LegendStar / ଧର୍ମେନ୍ଦ୍ର କେମିତି ହେଲେ ବଲିଉଡର “ହି-ମ୍ୟାନ୍”?

ବଲିଉଡର ହି ମ୍ୟାନ ଭାବେ ପରିଚିତ ଧର୍ମେନ୍ଦ୍ରଙ୍କର ୮୯ ବର୍ଷ ବୟସରେ ଦେହାନ୍ତ ହୋଇଛି ।ସେ ବାର୍ଦ୍ଧକ୍ୟଜନିତ ସମସ୍ୟାରେ ପୀଡ଼ିତ ଥିଲେ । ସୁପରଷ୍ଟାରଙ୍କ ସ୍ୱାସ୍ଥ୍ୟାବସ୍ଥା ଦିନକୁ ଦିନ ଖରାପ ହେବାକୁ ଲାଗିଥିଲା । କିଛି ଦିନ ପୂର୍ବେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ରୁଟିନ ଚେକ୍ଅପ୍ ପରେ ସେ ଘରକୁ ଫେରି ଯାଇଥିଲେ, ପରେ ସ୍ଥାସ୍ୟାବସ୍ଥା ଆହୁରି ବିଗିଡ଼ିବାରୁ ତାଙ୍କୁ ଭେଣ୍ଟିଲେଟରରେ ରଖାଯାଇଥିଲା । ଯାହାପରେ ଘରକୁ ନେଇଯାଇଥିଲେ ପରିବାରଲୋକେ । କିନ୍ତୁ ସୋମବାର ସେ ଶେଷ ନିଶ୍ବାସ ତ୍ୟାଗ କଲେ।

କିଛି ଦିନ ତଳେ ସେ ଅଭିନୟ କରିଥିବା ସିନେମା ' ଇକ୍କିସ ' ର ଟ୍ରେଲର ରିଲିଜ୍ ହୋଇଥିଲା । ଯେଉଁଥିରେ ତାଙ୍କର ଅଭିନୟ ବେଶ୍ ଚମତ୍କାର ଥିଲା । ଖୁବ ଶିଘ୍ର ଧର୍ମେନ୍ଦ୍ରଙ୍କର ଏହି ଶେଷ ଫିଲ୍ମ ରିଲିଜ ହେବ। ଯେଉଁଥିରେ ଅଗସ୍ତ୍ୟ ନନ୍ଦା ଓ ସିମର ଭାଟିଆଙ୍କୁ ମଧ୍ୟ ଦେଖିବାକୁ ମିଳିବ।

ବଲିଉଡର “ହି-ମ୍ୟାନ୍” ବୋଲି ପରିଚିତ ଧର୍ମେନ୍ଦ୍ର ଛଅ ଦଶକ ଧରି ତାଙ୍କ ଅଦ୍ଭୁତ ଅଭିନୟ ଓ ଏକ୍ସନ୍ ରୋଲ୍ ଦ୍ୱାରା ସିନେମା ଜଗତରେ ନିଜ ସ୍ଥାନ ସୃଷ୍ଟି କରିଛନ୍ତି । ଏହାରି ଭିତରେ ତାଙ୍କ ଚଳଚ୍ଚିତ୍ର ଜୀବନର କିଛି ସ୍ମୃତି ସାଉଁଟୁଛନ୍ତି ଫ୍ୟାନ୍ସ...
ଆସନ୍ତୁ ଜାଣିବା ଧର୍ମେନ୍ଦ୍ର କେମିତି ହେଲେ ବଲିଉଡର “ହି-ମ୍ୟାନ୍”? ଗୋଟିଏ ଫିଲ୍ମରୁ ରାତିରାତି ବଦଳିଗଲା ଭାଗ୍ୟ! ସୁପରଷ୍ଟାର ଧର୍ମେନ୍ଦ୍ରଙ୍କୁ ବଲିଉଡର “ହି-ମ୍ୟାନ୍” ବୋଲି କୁହାଯାଏ । ଗୋଟିଏ ଫିଲ୍ମ ଏମିତି ଥିଲା ଯାହା ତାଙ୍କ ଇମେଜକୁ ପୂରା ବଦଳାଇଦେଇଥିଲା ।

ବଲିଉଡ ଡେବ୍ୟୁ
ଧର୍ମେନ୍ଦ୍ର ସେହି ତାରକା ଯିଏ ରୋମାନ୍ସ ଓ ଏକ୍ସନ୍ -ଦୁଇଟି ଶୈଳୀରେ ଦର୍ଶକଙ୍କୁ ମନୋରଞ୍ଜନ ଦେଇଥିଲେ । ସେହି ପ୍ରଥମ ଅଭିନେତା ଯିଏ ଶର୍ଟଲେସ୍ ହୋଇ ବଲିଉଡରେ ନୂଆ ଟ୍ରେଣ୍ଡ ଆଣିଥିଲେ । ସେ 1960 ମସିହାରେ ‘ଦିଲ୍ ଭି ତେରା ହମ୍ ଭି ତେରେ’ ଫିଲ୍ମରେ ଅଭିନୟ ଜୀବନ ଆରମ୍ଭ କରିଥିଲେ । କିନ୍ତୁ ତାଙ୍କୁ ସତ୍ୟିକାର ଚିହ୍ନାପତି ମିଳିଲା ‘ଶୋଲା ଔର ଶବନମ’ ଫିଲ୍ମରୁ ।

ଗୋଟିଏ ଫିଲ୍ମ କେମିତି ବଦଳିଲା ଭାଗ୍ୟ !
1966ରେ ଆସିଥିବା ‘ଫୁଲ୍ ଔର ପଥର୍’ ଫିଲ୍ମ ଧର୍ମେନ୍ଦ୍ରଙ୍କ ଜୀବନର ଟର୍ନିଂ ପଏଣ୍ଟ ହେଲା । ଏହି ଫିଲ୍ମରେ ସେ ଶର୍ଟଲେସ୍ ହୋଇ ଏକ ନୂଆ ଚରିତ୍ର ନେଇ ଦର୍ଶକଙ୍କ ହୃଦୟ ଜିତିନେଲେ । ସେହି ଫିଲ୍ମ ପରେ ତାଙ୍କୁ “ହି-ମ୍ୟାନ୍” ବୋଲି ଅଭିଧାନ ମିଳିଲା । ଏହା ବକ୍ସ ଅଫିସରେ ବ୍ଲକବଷ୍ଟର ହେଲା ଓ ଧର୍ମେନ୍ଦ୍ର ରାତିରାତି ସୁପରଷ୍ଟାର ହୋଇଗଲେ ।

“ଶର୍ଟଲେସ୍ ଟ୍ରେଣ୍ଡ”ର ଆରମ୍ଭ
‘ଫୁଲ୍ ଔର ପଥର୍’ ପୂର୍ବରୁ ଧର୍ମେନ୍ଦ୍ରଙ୍କ ଇମେଜ ଏକ ହ୍ୟାଣ୍ଡସମ୍ ଓ ସଫ୍ଟ ହିରୋ ଭଳି ଥିଲା । କିନ୍ତୁ ଏହି ଫିଲ୍ମ ପରେ ସେ ହେଲେ ବଲିଉଡର ହି-ମ୍ୟାନ୍! ଏହି ଫିଲ୍ମ ପରେ ଇଣ୍ଡଷ୍ଟ୍ରିରେ ହିରୋମାନେ ଶର୍ଟଲେସ୍ ହେବାର ଟ୍ରେଣ୍ଡ ଆସିଲା । ତା’ପରେ ଧର୍ମେନ୍ଦ୍ରଙ୍କୁ ଅନେକ ଆକ୍ସନ୍ ଫିଲ୍ମର ଅଫର୍ ମିଳିଲା ‘ଶୋଲେ’,‘ମେରା ଗାଁ ମେରା ଦେଶ’,‘ଧର୍ମ-ବୀର’,‘ଆଗ ହି ଆଗ’,‘ଲୋଫର’ ଭଳି ସୁପରହିଟ୍ ଫିଲ୍ମ ସେହି ଇତିହାସ ଲେଖିଦେଲେ । ଧର୍ମେନ୍ଦ୍ର, ବଲିଉଡର ରିଅଲ ହି-ମ୍ୟାନ୍! ଏହି ଦିଗଗଜ ଅଭିନେତାଙ୍କ ଶକ୍ତି, ଆକର୍ଷଣ ଓ ଦର୍ଶକଙ୍କ ହୃଦୟ ଜିତିବା କଳା ଆଜି ମଧ୍ୟ ସମାନ ଭାବେ ପ୍ରେରଣାଦାୟକ।