ଭାରତୀୟ ବିଜ୍ଞାପନ ଜଗତର ସୃଜନଶୀଳତାର ସ୍ୱର, ହସ ଏବଂ କ୍ରିଏଟିଭିଟି ଭାବରେ ଜଣାଶୁଣା ପୀୟୁଷ ପାଣ୍ଡେ ଆଉ ଆମ ମଧ୍ୟରେ ନାହାନ୍ତି। ସେ ଶୁକ୍ରବାର ୭୦ ବର୍ଷ ବୟସରେ ଦେହାନ୍ତ କରିଛନ୍ତି। ପାଣ୍ଡେ କେବଳ ଜଣେ ବିଜ୍ଞାପନ ବିଶେଷଜ୍ଞ ନଥିଲେ, ବରଂ ଜଣେ କାହାଣୀକାର ଥିଲେ ଯିଏ ଭାରତୀୟ ବିଜ୍ଞାପନକୁ ଏହାର ନିଜସ୍ୱ ଭାଷା ଏବଂ ଆତ୍ମା ​​ଦେଇଥିଲେ। ପୀୟୁଷ ପାଣ୍ଡେଙ୍କ ଭଉଣୀ ଇଲା କହିଛନ୍ତି, “ବହୁତ ଦୁଃଖର ସହିତ ମୁଁ ଆପଣଙ୍କୁ ଜଣାଇ ଦେଉଛି ଯେ, ଆମର ପ୍ରିୟ ଏବଂ ମହାନ ଭାଇ ପୀୟୁଷ ପାଣ୍ଡେଙ୍କ ଆଜି ସକାଳେ ଦେହାନ୍ତ ହୋଇଛି।”

ଭାରତୀୟ ବିଜ୍ଞାପନ ଜଗତକୁ ଲାଗିଛି ଏକ ବଡ଼ ଝଟକା । ବିଜ୍ଞାପନ ଗୁରୁ ଭାବରେ ଜଣାଶୁଣା ପୀୟୁଷ ପାଣ୍ଡେଙ୍କ ଦେହାନ୍ତ ହୋଇଛି। ସେ ୭୦ ବର୍ଷ ବୟସରେ ମୁମ୍ବାଇରେ ଶେଷ ନିଶ୍ୱାସ ତ୍ୟାଗ କରିଛନ୍ତି । ପାଣ୍ଡେ " ଅବକି ବାର ମୋଦି ସରକାର " ଏବଂ " ଥଣ୍ଡା ମତଲବ କୋକା-କୋଲା, ମିଲେ ସୁର ମେରା ତୁମହାରା, ଅବ୍‌କି ବାର ମୋଦୀ ସରକାର, 'କୁଛ ଖାସ୍ ହେ ଜିନ୍ଦେଗି ମେଁ' " ସମେତ ଅନେକ ପ୍ରସିଦ୍ଧ ବିଜ୍ଞାପନର ଲେଖକ ଥିଲେ। ଯାହା ବର୍ତ୍ତମାନ ଏସବୁ ଇତିହାସ ପାଲଟିଯିବ ।

ପୀୟୁଷ ୨୭ ବର୍ଷ ବୟସରେ ବିଜ୍ଞାପନ ଜଗତରେ ପାଦ ଥାପିଥିଲେ । ସେ ତାଙ୍କ ଭାଇ ପ୍ରସୂନ ପାଣ୍ଡେଙ୍କ ସହ ମିଶି ତାଙ୍କର କ୍ୟାରିଅର ଆରମ୍ଭ କରିଥିଲେ। ଉଭୟ ରେଡିଓ ଜିଙ୍ଗଲ୍ସ ପାଇଁ କଣ୍ଠସ୍ୱର ଦେଇଥିଲେ। ସେ ୧୯୮୨ ମସିହାରେ ବିଜ୍ଞାପନ କମ୍ପାନୀ ଓଗିଲଭି ସହିତ କାମ କରିବା ଆରମ୍ଭ କରିଥିଲେ। ପରବର୍ତ୍ତୀ ସମୟରେ ତାଙ୍କୁ ୧୯୯୪ ମସିହାରେ ଓଗିଲଭିର ବୋର୍ଡକୁ ମନୋନୀତ କରାଯାଇଥିଲା ଆଉ ସବୁଦିନ ପାଇଁ ବଦଳାଇ ଦେଇଥିଲେ ଟ୍ରେଣ୍ଡ । ଗୁରୁତ୍ୱପୂର୍ଣ୍ଣ କଥା ହେଉଛି, ତାଙ୍କୁ ୨୦୧୬ ମସିହାରେ ଭାରତ ସରକାର ପଦ୍ମଶ୍ରୀ ପୁରସ୍କାରରେ ସମ୍ମାନିତ କରିଥିଲେ।

କେନ୍ଦ୍ର ମନ୍ତ୍ରୀ ପୀୟୁଷ ଗୋୟଲ X ରେ ପୋଷ୍ଟ କରି ଲେଖିଛନ୍ତି, “ପଦ୍ମଶ୍ରୀ ପୀୟୁଷ ପାଣ୍ଡେଙ୍କ ଦେହାନ୍ତ ଖବର ଶୁଣି ମୋର ଦୁଃଖକୁ ଶବ୍ଦରେ ପ୍ରକାଶ କରାଯାଇ ପାରିବ ନାହିଁ। ବିଜ୍ଞାପନ ଜଗତର ଜଣେ ଅନନ୍ୟ ବ୍ୟକ୍ତିତ୍ୱ, ତାଙ୍କର ସୃଜନଶୀଳ ପ୍ରତିଭା କାହାଣୀକୁ ରୂପାନ୍ତରିତ କରିଥିଲେ ଏବଂ ଆମକୁ ଅମୂଲ୍ୟ କାହାଣୀ ଦେଇଥିଲେ ଯାହା ସର୍ବଦା ସ୍ମରଣୀୟ ରହିବ। ମୋ ପାଇଁ, ସେ ଜଣେ ବନ୍ଧୁ ଥିଲେ ଯାହାଙ୍କ ସତ୍ୟତା ଏବଂ ବୁଦ୍ଧି ତାଙ୍କର ଚମତ୍କାରିତାକୁ ପ୍ରତିଫଳିତ କରିଥିଲା। ତାଙ୍କ ସହ ଆଲୋଚନା ସର୍ବଦା ସ୍ମରଣୀୟ ରହିବ। ତାଙ୍କ ଦେହାନ୍ତ ଏକ ବିରାଟ ଶୂନ୍ୟସ୍ଥାନ ଛାଡିଛି ଯାହାକୁ ପୂରଣ କରିବା କଷ୍ଟକର ହେବ। ତାଙ୍କ ପରିବାର, ବନ୍ଧୁ ଏବଂ ପ୍ରଶଂସକଙ୍କ ପ୍ରତି ମୋର ଆନ୍ତରିକ ସମବେଦନା। ଓମ୍ ଶାନ୍ତି।”

Truly at a loss for words to express my sadness at the demise of Padma Shri Piyush Pandey.

A phenomenon in the world of advertising, his creative genius redefined storytelling, giving us unforgettable and timeless narratives.

To me, he was a friend whose brilliance shone… pic.twitter.com/t6ZDSViCrS

— Piyush Goyal (@PiyushGoyal) October 24, 2025

ବ୍ୟବସାୟୀ ସୋହେଲ ସେଠ୍ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ଶୋକ ପ୍ରକାଶ କରିଛନ୍ତି । ସେ ଲେଖିଛନ୍ତି, "ମୋର ପ୍ରିୟ ବନ୍ଧୁ ପୀୟୁଷ ପାଣ୍ଡେଙ୍କ ଭଳି ଜଣେ ପ୍ରତିଭାଙ୍କ ମୃତ୍ୟୁରେ ମୁଁ ଗଭୀର ଦୁଃଖିତ । ସୋହେଲ ସେଠ୍ ଆହୁରି କହିଛନ୍ତି ଯେ ଏବେ ସ୍ୱର୍ଗରେ ମିଲେ ସୁର ମେରା ତୁମହାରା ଶୁଣିବାକୁ ମିଳିବ । ଚଳଚ୍ଚିତ୍ର ନିର୍ମାତା ହଂସଲ ମେହେଟା ଲେଖିଛନ୍ତି, "ଫେଭିକଲ୍ ବନ୍ଧନ ଭାଙ୍ଗି ଯାଇଛି । ଆଜି, ବିଜ୍ଞାପନ ଜଗତ ତାର ଅଙ୍କୁଶ ହରାଇଲା।

Deeply deeply saddened and devastated at the loss of the genius that my dearest friend Piyush Pandey was. India has not lost a just a great advertising mind but a true patriot and a fine fine gentleman. Now the heavens will dance to Mile Sur Mera Tumhara.

— SUHEL SETH (@Suhelseth) October 24, 2025

ପୀୟୁଷ ପାଣ୍ଡେଙ୍କ ସହକର୍ମୀମାନେ ତାଙ୍କୁ ଜଣେ ଗୁରୁ ଭାବରେ ମନେ ରଖନ୍ତି ଯିଏ ସରଳତା, ମାନବତା ଏବଂ ସୃଜନଶୀଳତା ମଧ୍ୟରେ ସନ୍ତୁଳନ ବଜାୟ ରଖିଥିଲେ। ତାଙ୍କର ମନ୍ତ୍ର ଥିଲା, “କେବଳ ବଜାର ପାଇଁ ନୁହେଁ, ହୃଦୟରୁ କୁହନ୍ତୁ।” ଏହି ଦର୍ଶନ ଆଜି ମଧ୍ୟ ଭାରତୀୟ ବିଜ୍ଞାପନର ଦିଗକୁ ପ୍ରଭାବିତ କରିଆସୁଛି। ପୀୟୁଷ ପାଣ୍ଡେ କେବଳ ଜଣେ ସୃଜନଶୀଳ ନିର୍ଦ୍ଦେଶକ ନଥିଲେ, ସେ ଜଣେ କାହାଣୀକାର ଥିଲେ ଯିଏ ତାଙ୍କ କଥା ଏବଂ ବିଜ୍ଞାପନ ମାଧ୍ୟମରେ ଦେଶର ଭାବନାକୁ କଏଦ କରିଥିଲେ। ତାଙ୍କ ବିୟୋଗ ଭାରତୀୟ ବିଜ୍ଞାପନ ଜଗତରେ ନିଶ୍ଚିତ ଭାବରେ ଏକ ଶୂନ୍ୟସ୍ଥାନ ସୃଷ୍ଟି କରିଛି, କିନ୍ତୁ ତାଙ୍କ କାର୍ଯ୍ୟ ଏବଂ ଦୃଷ୍ଟିକୋଣ ଆଗାମୀ ପିଢ଼ିକୁ ସର୍ବଦା ପ୍ରେରଣା ଦେବ।