ବଲିଉଡ୍ ନିର୍ଦ୍ଦେଶକ ଏବଂ କୋରିଓଗ୍ରାଫର ଫରାହ ଖାନ ତାଙ୍କ ରୋଷେଇ ବ୍ଲଗ୍ ପାଇଁ ସବୁବେଳେ ଚର୍ଚ୍ଚାରେ ରହିଥାନ୍ତି। ତାଙ୍କ ରୋଷେୟା ଦିଲୀପଙ୍କ ସହିତ ଫରାହ ପ୍ରମୁଖ ସେଲିବ୍ରିଟିଙ୍କ ଘରକୁ ଯାଆନ୍ତି ଏବଂ ରୋଷେଇ ବ୍ଲଗ କରନ୍ତି। ଫରାହ ନିକଟରେ ଏକ ନୂତନ ବ୍ଲଗ ସେୟାର କରିଛନ୍ତି ଯେଉଁଥିରେ ସେ କେନ୍ଦ୍ର ସଡ଼କ ପରିବହନ ଏବଂ ରାଜପଥ ମନ୍ତ୍ରୀ ନୀତିନ ଗଡକରୀଙ୍କ ଘରକୁ ଯାଇଥିଲେ। ଦିଲୀପଙ୍କୁ ମଧ୍ୟ ଫରାହଙ୍କ ସହିତ ଦେଖିବାକୁ ମିଳିଥିଲା। ଏହି ସାକ୍ଷାତ ସମୟରେ, ଫରାହଙ୍କ ରୋଷେୟା ଦିଲୀପ ନୀତିନ ଗଡକରୀଙ୍କୁ ଏକ ବିଶେଷ ଆବେଦନ କରିଥିଲେ, ଯାହାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଫରାହ ମୁଣ୍ଡରେ ହାତ ଦେଇଛନ୍ତି। ଆମେ ଦେଖିଛେ ଫରାହ ତାଙ୍କ ରୋଷେୟାଙ୍କ ସହ ବଡ଼ ବଡ଼ ସେଲିବ୍ରିଟିଙ୍କ ଘରକୁ ଯାଆନ୍ତି କିନ୍ତୁ ଜଣେ ରାଜନେତାଙ୍କ ଘରକୁ ଯିବା ଏହା ପ୍ରଥମ ଥିଲା। ଏହି ଏପିସୋଡଟି ସମସ୍ତଙ୍କୁ ଭଲ ମଧ୍ୟ ଲାଗିଛି।

ଫରାହ ଖାନ ଏବଂ ଦିଲୀପ ଦିଲ୍ଲୀରେ ପହଞ୍ଚିଲେ
ବ୍ଲଗ ଆରମ୍ଭ ହେବା ମାତ୍ରେ ଫରାହ ଖାନଙ୍କ ରୋଷେୟା ଦିଲୀପ ସୁଇମିଂ ପୁଲରେ ପଡ଼ିଗଲେ। ତା’ପରେ ଦିଲୀପଙ୍କୁ ପୁଲରୁ ବାହାରକୁ ଟାଣି ନିଆଯାଇଥିଲା ଏବଂ ଦୁହେଁ ନୀତିନ ଗଡକରୀଙ୍କୁ ଭେଟିଥିବାର ଦେଖାଯାଇଥିଲା। ଆଲୋଚନା ସମୟରେ ଫରାହ ଟିକେ ନର୍ଭସ ଦେଖାଯାଇଥିଲେ। ଫରାହ କହିଥିଲେ ଯେ ଏହା ପ୍ରଥମ ଥର ପାଇଁ ଜଣେ ରାଜନେତା ତାଙ୍କ ଶୋ’ରେ ଆସିଥିଲେ, ତେଣୁ ସେ ଟିକେ ନର୍ଭସ ଅନୁଭବ କରୁଥିଲି। ନୀତିନ ଗଡକରୀ ଫରାହ ଏବଂ ଦିଲୀପଙ୍କୁ ତାଙ୍କ ସମଗ୍ର ଘର ବୁଲି ଦେଖାଇଥିଲେ।

ଗଡକାରୀଙ୍କୁ ଦାବି କରିଛନ୍ତି ଦିଲୀପ
ନୀତିନ ଗଡକରୀ ଫରାହ ଖାନ ଏବଂ ଦିଲୀପ ଖାନଙ୍କୁ ତାଙ୍କର ଗୋବରରେ ରଙ୍ଗ କରାଯାଇଥିବା ସ୍ବତନ୍ତ୍ର କନଫରେନ୍ସ ହଲ ଦେଖାଇିଲେ। ଏହା ଶୁଣି ଫରାହା ଆଶ୍ଚର୍ଯ୍ୟ ହୋଇଯାଇଥିଲେ। ଫରାହ ଏବଂ ଦିଲୀପ ନୀତିନ ଗଡକରୀଙ୍କୁ ଅଭିବାଦନ କରି ସେମାନଙ୍କର ବ୍ଲଗ ଆରମ୍ଭ କଲେ, ଏବଂ ଦିଲୀପ ଗଡକାରୀଙ୍କ ପାଦ ଛୁଇଁଥିଲେ। ଦିଲୀପ ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲେ। ନୀତିନ ଗଡକରୀଙ୍କୁ ଭେଟି ଦିଲୀପ କହିଲେ, "ମହାଶୟ, ଦୟାକରି ମୋ ଗାଁ ଦରଭଙ୍ଗାରେ ଏକ ରାସ୍ତା ନିର୍ମାଣ କରନ୍ତୁ।" ଏହା ଶୁଣି ଫରାହ ମଜାରେ ତାଙ୍କ ମୁଣ୍ଡ ଧରିଲେ।