Bollywood News / ‘କ୍ୟୁଁ କି ସାସ୍‌ ଭି କଭି ବୋହୂ ଥି’ ଶୋରେ ସ୍ମୃତି ଇରାନୀଙ୍କ ସହ ନଜର ଆସିବେ ବିଲ ଗେଟସ୍‌

ଆଇକନିକ ଟିଭି ଶୋ ‘କ୍ୟୁଁ କି ସାସ୍‌ ଭି କଭି ବୋହୂ ଥି’ ଏହାର ନୂଆ ସିଜିନ ସହିତ ପୁଣି ଥରେ ଛୋଟ ପରଦାରେ ଚହଳ ସୃଷ୍ଟି କରୁଛି। ବର୍ଷ ବର୍ଷ ପରେ ଶୋ’ର ପୁନରାଗମନ ପ୍ରଶଂସକମାନଙ୍କ ମଧ୍ୟରେ ମଧୁର ସ୍ମୃତିକୁ ଫେରାଇ ଆଣିଛି। ଦ୍ୱିତୀୟ ସିଜିନ ଦର୍ଶକଙ୍କଠାରୁ ସମାନ ଭଲପାଇବା ପାଉଛି। ଏହି ସମୟରେ, ସ୍ମୃତି ଇରାନୀଙ୍କ ‘କ୍ୟୁଙ୍କି ସାସ୍‌ ଭି କଭି ବୋହୂ ଥି-୨’ର ଆଗାମୀ ଏପିସୋଡ ଗୁଡ଼ିକ ଏକ ବଡ଼ ମୋଡ଼ ଦେବାକୁ ଯାଉଛି, ଯାହା କେହି କଳ୍ପନା କରିପାରି ନ ଥିଲେ, ଯେଉଁ କାରଣରୁ ଶୋ’ଟି ପୁଣି ଥରେ TRP ଚାର୍ଟରେ ନିଜର ଦୃଢ଼ ସ୍ଥିତି ବଜାୟ ରଖିଛି।

ଅଧିକ ପଢ଼ନ୍ତୁ: ଫ୍ୟାନ୍ସଙ୍କୁ ଦୀପାବଳିରେ ସରପ୍ରାଇଜ ଦେଲେ ରଣବୀର-ଦୀପିକା କହିଲେ...

ଭାରତୀୟ ଟେଲିଭିଜନର ସବୁଠାରୁ ଆଶ୍ଚର୍ଯ୍ୟଜନକ ମୁହୂର୍ତ୍ତ ମଧ୍ୟରୁ ଗୋଟିଏରେ, ‘କ୍ୟୁଁ କି ସାସ୍‌ ଭି କଭି ବୋହୂ ଥି’ ରେ ଏକ କ୍ୟାମିଓ ଦେଖାଯିବ ଯାହା ସମସ୍ତଙ୍କୁ ଚକିତ କରିବ। ନିକଟରେ ଆସିଥିବା ଏକ ପ୍ରୋମୋରେ ତୁଳସୀ ଭିଡିଓ କଲରେ ଜଣେ ବିଶ୍ୱ ତାରକାଙ୍କ ସହ କଥା ହେଉଥିବା ଦେଖାଯାଇଛି। ବର୍ତ୍ତମାନ ଏହି ରହସ୍ୟମୟ ବ୍ୟକ୍ତିଙ୍କ ପରିଚୟ ଶେଷରେ ପ୍ରକାଶ ପାଇଛି।

ଏହାସହ ପଢ଼ନ୍ତୁ: KBC ସୋ'ର ବିବାଦକୁ ନେଇ କ୍ଷମା ମାଗିଲେ ଇଶିତ୍

ଏବେ ପୁଣି ଟିଭି ଶୋ ‘କ୍ୟୁଁ କି ସାସ୍‌ ଭି କଭି ବୋହୂ ଥି’ ପୁଣି ଥରେ ଶିରୋନାମାରେ ଅଛି, ଏବଂ ଏଥର ଏହାର ସବୁଠାରୁ ବଡ଼ କ୍ୟାମିଓ ହେଉଛି। କାରଣ ଶୋ’ର ପ୍ରୋମୋରେ ଦେଖାଯାଉଛି ଯେ ସ୍ମୃତି ଇରାନୀଙ୍କ ସହ ଭିଡିଓ କଲରେ ଦେଖାଯାଉଥିବା ବ୍ୟକ୍ତି ଆଉ କେହି ନୁହଁନ୍ତି ବରଂ ମାଇକ୍ରୋସଫ୍ଟର ସହ-ପ୍ରତିଷ୍ଠାତା ଏବଂ ପ୍ରସିଦ୍ଧ ବ୍ୟବସାୟୀ ବିଲ ଗେଟ୍ସ। ହଁ, ଏହା ସତ ଯେ ତୁଳସୀ ଏବେ ବିଲ ଗେଟ୍ସଙ୍କ ସହ କଥା ହେଉଥିବାର ଦେଖାଯିବେ। ଅଭିନେତ୍ରୀ ନିଜେ ଏକ ମିଡିଆ ହାଉସ ସହିତ ଏକ ସ୍ବତନ୍ତ୍ର ସାକ୍ଷାତକାରରେ ଏହି ଭାଇରାଲ ଖବରକୁ ନିଶ୍ଚିତ କରିଛନ୍ତି।

ଅଧିକ ପଢ଼ନ୍ତୁ: ଦୀପାବଳିରେ ଫ୍ୟାନ୍ସଙ୍କୁ ଟ୍ରିଟ୍ ଦେଲେ ଶ୍ରେୟସ ଆୟର

ଅଭିନେତ୍ରୀ କହିଛନ୍ତି, ‘ଏହା ଭାରତୀୟ ମନୋରଞ୍ଜନ ଶିଳ୍ପ ପାଇଁ ଏକ ଐତିହାସିକ ମୁହୂର୍ତ୍ତ। କାରଣ ଏହା ମହିଳା ଏବଂ ଶିଶୁ ସ୍ବାସ୍ଥ୍ୟ ଭଳି ଗୁରୁତ୍ୱପୂର୍ଣ୍ଣ ପ୍ରସଙ୍ଗଗୁଡ଼ିକୁ ମୁଖ୍ୟଧାରାରେ ସାମିଲ କରିବା ଦିଗରେ ଏକ ଦୃଢ଼ ପଦକ୍ଷେପ।’ ଏହା ବିଲ ଗେଟ୍ସଙ୍କର ଦ୍ୱିତୀୟ ଟିଭି ଆପିୟରନ୍ସ ହେବ। ହଁ, ସେ ପୂର୍ବରୁ ‘ଦି ବିଗ ବ୍ୟାଙ୍ଗ ଥିଓରୀ’ ରେ ଦେଖାଦେଇଛନ୍ତି।