Bollywood Update / ରାଗିଗଲେ ଗୌରୀ, ଫ୍ୟାନ୍ସ କହିଲେ...

ରାଗରେ ଗରଗର ହେଲେ ବଲିଉଡ ଅଭିନେତା ଆମିର ଖାନଙ୍କ ପ୍ରେମିକା ଗୌରୀ । ହେଲେ କାହିଁକି ଆଉ କାହା ଉପରେ ରାଗିଗଲେ ଗୌରୀ ବୋଲି ସାଧାରଣରେ ସମସ୍ତଙ୍କ ମନରେ ପ୍ରଶ୍ନ ଉଠୁଛି। କେହି କେହି କହୁଛନ୍ତି କି କଣ ଆମିରଙ୍କୁ କିଛି କହିଲେ କି ଗୌରୀ ? ପ୍ରକୃତ ଘଟଣାକ୍ରମ କଣ ହୋଇଛି ନଜର ପକାନ୍ତୁ।ଆଜିକାଲି ବେଶ ଚର୍ଚ୍ଚାରେ ଅଛନ୍ତି। ଯେବେଠୁ ଆମିର ଗୌରୀଙ୍କ ପ୍ରେମରେ ପଡିଲେଣି ସେବେଠୁ ମିଡିଆ ତାଙ୍କ ପିଛା ଛାଡୁନି। ୬୦ବର୍ଷୀୟ ଅମିର ଏବଂ ୪୬ ବର୍ଷୀୟ ଗୌରୀଙ୍କ ମଧ୍ୟରେ ୧୪ ବର୍ଷର ବୟସ ପାର୍ଥକ୍ୟ ଅଛି। ଗୌରୀଙ୍କୁ ଡେଟ କରିବା ପୂର୍ବରୁ, ଅମିର ୨୦୦୫ ରୁ ୨୦୨୧ ପର୍ଯ୍ୟନ୍ତ ଚଳଚ୍ଚିତ୍ର ନିର୍ମାତା କିରଣ ରାଓଙ୍କୁ ବିବାହ କରିଥିଲେ। ଏହି ଦମ୍ପତିଙ୍କର ଏକ ପୁଅ ଆଜାଦ ଅଛି ଏବଂ ୧୬ ବର୍ଷ ବିବାହ ପରେ ୨୦୨୧ରେ ସେମାନଙ୍କର ଛାଡପତ୍ର ଘୋଷଣା କରିଥିଲେ।

ଅମିର ପୂର୍ବରୁ ୧୯୮୬ ରୁ ୨୦୦୨ ପର୍ଯ୍ୟନ୍ତ ରୀନା ଦତ୍ତାଙ୍କ ସହିତ ବିବାହ କରିଥିଲେ। ଏହି ଦମ୍ପତିଙ୍କ ଦୁଇଟି ସନ୍ତାନ ଜୁନୈଦ ଖାନ ଏବଂ ଇରା ଖାନ ଅଛନ୍ତି।୨୦୦୨ରେ ସେମାନଙ୍କର ଛାଡପତ୍ର ହୋଇଥିଲା।ଗୌରୀ ଯୁଆଡେ ଯାଉଛନ୍ତି ଫଟୋଗ୍ରାଫର୍‌ ବି ତାଙ୍କ ପଛେ ପଛେ ହାଜର। ଏହା ଦେଖି ସେ ରାଗିଯାଉଛନ୍ତି। ନିକଟରେ ବାନ୍ଦ୍ରାରେ କାମ ପାଇଁ ବାହାରକୁ ଯାଉଥିବା ସମୟରେ, ଫଟୋଗ୍ରାଫର ତାଙ୍କୁ ଘେରି ରହିଥିଲେ। ଏହା ଦେଖି ସେ ବିରକ୍ତ ହୋଇ ପଛକୁ ହଟିଯିବାକୁ ଅନୁରୋଧ କରିଥିଲେ। ମୋତେ କାହିଁକି ଫଲୋ କରୁଛ, ମୋତେ ଏକା ଛାଡିଦିଅ ବୋଲି କହିଥିଲେ।ଯଦିଓ ଆମିର ତାଙ୍କ ବ୍ୟକ୍ତିଗତ ଜୀବନକୁ ପ୍ରାୟତଃ ସ୍ପଟଲାଇଟଠାରୁ ଦୂରରେ ରଖିଛନ୍ତି, ଗୌରୀଙ୍କ ସହିତ ତାଙ୍କ ସମ୍ପର୍କ ପ୍ରାୟତଃ ଧ୍ୟାନ ଆକର୍ଷଣ କରେ। ଆମିର କିଛି ମାସ ପୂର୍ବରୁ ଗୌରୀଙ୍କ ସହ ସମ୍ପର୍କକୁ ସ୍ବୀକାର କରିଥିଲେ।

ଏଥିସହ ପଢ଼ନ୍ତୁ: କିଏ ଏହି ଗୌରୀ ? ଯାହାକୁ ନେଇ ବୁଲୁଛନ୍ତି ଆମିର ଖାନ

ସେ କହିଥିଲେ, ମୁଁ ହୃଦୟରୁ ଗୌରୀଙ୍କୁ ବିବାହ କରିଛି। ସେ ଏବଂ ମୁଁ ପରସ୍ପର ପ୍ରତି ପ୍ରକୃତରେ ଗମ୍ଭୀର ଏବଂ ଆମେ ପରସ୍ପର ପ୍ରତି ସମ୍ପୂର୍ଣ୍ଣ ପ୍ରତିବଦ୍ଧ। ଆମେ ସାଥୀ। ଆମେ ଏକାଠି ଅଛୁ। ତେଣୁ ଆମେ ଏହାକୁ ଆନୁଷ୍ଠାନିକ କରିବୁ କି ନାହିଁ ତାହା ମୁଁ ଆଗକୁ ବଢ଼ିବା ସହିତ ନିଷ୍ପତ୍ତି ନେବି। ତେବେ ଆମିର ଏବଂ ଗୌରୀ କେବେ ବିବାହ କରିବେ ବୋଲି ଫ୍ୟାନ୍ସ ସୋସିଆଲ ମିଡିଆରେ ପୋଷ୍ଟ କରି ପଚାରୁଛନ୍ତି, କିନ୍ତୁ ଏହି ଯୋଡି ଏଯାଏଁ ସେନେଇ କୌଣସି ସୂଚନା ଦେଇନାହାନ୍ତି। 

ଅଧିକ ପଢ଼ନ୍ତୁ ମନୋରଞ୍ଜନ ଖବର: