ମଚାରୀମାନେ ଆହତ ହୋଇଥିଲେ । ତେବେ ଜଣେ ଏ ଛାତ୍ରୀ ଏ ଘଟଣା ସମ୍ପର୍କରେ ସୂଚନା ଦେଇ କହିଥିଲେ, " କିଛି ଅସଭ୍ୟ ଛାତ୍ରଙ୍କ ଦ୍ବାରା ଏପରି କାରନାମା ହୋଇଛି । ସେହିପରି ଆଉ ଜଣେ ଛାତ୍ର କହିଥିଲେ, ଏମିତି ଘଟଣା ପରେ ମଧ୍ୟ ସୋନୁ ନିଗମ ଧୈର୍ଯ୍ୟର ସହ ସମସ୍ତଙ୍କୁ ଶାନ୍ତି ରଖିବାକୁ କହିଥିଲେ, ଏବଂ କିଛି ସମୟ ପରେ ପୁଣି ନିଜର ଗୀତ କନର୍ସଟ ଆରମ୍ଭ କରିଥିଲେ । ଏମିତି ଘଟଣା ପରେ ସେ ଆଦୌ ରାଗି ନଥିଲେ ।"

ପୂର୍ବରୁ ମଧ୍ୟ ଏକ ଶୋ'ରେ ସୋନୁ ନିଗମ ଉପରେ ଷ୍ଟେଜରେ ଏପରି କରିଥିଲେ କିଛି ଦର୍ଶକ । ଯେଉଁଥିରେ ଆହତ ହୋଇଥିଲେ ସୋନୁ ନିଗମ । କିନ୍ତୁ ସେ ନିଜର ସୋ' ବନ୍ଦ କରି ନଥିଲେ । ଅନେକ ଦର୍ଶକ ତାଙ୍କର ଏପରି ଧୈର୍ଯ୍ୟ ଏବଂ ସହନଶୀଳତା ଗୁଣକୁ ପ୍ରଶଂସା କରିଛନ୍ତି ।