ହଲିଉଡ ତାରକା ବ୍ରାଡ ପିଟ ଏବଂ ଆଞ୍ଜେଲିନା ଜୋଲି ୮ ବର୍ଷର ଆଇନଗତ ଯୁଦ୍ଧ ପରେ ପରସ୍ପରକୁ ଛାଡପତ୍ର ଦେଇଛନ୍ତି। ହଲିଉଡ ଦମ୍ପତି ସେମାନଙ୍କ ସର୍ତ୍ତାବଳୀ ଶେଷ କରି ଡିସେମ୍ବର ୩୦ରେ ଛାଡପତ୍ର ସର୍ତ୍ତାବଳୀରେ ଦସ୍ତଖତ କରିଥିଲେ। ଅଭିନେତ୍ରୀଙ୍କ ଓକିଲ ଜେମ୍ସ ସାଇମନ କହିଛନ୍ତି, ୮ ବର୍ଷରୁ ଅଧିକ ସମୟ ପୂର୍ବରୁ ଆଞ୍ଜେଲିନା ଛାଡପତ୍ର ପାଇଁ ଆବେଦନ କରିଥିଲେ।

ଜୋଲି ୧୯ ସେପ୍ଟେମ୍ବର ୨୦୧୬ରେ ପିଟଙ୍କ ଠାରୁ ଛାଡପତ୍ର ପାଇଁ ଆବେଦନ କରିଥିଲେ। ଏହା ଏକ ଦୀର୍ଘ ପ୍ରକ୍ରିୟାର ଏକ ଅଂଶ ଯାହା ୮ ବର୍ଷ ପୂର୍ବେ ଆରମ୍ଭ ହୋଇଥିଲା। ଏବେ ଆଞ୍ଜେଲିନା ଆଶ୍ୱସ୍ତି ପାଇଛନ୍ତି। ୨୦୧୬ରେ ଉଭୟଙ୍କ ମଧ୍ୟରେ ଝଗଡା ଚର୍ଚ୍ଚାରେ ହୋଇଥିଲା। ଏକ ଘରୋଇ ବିମାନରେ ଉଭୟଙ୍କ କଳହ ଘଟିଥଲା। ପିଟ ତାଙ୍କ ପିଲାଙ୍କ ମଧ୍ୟରୁ ଜଣକୁ ଚାପୁଡ଼ା ମାରିଥିଲେ। ଏଥିସହ ସେ ଜୋଲିଙ୍କୁ କ୍ଷତି ପହଞ୍ଚାଇବାକୁ ଚେଷ୍ଟା କରିଥିବା ମଧ୍ୟ ଦାବି କରାଯାଇଥିଲା। ଏହା ପରେ ଦୁହିଁଙ୍କ ମଧ୍ୟରେ ବିବାଦ ଆହୁରି ଗଭୀର ହୋଇଥିଲା।