ପ୍ରେମିକା ଗୌରୀଙ୍କ ସହ ସମ୍ପର୍କକୁ ନିଶ୍ଚିତ କଲେ ବଲିଉଡ ଅଭିନେତା ଆମିର ଖାନ
ଆଜି ଅର୍ଥାତ ମାର୍ଚ୍ଚ ୧୩ ତାରିଖ ଥିଲା ବଲିଉଡ ଅଭିନେତା ଆମିର ଖାନଙ୍କ ଜନ୍ମଦିନ। ଏହି ସ୍ବତନ୍ତ୍ର ଅବସରରେ, ଅଭିନେତା ଗଣମାଧ୍ୟମ ସହିତ ଏକ ସାକ୍ଷାତକାର ଏବଂ ଏକ ପାର୍ଟି ଆୟୋଜନ କରିଥିଲେ। ଆଜି ଦିନର ମୁଖ୍ୟ କଥା ହେଉଛି ଆମିର ତାଙ୍କ ପ୍ରେମ ସମ୍ପର୍କରେ ଗଣମାଧ୍ୟମ ସମ୍ମୁଖରେ ଖୋଲାଖୋଲି ପ୍ରକାଶ କରିଥିଲେ। ଅଭିନେତାଙ୍କ ପ୍ରେମିକା ହେଉଛନ୍ତି ବାଙ୍ଗାଲୋରର ଗୌରୀ। ସାକ୍ଷାତ ସମୟରେ, ଅଭିନେତା ତାଙ୍କ ପ୍ରେମିକା ଗୌରୀଙ୍କୁ ଗଣମାଧ୍ୟମ ସହିତ ପରିଚିତ କରାଇଥିଲେ। ସେ କହିଥିଲେ, “ଗୌରୀ ଏବଂ ମୁଁ ୨୫ ବର୍ଷ ପୂର୍ବେ ଭେଟିଥିଲୁ ଏବଂ ଏବେ ଆମେ ସାଥୀ। ଆମେ ପରସ୍ପର ପ୍ରତି ବହୁତ ଗମ୍ଭୀର ଏବଂ ପ୍ରତିବଦ୍ଧ। ଆମେ ଦେଢ଼ ବର୍ଷ ଧରି ଏକାଠି ଅଛୁ।” ସେ ଆହୁରି ମଧ୍ୟ କହିଛନ୍ତି ଯେ ସେ ଗତକାଲି ତାଙ୍କ ବାସଭବନରେ ଶାହରୁଖ ଖାନ ଏବଂ ସଲମାନ ଖାନଙ୍କ ସହ ତାଙ୍କ ପ୍ରେମିକାଙ୍କୁ ପରିଚୟ କରାଇଥିଲେ।
ତାଙ୍କ ପ୍ରେମିକା ବିଷୟରେ ଅଧିକ ସୂଚନା ପ୍ରକାଶ କରି ସେ ସେୟାର କରିଛନ୍ତି ଗୌରୀଙ୍କର ଏକ ୬ ବର୍ଷର ପିଲା ଅଛି। ସେ ପ୍ରଯୋଜନାରେ କାମ କରୁଛନ୍ତି। ମୁଁ ପ୍ରତିଦିନ ତାଙ୍କ ପାଇଁ ଗୀତ ଗାଇଥାଏ। ସେ ଆହୁରି କହିଲେ, “ମୁଁ ଜାଣିନାହିଁ 60 ବର୍ଷ ବୟସରେ, ମତେ ବିବାହ ଠିକ ଲାଗିବ କି ନାହିଁ। ମୋ ପିଲାମାନେ ବହୁତ ଖୁସି। ମୋର ପୂର୍ବତନ ପତ୍ନୀମାନଙ୍କ ସହିତ ଏତେ ଭଲ ସମ୍ପର୍କ ରଖିବା ପାଇଁ ମୁଁ ବହୁତ ଭାଗ୍ୟବାନ।”
📱 Get Argus News App
✨ସୂଚନା ଥାଉ କି, ଆମିର ପ୍ରଥମେ ରୀନା ଦତ୍ତାଙ୍କୁ ବିବାହ କରିଥିଲେ ଯାହାଙ୍କ ସହିତ ତାଙ୍କର ଦୁଇଟି ପିଲା – ଜୁନୈଦ ଏବଂ ଇରା ଖାନ। ଏହାପରେ ତାଙ୍କ ଦ୍ୱିତୀୟ ପତ୍ନୀ କିରଣ ରାଓ, ଯିଏ ୨୦୦୫ ମସିହାରେ ବିବାହ କରିଥିଲେ। ଦୁହେଁ ୨୦୨୧ ରେ ଅଲଗା ହୋଇଗଲେ। ସେମାନେ ସେମାନଙ୍କ ପୁଅ ଆଜାଦଙ୍କୁ ମଧ୍ୟ ମିଶିକି ପାଳନ କରିଆସୁଛନ୍ତି।