Dipika Kakar / କ୍ୟାନ୍ସର ପରେ ଏହି ବଡ଼ ରୋଗରେ ପୀଡ଼ିତ ଦୀପିକା, ପୁଣି ହେବ ସର୍ଜରୀ

ପୁଣି ହସ୍ପିଟାଲରେ ଭର୍ତ୍ତି ହେଲେ ଅଭିନେତ୍ରୀ ଦୀପିକା କକ୍କର। ପ୍ରବଳ କାନ୍ଦୁଛନ୍ତି ସ୍ୱାମୀ ସୋଏବ। ଏଖବର ପରେ ଦୀପିକା ଏବଂ ସୋଏବଙ୍କ ଫ୍ୟାନ୍ସ ମଧ୍ୟ ଚିନ୍ତାରେ ପଡ଼ିଯାଇଛନ୍ତି। ଏବେ ଏବେ ଲିଭର କ୍ୟାନ୍ସରରୁ ସୁସ୍ଥ ହୋଇ ଘରକୁ ଫେରିଥିଲେ। ପୁଣି କଣ ହେଲା ଜାଣିବାକୁ ଚାହୁଁଛନ୍ତି ସମସ୍ତେ। "ସସୁରାଲ ସିମର କା" ଫେମ୍ ଅଭିନେତ୍ରୀ ଏବଂ ୟୁଟ୍ୟୁବର ଦୀପିକା କକ୍କର ପୁଣି ଯନ୍ତ୍ରଣା ଅନୁଭବ କରୁଛନ୍ତି। ଲିଭର କ୍ୟାନସର ଚିକିତ୍ସା ପରେ, ତାଙ୍କର ଅନ୍ୟାନ୍ୟ ସ୍ୱାସ୍ଥ୍ୟ ସମସ୍ୟା ଦେଖାଦେଇଛି। ଦୀପିକା ହଠାତ୍ ପେଟରେ ପ୍ରବଳ ଯନ୍ତ୍ରଣା ଅନୁଭବ କରିଥିଲେ। ଯାହା ଫଳରେ ତାଙ୍କୁ ହସ୍ପିଟାଲ ଯିବାକୁ ପଡିଥିଲା। ବର୍ତ୍ତମାନ ଅଭିନେତ୍ରୀ ତାଙ୍କ ପ୍ରଶଂସକମାନଙ୍କୁ ତାଙ୍କ ସ୍ୱାସ୍ଥ୍ୟ ବିଷୟରେ ସୂଚନା ଦେଇଛନ୍ତି।

ଦୀପିକା ତାଙ୍କ ସ୍ୱାସ୍ଥ୍ୟ ବିଷୟରେ କଥାବାର୍ତ୍ତା କରିବା ସମୟରେ ବହୁତ ଭାବପ୍ରବଣ ହୋଇଗଲେ। ସେ ତାଙ୍କ ପ୍ରଶଂସକଙ୍କୁ ତାଙ୍କ ପାଇଁ ପ୍ରାର୍ଥନା କରିବାକୁ କହିଥିଲେ। ଦୀପିକାଙ୍କ ଅସୁସ୍ଥତା ବିଷୟରେ ଶୁଣି ପ୍ରଶଂସକମାନେ ମଧ୍ୟ ତାଙ୍କ ସ୍ୱାସ୍ଥ୍ୟ ବିଷୟରେ ଚିନ୍ତିତ। ସେମାନେ ତାଙ୍କ ଶୀଘ୍ର ଆରୋଗ୍ୟ ପାଇଁ ପ୍ରାର୍ଥନା କରୁଛନ୍ତି। ଶୋଏବ ଆହୁରି କହିଛନ୍ତି ଯେ ଯେବେ ଠାରୁ ଦୀପିକାଙ୍କୁ ଲିଭର କର୍କଟ ରୋଗ ହୋଇଥିଲା, ସେ ଚିନ୍ତିତ ଅଛନ୍ତି ଯେ କର୍କଟ ପୁନରାବୃତ୍ତି ହୋଇପାରେ।

"ଡାକ୍ତରମାନେ ସିଷ୍ଟର ଚିକିତ୍ସା କରିବାକୁ ନିଷ୍ପତ୍ତି ନେଇଛନ୍ତି। କୌଣସି ବଡ଼ ଅସ୍ତ୍ରୋପଚାର ହେବ ନାହିଁ। ସେମାନେ ଏକ ଛୋଟ ପ୍ରକ୍ରିୟା ମାଧ୍ୟମରେ ସିଷ୍ଟକୁ ବାହାର କରିଦେବେ। ଦୀପିକାଙ୍କୁ ୩-୪ ଦିନ ପାଇଁ ହସ୍ପିଟାଲ୍ରେ ରହିବାକୁ ପଡିବ। ଆମେ ଭଗବାନଙ୍କୁ କୃତଜ୍ଞ ଯେ ଏହା ପ୍ରାରମ୍ଭିକ ପର୍ଯ୍ୟାୟରେ ଧରାପଡ଼ିଥିଲା। ନଚେତ୍, ପରିସ୍ଥିତି ବହୁତ ଗମ୍ଭୀର ହୋଇପାରେ।"

ଦୀପିକାଙ୍କୁ କ'ଣ ହୋଇଛି?

କହିବାକୁ ଗଲେ ଦୀପିକାଙ୍କ ପେଟରେ ଏକ ସିଷ୍ଟ ହୋଇଛି। ଯାହା ପାଇଁ ଏକ ପ୍ରକ୍ରିୟା ଆବଶ୍ୟକ ହେବ। ଶୋଏବ ଏବଂ ଦୀପିକା ହସ୍ପିଟାଲରୁ ଏକ ନୂଆ ଭ୍ଲଗ୍ ସେୟାର କରିଛନ୍ତି। ଶୋଏବ ବ୍ୟାଖ୍ୟା କରିଛନ୍ତି ଯେ ଦୀପିକା ଦୁଇ ଦିନ ଧରି ପେଟ ଯନ୍ତ୍ରଣା ଅନୁଭବ କରୁଥିଲେ, କିନ୍ତୁ ଗତକାଲି ତାଙ୍କ ଯନ୍ତ୍ରଣା ବହୁତ ବଢିଯାଇଥିଲା । ଯାହା ପରେ ତାଙ୍କୁ ଡାକ୍ତରଙ୍କ ପାଖକୁ ଯାଇଥିଲେ। ଏକ ସିଟି ସ୍କାନରେ ଦୀପିକାଙ୍କ ପେଟରେ ୧.୩ ସେମି ମାପର ଏକ ସିଷ୍ଟ ଜଣାପଡ଼ିଲା। ଦୀପିକା କହିଛନ୍ତି ଯେ ସେ ତାଙ୍କ କାନ୍ଧରେ ଯନ୍ତ୍ରଣା ଅନୁଭବ କରୁଥିଲେ। ଯାହା ତାଙ୍କୁ ଚିନ୍ତିତ କରୁଥିଲା। ସିଷ୍ଟ ବ୍ୟତୀତ ଅନ୍ୟ ସମସ୍ତ ରିପୋର୍ଟ ଠିକ୍ ଠାକ୍ ଥିଲା। ସେ ଏହା ମଧ୍ୟ ପ୍ରକାଶ କରିଛନ୍ତି ଯେ ଡିସେମ୍ବରରେ ଯେତେବେଳେ ତାଙ୍କର ପିଇଟି ସ୍କାନ କରାଯାଇଥିଲା, ରିପୋର୍ଟ ଗୁଡ଼ିକ କିଛି ଆସିନଥିଲା।

ଅଧିକ ପଢ଼ନ୍ତୁ ମନୋରଞ୍ଜନ ଖବର: ଗୋଟିଏ ବିବାହ ଭାଙ୍ଗିଛି, ବିଜୟଙ୍କୁ ସତରେ ବିବାହ କରିବେ ତ ରଶ୍ମିକା: ଫ୍ୟାନ୍ସଙ୍କ ମହଲରେ ଚର୍ଚ୍ଚା